প্রধানমন্ত্রীগী লোইশঙ
প্রধান মন্ত্রী জনুৱারি ১৪ দা ইন্দিয়া মেতিওরোলোজিকেল দিপার্তমেন্তগী ১৫০শুবা ফাউন্দেসন দে শরুক য়াগনি
প্রধান মন্ত্রীনা ‘মিসন মৌসম’ হৌদোক্কনি অমসুং আই.এম.দি ভিজন-২০৪৭ দোকুমেন্ত ফোঙগনি
Posted On:
13 JAN 2025 11:14AM by PIB Imphal
প্রধান মন্ত্রী শ্রী নরেন্দ্র মোদীনা জনুৱারি ১৪ গী অয়ুক পুং ১০:৩০ তাবদা ন্যু দিল্লিগী ভারত মান্দপমদা ইন্দিয়া মেতিওরোলোজিকেল দিপার্তমেন্তগী ১৫০শুবা ফাউন্দেসন দে শরুক য়াগনি। মহাক্না থৌরম অদুদা মীয়ামদা ৱা ঙাংগনি।
ঐখোয়গী লৈবাক অসি ‘নোংজু-নুংশা অমসুং ক্লাইমেত-স্মার্দ’ ওইবা লৈবাক অমা ওইহন্নবা পান্দমগা লোয়ননা ‘মিসন মৌসম’ হৌদোক্কনি। অৱাংবা থাক্কী ৱেদর সর্ভেলেন্স তেক্নোলোজিশিং অমসুং সিস্তেমশিং শেমগৎনবা, অৱাংবা রিজোলুসন্দা অতিয়া য়েংশিন্নবা, অনৌবা রাদারশিং অমসুং সেতল্লাইতশিং অমসুং অৱাংবা থাক্কী কম্পুতরশিং শীজিন্ননবা পান্দম থম্লি। মসিনা ৱেদর অমসুং ক্লাইমেতকী মরমদা হেন্না খঙহন্নবা মীৎয়েং চঙনবা পান্দম থম্লি অমসুং নুংশিৎ শেংবগী মতাংদা দেতা ফংহন্দুনা ৱেদর মেনেজমেন্তগী থবকশিংদা মতেং পাংগনি।
নোংজু-নুংশাগী চৈথেং মায়োক্ননবা অমসুং অইং-অশাগী খল হোংলকপা চুশিন্নবা ঙম্নবা প্রধান মন্ত্রীনা আই.এম.দি ভিজন-২০৪৭ দোকুমেন্ত ফোঙগনি। মসিদা নোংজু-নুংশাগী ই-পাউ মাঙজৌননা লাউথোকপা, ৱেদর মেনেজমেন্ত অমসুং অইং-অশাগী খল হোংলকপা থেংননবা থৌরাং য়াওরি।
আই.এম.দিগী ১৫০শুবা ফাউন্দেসন দে পাংথোক্নবা, হৌখিবা চহি ১৫০ গী আই.এম.দিগী মাইপাকপশিং অমসুং তোঙান-তোঙানবা ৱেদর অমসুং ক্লাইমেতকী থবকশিংগী লৌরিবা থৌদাং উৎনবা তোঙান-তোঙানবা থৌরমশিং অমসুং ৱার্কসোপশিং পাংথোক্কনি।
****
(Release ID: 2092418)
Visitor Counter : 40
Read this release in:
Odia
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam