مہا کمبھ 2025 کے دوران 14 جنوری، 2025 کو مکر سنکرانتی کے مبارک موقع پر شام 5:30 بجے تک 3.5 کروڑ سے زیادہ عقیدت مندوں نے گنگا، جمنا، اور سرسوتی ندیوں (سنگم) کے سنگم پر پہلے ’امرت اسنان‘ (مقدس غسل) میں حصہ لیا۔ اتر پردیش کے وزیر اعلیٰ یوگی آدتیہ ناتھ نے اپنی سوشل میڈیا پوسٹ کے ذریعے اس معلومات کو شیئر کیا، اس تقریب کو عقیدے، اتحاد اور ثقافتی تنوع کی علامت کے طور پر اجاگر کیا۔

اس تقریب نے نہ صرف ہندوستانی عقیدت مندوں کو اپنی طرف متوجہ کیا بلکہ امریکہ، فرانس، اسرائیل، ایران اور پرتگال جیسے ممالک کے بین الاقوامی شرکا کو بھی متوجہ کیا جو ہندوستانی ثقافت اور روحانیت سے بہت متاثر ہوئے۔

شرکت کنندگان کی حفاظت اور بہبود کو یقینی بنانے کے لیے انتظامیہ نے 50,000 سے زیادہ سیکیورٹی اہلکار تعینات کیے جن میں پولیس، نیم فوجی دستے اور مقامی سیکیورٹی عملہ بھی شامل ہے۔ اس کے علاوہ ’گنگا سیوا دوت‘ (گنگا خدمت کے رضاکار) کو گھاٹوں پر تعینات کیا گیا تھا تاکہ فوری طور پر دریا سے پرساد اور دیگر مواد کو ہٹا کر صفائی برقرار رکھی جا سکے۔

اس سال کے کمبھ میں ایک قابل ذکر اضافہ میلے کے احاطے میں آسام کے روایتی تہوار، بھوگالی بیہو کا جشن تھا۔ آسامی سنتوں اور عقیدت مندوں نے روایتی رقص، بھجن، اور چاول پر مبنی پکوان تقسیم کیے، جو شمال مشرقی ہندوستان کے بھرپور ثقافتی ورثے کو ظاہر کرتے ہیں۔

مہا کمبھ میں مختلف ثقافتی پروگرام بھی پیش کیے گئے جن میں مختلف ریاستوں کے فنکاروں اور عقیدت مندوں نے روایتی رقص اور موسیقی پیش کی، جو ہندوستان کے ثقافتی تنوع کی عکاسی کرتے ہیں۔ انتظامیہ نے تمام حاضرین کے لیے آرام دہ تجربہ کو یقینی بنانے کے لیے مفت طبی خدمات، پینے کا پانی، اور نقل و حمل جیسی سہولیات فراہم کیں۔

بین الاقوامی شرکت اور تقریب کی شان و شوکت نے ہندوستان کے ثقافتی ورثے کو عالمی پلیٹ فارم پر فروغ دینے میں اہم کردار ادا کیا ہے، جس سے دنیا بھر میں ملک کی ثقافتی برانڈنگ میں اضافہ ہوا ہے۔

خلاصے کے طور پر مہا کمبھ 2025 عقیدے، اتحاد اور تنوع کا ثبوت ہے جو دنیا کو ہندوستانی ثقافت اور روایات کی عظمت کی ایک جھلک پیش کرتا ہے۔

  ********

ش ح۔ ف ش ع

U: 5219