ਕੇਂਦਰੀਯ ਵਿਦਿਆਲਯਾਂ ਲਈ 34ਵੀਂ ਰਾਸ਼ਟਰੀ ਯੁਵਾ ਸੰਸਦ ਪ੍ਰਤੀਯੋਗਿਤਾ, 2023-24 ਦਾ ਪੁਰਸਕਾਰ ਵੰਡ ਸਮਾਰੋਹ ਸ਼ੁੱਕਰਵਾਰ, 10 ਜਨਵਰੀ, 2025 ਨੂੰ ਜੀਐੱਮਸੀ ਬਾਲਯੋਗੀ ਆਡੀਟੋਰੀਅਮ, ਪਾਰਟੀਮੈਂਟ ਲਾਈਬ੍ਰੇਰੀ ਭਵਨ, ਪਾਰਲਿਆਮੈਂਟ ਹਾਊਸ ਕੰਪੈਲਕਸ, ਨਵੀਂ ਦਿੱਲੀ ਵਿੱਚ ਆਯੋਜਿਤ ਕੀਤਾ ਜਾਵੇਗਾ।

ਸੰਸਦੀ ਮਾਮਲੇ ਅਤੇ ਘੱਟ ਗਿਣਤੀ ਮਾਮਲੇ ਮੰਤਰੀ ਸ਼੍ਰੀ ਕਿਰੇਨ ਰਿਜਿਜੂ ਇਸ ਸਮਾਰੋਹ ਦੀ ਪ੍ਰਧਾਨਗੀ ਕਰਨਗੇ ਅਤੇ ਪ੍ਰਤੀਯੋਗਿਤਾ ਵਿੱਚ ਉਤਕ੍ਰਿਸ਼ਟ ਪ੍ਰਦਰਸ਼ਨ ਲਈ ਪੁਰਸਕਾਰ ਜੇਤੂ ਵਿਦਿਆਰਥੀਆਂ ਅਤੇ ਸਕੂਲਾਂ ਨੂੰ ਪੁਰਸਕਾਰ ਵੰਡੇ ਜਾਣਗੇ। ਇਸ ਮੌਕੇ ‘ਤੇ, 34ਵੀਂ ਰਾਸ਼ਟਰੀ ਯੁਵਾ ਸੰਸਦ ਪ੍ਰਤੀਯੋਗਿਤਾ, 2023-24 ਦੇ ਰਾਸ਼ਟਰੀ ਜੇਤੂ, ਪੀਐੱਮ ਸ਼੍ਰੀ ਕੇਂਦਰੀਯ ਵਿਦਿਆਲਯ, ਆਈਆਈਟੀ, ਖੜਗਪੁਰ (ਕੋਲਕਾਤਾ ਖੇਤਰ, ਪੂਰਬੀ ਖੇਤਰ) ਦੇ ਵਿਦਿਆਰਥੀ ਪੁਰਸਕਾਰ ਵੰਡ ਸਮਾਰੋਹ ਦੇ ਮੌਕੇ ‘ਤੇ ਆਪਣੀ ਯੁਵਾ ਸੰਸਦ ਬੈਠਕ ਦਾ ਮੁੜ ਪ੍ਰਦਰਸ਼ਨ ਕਰਨਗੇ। 

ਸੰਸਦੀ ਮਾਮਲੇ ਮੰਤਰਾਲਾ ਪਿਛਲੇ 36 ਵਰ੍ਹਿਆਂ ਤੋਂ ਕੇਂਦਰੀਯ ਵਿਦਿਆਲਯਾਂ ਦੇ ਲਈ ਯੁਵਾ ਸੰਸਦ ਪ੍ਰਤੀਯੋਗਿਤਾਵਾਂ ਆਯੋਜਿਤ ਕਰਦਾ ਆ ਰਿਹਾ ਹੈ। ਕੇਂਦਰੀਯ ਵਿਦਿਆਲਯਾਂ ਦੇ ਲਈ ਯੁਵਾ ਸੰਸਦ ਪ੍ਰਤੀਯੋਗਿਤਾ ਯੋਜਨਾ ਦੇ ਤਹਿਤ, ਲੜੀ ਦੀ 34ਵੀਂ ਪ੍ਰਤੀਯੋਗਿਤਾ 2023-24 ਦੌਰਾਨ ਕੇਂਦਰੀਯ ਵਿਦਿਆਲਯ ਸੰਗਠਨ ਦੇ 25 ਖੇਤਰਾਂ ਵਿੱਚ ਫੈਲੇ 150 ਕੇਂਦਰੀਯ ਵਿਦਿਆਲਯਾਂ ਦਰਮਿਆਨ ਆਯੋਜਿਤ ਕੀਤੀ ਗਈ।  

ਯੁਵਾ ਸੰਸਦ ਯੋਜਨਾ ਦਾ ਉਦੇਸ਼ ਯੁਵਾ ਪੀੜ੍ਹੀ ਵਿੱਚ ਆਤਮ-ਅਨੁਸ਼ਾਸਨ ਦੀ ਭਾਵਨਾ, ਵਿਭਿੰਨ ਵਿਚਾਰਾਂ ਦੇ ਪ੍ਰਤੀ ਸਹਿਣਸ਼ੀਲਤਾ, ਵਿਚਾਰਾਂ ਦਾ ਸਹੀ ਪ੍ਰਗਟਾਵਾ ਅਤੇ ਲੋਕਤੰਤਰੀ ਜੀਵਨ ਸ਼ੈਲੀ ਦੇ ਹੋਰ ਗੁਣਾਂ ਨੂੰ ਵਿਕਸਿਤ ਕਰਨਾ ਹੈ। ਇਸ ਤੋਂ ਇਲਾਵਾ, ਇਹ ਯੋਜਨਾ ਵਿਦਿਆਰਥੀਆਂ ਨੂੰ ਸੰਸਦ ਵਿਧੀਆਂ ਅਤੇ ਪ੍ਰਕਿਰਿਆਵਾਂ, ਚਰਚਾ ਅਤੇ ਬਹਿਸ ਦੀਆਂ ਤਕਨੀਕਾਂ ਨਾਲ ਵੀ ਜਾਣੂ ਕਰਵਾਉਂਦੀ ਹੈ ਅਤੇ ਉਨ੍ਹਾਂ ਵਿੱਚ ਆਤਮਵਿਸ਼ਵਾਸ, ਅਗਵਾਈ ਦੀ ਗੁਣਵੱਤਾ ਅਤੇ ਪ੍ਰਭਾਵੀ ਤਰੀਕੇ ਨਾਲ ਗੱਲ ਕਹਿਣ ਦੀ ਕਲਾ ਅਤੇ ਕੌਸ਼ਲ ਵਿਕਸਿਤ ਕਰਦੀ ਹੈ। 

ਪ੍ਰਤੀਯੋਗਿਤਾ ਵਿੱਚ ਰਾਸ਼ਟਰੀ ਪੱਧਰ ‘ਤੇ ਪਹਿਲਾ ਸਥਾਨ ਪ੍ਰਾਪਤ ਕਰਨ ਲਈ “ਨਹਿਰੂ ਰਨਿੰਗ ਸ਼ੀਲਡ” ਅਤੇ ਟਰਾਫੀ ਪ੍ਰਧਾਨ ਮੰਤਰੀ ਸ਼੍ਰੀ ਕੇਂਦਰੀਯ ਵਿਦਿਆਲਯ, ਆਈਆਈਟੀ, ਖੜ੍ਹਗਪੁਰ (ਕੋਲਕਾਤਾ ਖੇਤਰ, ਪੂਰਬੀ ਖੇਤਰ) ਨੂੰ ਪ੍ਰਦਾਨ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ, ਪ੍ਰਤੀਯੋਗਿਤਾ ਵਿੱਚ ਖੇਤਰੀ ਪੱਧਰ ‘ਤੇ ਪਹਿਲਾ ਸਥਾਨ ਪ੍ਰਾਪਤ ਕਰਨ ਲਈ ਹੇਠ ਲਿਖੇ 4 ਵਿਦਿਆਲਯਾਂ ਨੂੰ ਵੀ ਕੇਂਦਰੀ ਮੰਤਰੀ ਦੁਆਰਾ ਖੇਤਰੀ ਜੇਤੂ ਟਰਾਫੀ ਪ੍ਰਦਾਨ ਕੀਤੀ ਜਾਵੇਗੀ:- 

ਇਸ ਤੋਂ ਇਲਾਵਾ, ਪ੍ਰਤੀਯੋਗਿਤਾ ਵਿੱਚ ਖੇਤਰੀ ਪੱਧਰ ‘ਤੇ ਪਹਿਲਾ ਸਥਾਨ ਪ੍ਰਾਪਤ ਕਰਨ ਵਾਲੇ ਹੇਠ ਲਿਖੇ 20 ਵਿਦਿਆਲਯਾਂ ਨੂੰ ਮਾਣਯੋਗ ਮੰਤਰੀ ਦੁਆਰਾ ਖੇਤਰੀ ਜੇਤੂ ਟਰਾਫੀ ਪ੍ਰਦਾਨ ਕੀਤੀ ਜਾਵੇਗੀ:-

****

ਐੱਸਐੱਸ/ਐੱਨਐੱਸਕੇ