میرا بھیندر میونسپل کارپوریشن (ایم بی ایم سی) نے ’فرال سکھی‘ کے نام سے ایک فلیگ شپ پہل کا تصور پیش کیا ہے ، جس کا مقصد مہاراشٹر کے شہر میرا بھیندر میں خواتین کاروباریوں کو بااختیار بنانا ہے ۔ یہ پروگرام روایتی اِسنیک کی پیداوار میں مشغول خواتین کاروباریوں کو اپنے منصوبوں کو پائیدار اور مؤثر طریقے سے بڑھانے میں مدد کرنے کے لیے جامع تربیت اور مدد فراہم کرے گا ۔ ایم بی ایم سی نے نیتی آیوگ کے ویمن انٹرپرینیورشپ پلیٹ فارم (ڈبلیو ای پی) کے ساتھ تعاون کیا اور ڈبلیو ای پی کے ایوارڈ ٹو ریوارڈ پہل کے تحت باضابطہ طور پر ’فرال سکھی‘ کا آغاز کیا ۔

ڈبلیو ای پی ، جسے 2018 میں نیتی آیوگ میں ایک ایگریگیٹر پلیٹ فارم کے طور پر انکیوبیٹ کیا گیا تھا ، 2022 میں پبلک پرائیویٹ پارٹنرشپ میں تبدیل ہو گیا ۔ ڈبلیو ای پی کا مقصد خواتین کاروباریوں کو معلومات کے عدم توازن پر قابو پا کر اور مختلف ستونوں یعنی مالیات تک رسائی ؛ بازار سے روابط ؛ تربیت اور ہنرمندی ؛ رہنمائی اور نیٹ ورکنگ ؛ تعمیل اور قانونی مدد اور کاروباری ترقی کی خدمات میں مسلسل مدد فراہم کرکے بااختیار بنانا ہے۔

’فرال سکھی‘ پہل کا مقصد خواتین کو روایتی فیسٹیو اِسنیکس (’فرال‘) کی تیاری اور فروخت میں شامل کرکے روزگار کے مستقل مواقع پیدا کرنا ہے۔ ایم بی ایم سی کے ذریعہ قائم کردہ ایک مرکزی باورچی خانہ ، سیلف ہیلپ گروپوں (ایس ایچ جی) کی خواتین کو یہ اِسنیک پیشہ ورانہ طور پر تیار کرنے کے قابل بناتا ہے۔ ایم بی ایم سی ان خواتین کو فروخت کی جگہیں فراہم کرکے اور میونسپل اشتہارات کے ذریعے ان کی مصنوعات کو فروغ دے کر ان کی مزید مدد کرتا ہے۔ دیوالی کے موسم کے دوران، اس پہل نے اپنے اعلی معیار اور ذائقہ کی وجہ سے 3 ٹن سے زیادہ اِسنیک بیچ کر قابل ذکر کامیابی حاصل کی۔

میرا بھیندر کی 25 خواتین کو کاروباری کارروائیوں میں تکنیکی تربیت کے لیے منتخب کیا جائے گا ۔ یہ تربیت ، جسے سینٹر فار ایجوکیشن ، گورننس اینڈ پبلک پالیسی (سی ای جی پی فاؤنڈیشن) کی طرف سے سہولت فراہم کی گئی ہے ، شرکاء کو پائیدار کاروبار قائم کرنے اور مقامی معیشت میں حصہ ڈالنے کے لیے درکار مہارتوں اور علم سے آراستہ کرے گی ۔

ڈبلیو ای پی حکومت، کاروبار، انسان دوستی  اور سول سوسائٹی کے تمام ماحولیاتی نظام کے حصص داروں کے لیے ایک فورم فراہم کرتا ہے اور ان کے اقدامات کو قابل پیمائش، پائیدار اور مؤثر پروگراموں سے ہم آہنگ کرتا ہے، جس سے خواتین کاروباریوں کے لیے بڑے اثرات مرتب ہوپاتے ہیں۔  2023 میں، ڈبلیو ای پی نے ’ایوارڈ ٹو ریوارڈ‘ پروگرام کے آغاز کے ساتھ شراکت داری کو ادارہ جاتی شکل دینے کی سمت میں ایک فیصلہ کن قدم اٹھایا، جس کے تحت حصص دار خواتین کاروباریوں کی مخصوص ضروریات کو پورا کرنے اور ان کی کامیابیوں کے لیے سہولت بہم پہنچانے کی خاطر اکٹھے ہوتے ہیں۔ ڈبلیو ای پی کے تحت ’ایوارڈ ٹو ریوارڈ‘ پہل حصص داروں کو مؤثر پروگرام تیار کرنے کے لیے ایک پلگ اینڈ پلے فریم ورک پیش کرتی ہے۔ یہ تعاون خواتین کاروباریوں کو گھریلو منڈیوں میں کامیاب ہونے اور بین الاقوامی سطح پر اپنے کاروبار کو بڑھانے کے قابل بنانے پر مرکوز ہے۔ پہلے سے ہی ڈبلیو ای پی کے ساتھ منسلک 30,000 سے زیادہ خواتین کاروباریوں کے ساتھ، ایم بی ایم سی کے ساتھ اس شراکت داری کا مقصد میرا بھیندر میں خواتین کی زیر قیادت کاروباروں کے لیے ایک فروغ پذیر ماحولیاتی نظام بنانا ہے۔ ڈبلیو ای پی پارٹنر، اپریشیٹ، اِس اے ٹی آر کے لیے مالی مدد بھی فراہم کرے گا۔

نیتی آیوگ کی پرنسپل اقتصادی مشیر اور  ڈبلیو ای پی کی مشن ڈائریکٹر محترمہ انا رائے نے کہا کہ ’’خواتین کی قیادت میں ترقی کے حصول کے لیے خواتین کاروباریوں کی مدد کرنا بہت ضروری ہے ۔ ڈبلیو ای پی خواتین کاروباریوں کو تربیت، ہنر مندی، وسائل، سرپرستوں اور نیٹ ورک تک رسائی سے لے کر جامع مدد فراہم کرتا ہے۔ ڈبلیو ای پی خواتین کو بااختیار بنانے اور انہیں خود انحصاری حاصل کرنے کے قابل بنانے کے لیے تین رہنما اصولوں یعنی اِچھا شکتی (کاروبار شروع کرنے اور اسے آگے بڑھانے کی ترغیب کی طاقت)، گیان شکتی (معلومات کے عدم توازن پر قابو پانے کے لیے علم کی طاقت) اور کرما شکتی (دست گیری اور سپورٹ کے توسط سے عمل کی طاقت) پر کام کرتا ہے۔ ’ایوارڈ ٹو ریوارڈ‘ پروگرام میں ’فرال سکھی‘ پہل کو مربوط کرکے ، ہم خواتین کی زیر قیادت گھریلو صنعتوں کی ترقی کو فروغ دے رہے ہیں، جس سے وہ بڑے پیمانے کے کاروباری اداروں میں تبدیل ہوسکیں۔ یہ پہل نہ صرف کاروبار کا آغاز کرنے کے بارے میں ہے بلکہ سماجی تبدیلی کو تحریک دینے کے بارے میں بھی ہے۔‘‘  

’فرال سکھی‘ پہل خواتین کاروباریوں کی مجموعی ترقی کی طرف ایک اہم قدم کی نمائندگی کرتی ہے۔ ڈبلیو ای پی کے ساتھ اس شراکت داری کے ذریعے، ہم میرا بھیندر کی خواتین کو پائیدار صنعتوں کی قیادت کرنے اور آنے والی نسلوں کو متاثر کرنے کے لیے تیار کر رہے ہیں۔

۔۔۔۔۔۔۔۔۔۔۔۔۔۔۔۔۔

ش ح۔ م م ۔ م ر

Urdu No. 4809