کیندریہ ودیالیوں کے لیے 34 ویں قومی یوتھ پارلیمنٹ مقابلہ، 2023-24 کے انعامات کی تقسیم کی تقریب جمعہ، 10 جنوری، 2025 کو جی ایم سی بالیوگی آڈیٹوریم، پارلیمنٹ لائبریری بلڈنگ، پارلیمنٹ ہاؤس کمپلیکس، نئی دہلی میں منعقد ہوگی۔

جناب کرن رجیجو، ​​پارلیمانی امور کے مرکزی وزیر؛ اور اقلیتی امور کے وزیر تقریب کی صدارت کریں گے اور انعام جیتنے والے طلباء اور اسکولوں میں مقابلہ میں ان کی شاندار کارکردگی پر انعامات تقسیم کریں گے۔ اس موقع پر، پی ایم شری کیندریہ ودیالیہ، آئی آئی ٹی، کھڑگپور (کولکتہ ریجن، ایسٹ زون) کے طلباء، 34 ویں نیشنل یوتھ پارلیمنٹ مقابلے، 2023-24 کے قومی فاتح، اپنی یوتھ پارلیمنٹ نشست کی کارکردگی کا تقسیم انعامات کی تقریب کے موقع پر اعادہ کریں گے۔

پارلیمانی امور کی وزارت گزشتہ 36 سالوں سے کیندریہ ودیالیوں کے لیے یوتھ پارلیمنٹ مقابلوں کا انعقاد کرتی  رہی ہے۔ کیندریہ ودیالیوں کے لیے یوتھ پارلیمنٹ مقابلہ کی اسکیم کے تحت، کیندریہ ودیالیہ سنگٹھن کے 25 خطوں میں پھیلے ہوئے 150 کیندریہ ودیالیوں کے درمیان 2023-24 کے دوران اس سلسلے کا 34 واں مقابلہ منعقد کیا گیا۔

یوتھ پارلیمنٹ اسکیم کا مقصد نوجوان نسلوں میں نظم و ضبط، متنوع رائے کی قوت برداشت، خیالات کا درست اظہار اور جمہوری طرز زندگی کی دیگر خوبیاں پیدا کرنا ہے۔ اس کے علاوہ یہ اسکیم طلباء کو پارلیمانی کارروائیوں کےطریقہ کار، بحث و مباحثہ کی تکنیکوں سے بھی آشنا کرتی ہے اور ان میں خود اعتمادی، قیادت کی صفت اور موثر خطابت کے فن اور ہنر کو فروغ دیتی ہے۔

‘‘نہرو رننگ شیلڈ’’ اور ٹرافی مقابلے میں قومی سطح پر اول آنے پر پی ایم شری کیندریہ ودیالیہ، آئی آئی ٹی، کھرگپور (کولکتہ ریجن، ایسٹ زون) کو دی جائے گی۔ اس کے علاوہ زونل ونر ٹرافیاں بھی عزت مآب وزیرموصوف کی طرف سے درج ذیل 4 ودیالیوں کو دی جائیں گی جنہوں نے مقابلہ میں زونل سطح پر اول پوزیشن حاصل کی۔

 

اس کے علاوہ، علاقائی فاتح ٹرافیاں عزت مآب وزیر کی طرف سے درج ذیل 20 ودیالیوں کو دی جائیں گی جو مقابلہ میں علاقائی سطح پر پہلے نمبر پر رہے:

 

****

ش ح۔ا ک ۔ف ر

Urdu No. 5030

(Release ID: 2091513) Visitor Counter : 13