مرکزی وزیر برائے سماجی انصاف اور تفویض اختیارات (ایس جے اینڈ ای) ، ڈاکٹر وریندر کمار، نیشنل انسٹیٹیوٹ آف مینٹل ہیلتھ ریہیبلیٹیشن قومی ادارہ برائے ذہنی صحت  کی بحالی  (این آئی ایم ایچ آر)  ، کل مدھیہ پردیش  کے  سیہور میں ، نو تعمیر شدہ کیمپس میں اسٹوڈیو اپارٹمنٹ کے ساتھ ایڈمن، اکیڈمک اور ہاسٹل بلاکس کا افتتاح کریں گے۔ جن  دیگر معززین کی شرکت متوقع ہے ان میں  ایم پی حکومت کے وزراء - جناب  کرن سنگھ ورما (محکمہ محصولات ) اورجناب نارائن سنگھ کشواہا (محکمہ برائے  سماجی انصاف اور معذور افراد کو بااختیار بنانا) کے علاوہ،جناب  آلوک شرما، ممبر پارلیمنٹ ( بھوپال) اور جناب  سدیش رائے، ممبر قانون ساز اسمبلی (سیہور) شامل ہیں ۔

ادارہ  ذہنی صحت کے چیلنجوں سے دوچار لوگوں کی خدمت کرے گا اور افرادی قوت کی تربیت میں شامل ہوگا۔ یہ ذہنی امراض میں مبتلا افراد، ان کی دیکھ بھال کرنے والوں، دماغی صحت کے پیشہ ور افراد، غیر سرکاری ایجنسیوں اور میڈیا کے ساتھ مل کر ذہنی صحت پر عوامی تعلیم کے پروگراموں کو تیار کرنے میں اہم کردار ادا کرے گا۔ سب سے اہم بات یہ ہے کہ انسٹی ٹیوٹ میڈیا کی مختلف شکلوں (روایتی پرنٹ، الیکٹرانک اور سماجی) کے ذریعے مقامی اور مقبول زبانوں میں ذہنی صحت کے بارے میں بیداری پھیلانے میں مصروف رہے گا۔ یہ کمیونٹی لیڈروں، این جی اوز، پبلک/ پرائیویٹ سیکٹر کی تنظیموں، صحت کی دیکھ بھال کے پیشہ ور افراد، ممکنہ آجروں، قانونی ماہرین، پولیس، صنعت کے نمائندوں، اساتذہ، طلباء اور دیگر متعلقہ اسٹیک ہولڈرز کے ساتھ بھی کام کرے گا تاکہ ذہنی صحت سے متعلق غلط فہمی کو کم کیا جا سکے اور کامیاب کمیونٹی  کی ساتھ  ذہنی صحت سے متعلق مسائل والے افراد کے انضمام  کی  کامیاب سہولت فراہم کی جا سکے ۔

این آئی ایم ایچ آر کا نیا تعمیر شدہ کیمپس سروسز، ایڈمنسٹریشن اور اکیڈمکس، ہاسٹل اور اسٹوڈیو اپارٹمنٹ بلاکس پر مشتمل ہے۔ انسٹی ٹیوٹ کا سروس بلاک نیورو تھراپی، فزیو تھراپی، اسپیچ تھراپی، پیشہ ورانہ تھراپی، ایم آر آئی، سی ٹی اسکین، ریڈیولاجی، ایکسرے روم، ڈے کیئر سروسز، ووکیشنل ٹریننگ کی خدمات کو پورا کرے گا۔ مزید برآں، سروس بلاک میں ڈاکٹروں، میڈیکل سپرنٹنڈنٹ، رجسٹریشن اور ہیلپ ڈیسک کے لیے تقریباً 70 کمرے، کلینیکل اسٹاف کے لیے کمرے، پینٹری، کچن، کینٹین، پیشہ ورانہ تربیت کے لیے کمرے وغیرہ ہیں۔ انسٹی ٹیوٹ کا اسٹوڈیو اپارٹمنٹ 23 ڈبل بیڈ والے کمرے اور ایک پینٹری  پر مشتمل ہے۔.

انسٹی ٹیوٹ کا ایڈمنسٹریشن اور اکیڈمک بلاک تقریباً 60 کمروں پر مشتمل ہے، جس میں 16 کلاس رومز، ایک لائبریری کے ساتھ ساتھ پروفیسرز اور اسسٹنٹ پروفیسرز، انتظامی عملہ وغیرہ کے لیے کمرے ہیں۔ یہ کراس ڈس ایبلیٹی ارلی انٹروینشن مرکز برائے   معذور اطفال(سی ڈی ای آئی سی) کے ساتھ گراؤنڈ فلور پر اپنے کثیر المقاصد ہال سے بھی آراستہ ہے۔ این آئی ایم ایچ آر کے طلباء کو لڑکیوں اور لڑکوں دونوں کے لیے ہاسٹل کی سہولت فراہم کی جائے گی، جس میں 62 ڈبل بیڈ اور 51 سنگل بیڈ والے کمرے اور 02 ڈبل بیڈ اور 02 سنگل بیڈ والے کمرے دیویانگجن طلباء کے لیے مختص ہیں۔

این آئی ایم ایچ آر کے بارے میں

نیشنل انسٹی ٹیوٹ آف مینٹل ہیلتھ بحالی (این آئی ایم ایچ آر)  کو ایک مرکزی خود مختار ادارہ کے طور پر  وزارت سماجی انصاف اور تفویض اختیارات کے معذور افراد (دیویانگجن ) کے محکمے تحت قائم کیا گیا تھا تاکہ  دماغی صحت کی بحالی کی ضروریات کو پورا کیاجا سکے  اور  دماغی بیماری سے متاثر افراد کی بحالی کو فروغ دیا جا سکے ۔ یہ ادارہ سیہور (ایم پی ) میں اکتوبر 2018 میں کابینہ کی منظوری سے ایم پی سوسائٹیز رجسٹریشن ایکٹ 1973 کے تحت ایک سوسائٹی کے طور پر قائم کیا گیا تھا۔

اس وقت این آئی ایم ایچ آر پانچ کورسز چلا رہا ہے یعنی کیئر گیونگ کا سرٹیفکیٹ کورس، کمیونٹی بیسڈ ری ہیبلیٹیشن  (ڈی سی بی آر) میں ڈپلومہ، پیشہ ورانہ بحالی-دانشورانہ معذوری (ڈی وی آر – آئی ڈی) میں ڈپلومہ، بحالی نفسیات میں پوسٹ گریجویٹ ڈپلومہ (پی جی ڈی آر پی) اور سائن لینگو یج میں ڈپلومہ۔ تشریح (ڈی  آئی ایس ایل آئی) ۔ این آئی ایم ایچ آر  کی طرف سے او پی ڈی  (نفسیاتی مداخلت، نفسیاتی تشخیص)، ٹیلی کاؤنسلنگ، آؤٹ ریچ او پی ڈی  ، آؤٹ ریچ پروگرامز اور ذہنی صحت سے متعلق آگاہی کی سرگرمیوں کے ذریعے طبی خدمات بھی نچلی سطح پر  بھی فراہم کی جارہی ہیں ۔

انسٹی ٹیوٹ سائیکو ڈائیگنوسٹک اسسمنٹ اور ٹیسٹنگ، نیورو سائیکولوجیکل اسیسمنٹ، سائیکو ایجوکیشن گائیڈنس اور کونسلنگ، دماغی صحت کے مختلف مسائل کے لیے سائیکو تھراپیٹک مداخلت اور دیگر آؤٹ ریچ اور بیداری کی خدمات وغیرہ کو مندرجہ ذیل محکموں کے ذریعے چلائے گا:

• شعبہ نفسیات
• کلینیکل سائیکالوجی کا شعبہ
• شعبہ نفسیاتی سماجی کام
• شعبہ نفسیاتی نرسنگ
• تقریر اور سماعت کا شعبہ
• پیشہ ورانہ تھراپی کے مراکز
• فزیو تھراپی اور یوگا سائنسز
• مرکز برائے تعلیم، پیشہ ورانہ تربیت اور فنون لطیفہ
• لیگل ایڈ سیل اور کمپیوٹر ڈیپارٹمنٹ

 

ش ح۔ اک۔ س ع س

U NO   5290

(Release ID: 2093485) Visitor Counter : 13