مرکزی وزیر داخلہ اورکو آپریٹو کے وزیر جناب امت شاہ نے آج مانسا، گجرات میں تقریباً 241 کروڑ روپے کے کئی ترقیاتی پروجیکٹوں کا افتتاح اور سنگ بنیاد رکھا۔ اس تقریب میں گجرات کے وزیر اعلیٰ بھوپیندر پٹیل کے ساتھ دیگر معززین بھی موجودتھے۔

اپنے خطاب میں، مرکزی وزیر داخلہ اورکو آپریٹو کے وزیر، جناب امت شاہ نے، ریاست کے پانی کی کمی کے چیلنجوں سے نمٹنے کے لیے جناب نریندر مودی کی گجرات کے وزیر اعلیٰ کے طور پر اپنے دور میں کی گئی تبدیلی کی کوششوں پر روشنی ڈالی۔ جناب شاہ نےکہا کہ گجرات میں زمینی پانی کبھی صرف 1,200 فٹ کی گہرائی میں دستیاب تھا، لیکن جناب نریندر مودی کی کوششوں سے اسے مزید قابل رسائی بنایا گیا ہے جنہوں نے بطور وزیر اعلیٰ گجرات بھر میں، بشمول کچھ اور سوراشٹرامیں پانی کی سطح کو بڑھانے کے لیے کام کیا تھا۔ نرمدا پروجیکٹ کی تکمیل کو ترجیح دیتے ہوئے انہوں نے زور دے کر کہا کہجناب  مودی نے نرمدا پروجیکٹ کو کامیابی سے نافذ کرنے کے لیے تمام رکاوٹوں کو دور کیا۔ جناب شاہ نے مزید کہا کہ جناب نریندر مودی نے وزیر اعظم کا عہدہ سنبھالنے کے بعد، نرمدا ندی کا پانی ریاست کے ہر گھر تک پہنچایا۔ انہوں نے بھروچ سے کھاوڑا تک نہر کی تعمیر کو یقینی بنایا۔ انہوں نے پورے گجرات میں 9,000 تالابوں کو بھرنے، بارش کے پانی کو محفوظ کرنے اور سوراشٹرا کے ہر گاؤں میں پانی کی فراہمی کو یقینی بنانے کے اقدامات کی بھی تعریف کی۔

جناب امت شاہ نے کہا کہ گجرات کے وزیر اعلیٰ کے طور پر اپنے دور میں، جناب نریندر مودی نے کڈانہ سے ڈیسا تک پانی کی فراہمی کو یقینی بنانے کے لیے سوجلام،سفلم یوجنا جیسے اقدامات کی قیادت کی۔ انہوں نے اس بات پر روشنی ڈالی کہ کس طرح جناب مودی نے نرمدا ندی کے پانی کو تقریباً 9,000 تالابوں میں منتقل کرنے میں سہولت فراہم کی اور سارا سال پانی کے بہاؤ کو برقرار رکھنے کے لیے سابرمتی ندی کے ساتھ 14 ڈیم بنائے۔ جناب شاہ نے زور دے کر کہا کہ وزیر اعظم مودی کی کوششوں نے نہ صرف زیر زمین پانی کی سطح کو بلند کیا بلکہ شمالی گجرات کے لوگوں کی زندگیوں کو بھی بدل دیا۔ انہوں نے کہا کہ شمالی گجرات کے لوگ کبھی فلورائیڈ آلودہ پانی استعمال کرنے پر مجبور تھے، لیکن مودی جی کی سرشار کوششوں سے اب محفوظ، فلورائیڈ سے پاک پینے کے پانی تک رسائی حاصل کر رہے ہیں۔

مرکزی وزیر داخلہ جناب امت شاہ نے امبوڈ میں 500 سال سے زیادہ پرانے مہا کالی ماتا مندر کی اہمیت پر روشنی ڈالی، جو مقامی کمیونٹی کے لیے عقیدت کا ایک قابل احترام مرکز ہے۔ انہوں نے بتایا کہ مندر کی حال ہی میں پوتریاترادھام کی کوششوں سے تزئین و آرائش کی گئی ہے اور اب اس میں ایک نو تعمیر شدہ خوبصورت بیراج موجود ہے۔ جناب شاہ نے وزیر اعلیٰ بھوپیندر پٹیل کی حوصلہ افزائی کی کہ وہ بیراج کو وسعت دے کر اور سال بھر پانی سے بھرا تالاب بنا کر اس جگہ کو مزید بڑھا دیں۔ انہوں نے کشتی رانی اور چہل قدمی کے لیے سہولیات کے اضافے کا تصورپیش کیاجہاں زائرین روحانی ماحول کا تجربہ کر سکتے ہیں، خاص طور پر شام کی آرتی کے دوران، جو ایک دلکش مذہبی جوہر کو ظاہر کرتا ہے۔

جناب امت شاہ نے مانسا میں کئی ترقیاتی پروجیکٹوں کے افتتاح کا اعلان کیا، جن میں مانسا سرکٹ ہاؤس، نیل کنٹھ مہادیو کے قریب ایک حفاظتی دیوار، بدر پورہ گاؤں میں ایک چیک ڈیم، اور 241 کروڑ روپے کی کل سرمایہ کاری کے ساتھ چارڈا اور دیلواڑا گاؤں میں کلاس بلاک شامل ہیں۔  انہوں نے امبوڈ گاؤں میں دریائے سابرمتی پر ایک بیراج سمیت 23 اضافی پروجیکٹوں کا سنگ بنیاد بھی رکھا۔ جناب شاہ نے روشنی ڈالی کہ اس بیراج سے مقامی کسانوں کو کافی فائدہ پہنچے گا، جبکہ چیک ڈیم علاقے کے بچوں کی زندگیوں پر مثبت اثر ڈالے گا۔ انہوں نے یقین ظاہر کیا کہ گجرات حکومت کی کوششوں سے امبوڈ میں واقع مقدس مندر جلد ہی پوری ریاست کے لیے ایک اہم زیارت گاہ کے طور پر تیار ہو جائے گا۔

***

(ش ح۔اص)

UR No 5250