ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ନମୋ ଭାରତ ଟ୍ରେନରେ ଛାତ୍ରଛାତ୍ରୀ ଏବଂ ଲୋକୋ ପାଇଲଟ୍ଙ୍କ ସହ ଭାବ ବିନିମୟ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
ମୋର ଯୁବ ବନ୍ଧୁମାନଙ୍କ ଚମତ୍କାର ପ୍ରତିଭା ମୋ ଭିତରେ ନୂଆ ଶକ୍ତି ଭରିଦେଲା : ପ୍ରଧାନମନ୍ତ୍ରୀ
Posted On:
05 JAN 2025 8:48PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସାହିବାବାଦ ଆରଆରଟିଏସ୍ ଷ୍ଟେସନ୍ରୁ ନ୍ୟୁ ଅଶୋକ ନଗର ଆରଆରଟିଏସ୍ ଷ୍ଟେସନ ପର୍ଯ୍ୟନ୍ତ ନମୋ ଭାରତ ଟ୍ରେନରେ ଯାତ୍ରା କରିଥିଲେ । ତାଙ୍କର ଏହି ଯାତ୍ରା ସମୟରେ ସେ ଯୁବ ବନ୍ଧୁମାନଙ୍କ ସହିତ ଭାବ ବିନିମୟ କରିଥିଲେ, ଯେଉଁମାନେ ତାଙ୍କୁ ଅନେକ ପେଣ୍ଟିଂ ଏବଂ କଳାକୃତି ଉପହାର ଦେଇଥିଲେ ।
ପ୍ରଧାନମନ୍ତ୍ରୀ ଏବଂ ଉଦୀୟମାନ ଭାରତ ବିଷୟରେ ଏକ କବିତା ପାଠ କରିଥିବା ଜଣେ ଯୁବତୀଙ୍କ ସହ କଥାବାର୍ତ୍ତା କରି ଶ୍ରୀ ମୋଦୀ ତାଙ୍କୁ ପ୍ରଶଂସା କରିଥିଲେ । ଶ୍ରୀ ମୋଦୀ ମଧ୍ୟ ଜଣେ ବାଳକ ସହ କଥାବାର୍ତ୍ତା କରିଥିଲେ, ଯିଏ ତାଙ୍କୁ ଏକ ଚିତ୍ରକଳା ଉପହାର ଦେଇଥିଲେ ଏବଂ ଏକ ଘରର ହିତାଧିକାରୀ ଥିଲେ । ଶ୍ରୀ ମୋଦୀ ତାଙ୍କୁ ନୂତନ ଘରେ ସେମାନଙ୍କର ଅଗ୍ରଗତି ସମ୍ପର୍କରେ ପଚାରିଥିଲେ ଏବଂ ଶୁଭେଚ୍ଛା ଜଣାଇଥିଲେ । ଅନ୍ୟ ଜଣେ ଯୁବତୀ ମଧ୍ୟ ପ୍ରଧାନମନ୍ତ୍ରୀଙ୍କ ବିଷୟରେ ଏକ କବିତା ପାଠ କରିଥିଲେ, ସେଥିପାଇଁ ସେ ତାଙ୍କୁ ପ୍ରଶଂସା କରିଥିଲେ ।
ଏହା ପରେ ପ୍ରଧାନମନ୍ତ୍ରୀ ମହିଳା ଲୋକୋ ପାଇଲଟମାନଙ୍କ ସହ କଥା ହୋଇଥିଲେ, ଯେଉଁମାନେ ସେମାନଙ୍କ ଚାକିରି ପାଇଁ ଖୁସି ଏବଂ ଗର୍ବ ପ୍ରକାଶ କରିଥିଲେ । ପ୍ରଧାନମନ୍ତ୍ରୀ ସେମାନଙ୍କୁ ଅତ୍ୟଧିକ ଏକାଗ୍ରତା ସହିତ କାର୍ଯ୍ୟ କରିବାକୁ ଅନୁରୋଧ କରିଥିଲେ ଏବଂ ନୂତନ ଚାକିରି ପାଇଁ ଶୁଭେଚ୍ଛା ଜଣାଇଥିଲେ ।
SR
(Release ID: 2090425)
Visitor Counter : 19
Read this release in:
Telugu
,
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Kannada
,
Malayalam