مرکزی وزارت صحت نے حکومت تلنگانہ کے تعاون سے 8 اور9 جنوری 2025 کو غیر متعدی امراض(این سی ڈی) پر دو روزہ قومی ورکشاپ کا کامیابی سے انعقاد کیا۔ ورکشاپ میں پرنسپل سکریٹری (صحت)، مشن ڈائرکٹر نیشنل ہیلتھ مشن اور تمام ریاستوں اور مرکز کے زیر انتظام علاقوں کے دیگر سینئر افسران، صحت کے پیشہ ور افراد اور ملک بھر سے پالیسی سازوں نے شرکت کی، اور غیر متعدی امراض، اس کی روک تھام، پتہ لگانے، انتظام اور علاج کے مسائل پر تبادلہ خیال کیا۔

مرکزی صحت کی سکریٹری، محترمہ پنیہ سلیلا شریواستو نے این سی ڈی کے بڑھتے ہوئے بوجھ سے نمٹنے کے لیے بین شعبہ جاتی تعاون، جدید تحقیق اور اختراعی طریقوں کی ضرورت پر زور دیا۔ انہوں نے کہا، "یہ قومی ورکشاپ معیاری صحت کی دیکھ بھال تک عالمی رسائی اور این سی ڈی  کی وجہ سے قبل از وقت اموات میں کمی پر زور دینے کے ساتھ" صحت مند ہندوستان کے حکومت کے ہدف کو حاصل کرنے کی سمت ایک اہم قدم ہے۔" انہوں نے مزید کہا، ‘‘یہ کانفرنس صحت اور خاندانی بہبود کی وزارت کی ترجیحات کو حکمت عملی بنانے میں مدد کرے گی جبکہ صحت کی دیکھ بھال کے نظام کو مضبوط بنانے کے لیے ہندوستان کے 16ویں مالیاتی کمیشن کو تجاویز پیش کرے گی،جس میں این سی ڈی کی روک تھام اور کنٹرول شامل ہے۔’’

کانفرنس میں ذیابیطس، ہائی بلڈ پریشر، گردے کی دائمی بیماری(سی کے ڈی) ، سانس کی دائمی بیماری(سی آر ڈی) ، غیر الکوحل سے متعلق فیٹی جگر کی بیماری (این اے ایف ایل ڈی) ، فالج اور کینسر سمیت اہم این سی ڈی کے مختلف پہلوؤں پر تفصیلی بات چیت، مقامات کے دورے ا اور معلومات  کا تبادلہ کے سیشن شامل ہیں۔ ورکشاپ کا آغاز تلنگانہ میں صحت کی کلیدی سہولیات کے دورے  کے ساتھ ہوا، جہاں شرکاء نے نچلی سطح پر این سی ڈی  مینجمنٹ کے لیے بہترین طریقوں اور اختراعی طریقوں کا مشاہدہ کیا۔ ان دوروں نے بنیادی اور ثانوی صحت کی دیکھ بھال  کے آپریشنل پہلوؤں کے بارے میں اہم معلومات  فراہم کی۔ فِٹ انڈیا اور ایٹ رائٹ انڈیا جیسی مہموں کے کردار پر زور دینے والے سیشنز کے ساتھ کمیونٹی پر مبنی طریقۂ کار  پر توجہ مرکوز تھی۔ ناگالینڈ کے مثالی تمباکو کی روک تھام اور نشے سے بچاؤ کے اقدامات اور تلنگانہ کے یوگا اور فلاح و بہبود کے طریقوں کے انضمام کو دیگر ریاستوں کے لیے نمونے کے طور پر اجاگر کیا گیا۔ ریاست کے مخصوص طریقوں پر خصوصی توجہ دی گئی۔ آسام کے ہائی بلڈ پریشر کنٹرول پروگرام، تمل ناڈو کی جامع این سی ڈی  اسکریننگ اور آندھرا پردیش کے مضبوط کینسر کی دیکھ بھال کے بنیادی ڈھانچے کو ان کے اختراعی طریقوں اور نتائج کے لیے پیش کیا گیا۔ دیگر ریاستوں کی کارکردگی نے یہ ظاہر کیا کہ کس طرح موافقت پذیر حکمت عملی علاقائی چیلنجوں سے مؤثر طریقے سے نمٹ سکتی ہے۔ ثقافتی اور علاقائی سیاق و سباق کے مطابق طریقوں کو اپنانے سے، ان پروگراموں نے قابل ذکر کامیابی حاصل کی ہے اور دوسری ریاستوں کے لیے قابل تقلیدحکمت عملی پیش کی ہے۔

تحقیقی ترجیحات پر ایک خصوصی سیشن نے روک تھام، پتہ لگانے اور علاج میں کمی کو دور  کرنے کے لیے تحقیق پر عمل درآمد کی ضرورت پر روشنی ڈالی۔ مختلف طبی اداروں کے نامور ماہرین کی جانب سے غیر متعدی امراض کی اسکریننگ، تشخیص اور انتظام میں چیلنجز پر پریزنٹیشنز پیش کی گئیں جیسے کہ ایس ٹی ایلیویشن مایوکارڈیل انفکشن، گردے کی دائمی بیماری، سانس کی دائمی بیماری، غیر الکوحل فیٹی لیور کی بیماری اور فالج، جہاں ماہرین نے تبادلہ خیال کیا۔ این سی ڈی  کی اسکریننگ، تشخیص اور انتظام میں چیلنجز کے بوجھ کو کم کرنے کے لیے اپنے خیالات اور تجربات کا اشتراک کیا۔ کینسر کی دیکھ بھال کے بنیادی ڈھانچے کو مضبوط بنانے پر خصوصی توجہ مرکوز کی گئی جس میں ضلع  اسپتالوں میں کینسر کی دیکھ بھال کو بڑھانے، تیسرے درجے کی دیکھ بھال کے مراکز کے کردار اور آبادی پر مبنی کینسر رجسٹری کے سیشنز شامل تھے۔ زبانی، چھاتی اور گریوا کے کینسر میں سرکردہ ماہرین کی شراکت کے ساتھ، کینسر کی دیکھ بھال میں اسکریننگ سے فالو اپ تک کے خلاء کو دور کرنے کی حکمت عملی پر سنجیدہ گفتگو ہوئی۔ ثانوی سطح کےاین سی ڈی کلینک کو مضبوط بنانے اور جامع اسکریننگ پروگراموں کو وسعت دینے کے لیے تلنگانہ اور تمل ناڈو کے بہترین طریقوں پر تبادلہ خیال کیا گیا۔

پس منظر:

ہندوستان کو اس وقت غیر متعدی امراض (این سی ڈی) میں غیر معمولی اضافے کا سامنا ہے، جو ملک بھر میں ہونے والی تمام اموات میں سے 66 فیصد سے زیادہ ہیں۔ تیزی سے بدلتے ہوئے آبادیاتی اور وبائی امراض کے منظر نامے کے ساتھ،این سی ڈی  کا بوجھ جیسے دل کی بیماریاں، ذیابیطس، سانس کی دائمی بیماریاں، اور کینسر صحت عامہ کا ایک اہم چیلنج بن گیا ہے، خاص طور پر 30 سال سے زیادہ عمر کے افراد میں۔

اس بڑھتے ہوئے بوجھ سے نمٹنے کی فوری ضرورت کو تسلیم کرتے ہوئے، حکومت ہند نے نیشنل ہیلتھ مشن کے تحت غیر متعدی امراض کی روک تھام اور کنٹرول کے لیے قومی پروگرام (این پی-این سی ڈی) کو نافذ کیا ہے۔ پروگرام کو نہ صرف سب سے عام(این سی ڈی) بلکہ دیگر سنگین حالات جیسے دائمی رکاوٹ پلمونری بیماری (سی او پی ڈی)، گردے کی دائمی بیماری (سی کے ڈی) ، غیر الکوحل فیٹی لیور ڈیزیز (این اے ایف ایل ڈی) اور پردھان  منتری نیشنل ڈائیلاسز پروگرام(پی ایم این ڈی پی) کے تحت ڈائیلاسز خدمات تک  توسیع کی گئی ہے۔

*****

(ش ح ۔‎ع و۔ج ا(

U. No.5056