ప్రధాన మంత్రి కార్యాలయం
నమోభారత్ రైలులో విద్యార్థులు, లోకో పైలట్లతో ప్రధాని శ్రీ నరేంద్రమోదీ సంభాషణ నా యువ స్నేహితుల అద్భుత ప్రతిభ నాలో నూతన శక్తిని నింపింది: పీఎం
Posted On:
05 JAN 2025 8:48PM by PIB Hyderabad
సాహిబాబాద్ ఆర్ఆర్‌టీఎస్ స్టేషన్ నుంచి న్యూ అశోక్ నగర్ ఆర్ఆర్‌టీఎస్ స్టేషన్ వరకు నమో భారత్ రైలులో ప్రధానమంత్రి శ్రీ నరేంద్ర మోదీ ఈ రోజు ప్రయాణించారు. ఈ ప్రయాణంలో తనకు వివిధ చిత్రలేఖనాలు, కళాకృతులను బహుమతిగా ఇచ్చిన యువ మిత్రులతో సంభాషించారు.
ప్రధాని గురించి, కొత్తగా అభివృద్ధి చెందుతున్న భారత్ గురించి కవిత చదివి వినిపించిన బాలికను శ్రీ మోదీ మెచ్చుకున్నారు. తనకు పెయింటింగ్ బహుకరించిన ఓ బాలుడితో శ్రీ మోదీ సంభాషించారు. గృహ లబ్ధిదారుడైన ఆ బాలుడిని వారి కొత్త ఇంటి పనుల పురోగతి గురించి ఆడిగి తెలుసుకొని శుభాకాంక్షలు తెలియజేశారు. మరో బాలిక ప్రధానమంత్రిపై ఓ కవితను వినిపించింది, ఆమెను ఆయన ప్రశంసించారు.
అనంతరం మహిళా లోకో పైలట్లతో ప్రధానమంత్రి సంభాషించారు. వారు తమ ఉద్యోగాల పట్ల సంతోషాన్ని, గర్వాన్ని వ్యక్తం చేశారు. ఏకాగ్రతతో పనిచేయాలని వారికి సూచించి, నూతన ఉద్యోగాలు పొందినందుకు అభినందనలు తెలియజేశారు.
***
MJPS/SR
(Release ID: 2090648)
Visitor Counter : 17
Read this release in:
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam