விமானப்படை தளபதி ஏர் சீஃப் மார்ஷல் ஏ.பி.சிங் தில்லி கண்டோன்மென்டில் உள்ள தேசிய மாணவர் படை (என்.சி.சி) குடியரசு தின முகாம் 2025-ஐ இன்று பார்வையிட்டார். ஒழுக்கம், தன்னலமற்ற சேவை, தேச நிர்மாணம், நடத்தை விதிகள் போன்ற பயிற்சிகளின் போது என்சிசி மாணவர்களிடம் பொதிந்துள்ள மதிப்புகளை அவர் எடுத்துக்காட்டி விளக்கினார். மேலும் இந்த விழுமியங்களை தங்கள் வாழ்க்கையில் என்றென்றும் கடைபிடிக்க   வேண்டுமென அவர் மாணவர்களை கேட்டுக்கொண்டார். தேசிய மாணவர் படையின் குறிக்கோளான 'ஒற்றுமை மற்றும் ஒழுக்கம்', என்பதை சீருடையில் இருந்தாலும் இல்லாவிட்டாலும் வாழ்க்கையின் அனைத்துத் தருணங்களிலும் கடைபிடிக்க வேண்டும் என்று தேசிய மாணவர் படை வீரர்களை அவர் ஊக்குவித்தார்.

தேசிய மாணவர் படையின் குடியரசு தின முகாம் தேசிய மாணவர் படை வீரர்களுக்கு பல்வேறு கலாச்சாரங்கள், மதங்கள் மற்றும் பிராந்தியங்களைச் சேர்ந்த அனைவரிடையேயும் கலந்துரையாடுவதற்கான வாய்ப்பை வழங்குகிறது என்ற உண்மையை விமானப் போக்குவரத்து ஆணையம் வலியுறுத்தியது. இந்த நிகழ்ச்சியில் சிறப்பாக செயல்பட்ட மாணவர்களை அவர் பாராட்டினார்.

என்.சி.சி.யின் ராணுவம், கடற்படை மற்றும் விமானப்படை பிரிவுகளைச் சேர்ந்த வீரர்களின் 'அணிவகுப்பு மரியாதையை விமானப் படைத் தளபதி பார்வையிட்டார். இதைத் தொடர்ந்து குவாலியரில் உள்ள சிந்தியா பள்ளி  என்சிசி மாணவர்களின் இசை நிகழ்ச்சி நடைபெற்றது.

***

TS/PKV/AG/DL