مرکزی وزیر داخلہ اور وزیر تعاون جناب امت شاہ نے سکھ مذہب کے دسویں گرو گرو گوبند سنگھ جی کے پرکاش پرو کے مبارک موقع پر ماتھا ٹیکنے اور آشیرواد حاصل کرنے کے لیے آج نئی دہلی میں گرودوارہ شری رکاب گنج صاحب کا دورہ کیا۔

X پر ایک پوسٹ میں، جناب امت شاہ نے کہا، ”مذہبی عقیدت، ایثار اور جرأت کے مظہر، شری گرو گوبند سنگھ جی کے پرکاش پرو کے موقع پر، میں نے آج نئی دہلی کے گرودوارہ شری رکاب گنج صاحب میں ماتھا ٹیکا اور ست سنگ کا آشیرواد حاصل کیا۔“

X پر ایک اور پوسٹ میں، مرکزی وزیر داخلہ اور وزیر تعاون جناب امت شاہ نے کہا کہ گرو گوبند سنگھ جی، جنھوں نے ثقافت، مذہب اور انسانیت کے تحفظ کے لیے اپنا سب کچھ قربان کر دیا، جنونی حملہ آوروں کے سامنے اپنے اصولوں پر ڈٹے رہے۔ انھوں نے کہا کہ ان کی زندگی جو قربانی، بہادری اور لگن کی علامت ہے، ابد تک سب کی رہنمائی کرتی رہے گی۔ جناب شاہ نے کہا کہ ناانصافی اور ظلم کے خلاف ثابت قدمی سے لڑنے والے شری گرو گوبند سنگھ جی کی زندگی قربانی، بہادری اور خدمت کی انوکھی مثال ہے۔

**********

ش ح۔ ف ش ع

U: 4929