ہندوستان اور مراکش کے درمیان دو طرفہ تعلقات اور بحری تعاون کو مضبوط بنانے کے ایک حصے کے طور پر، آئی این ایس توشیل 27 دسمبر 24 کو  مراکش کے کاسابلانکا شہر  پہنچا۔ مراکش ایک بحری ملک ہے اور ہندوستان کی طرح بحیرہ روم اور بحر اوقیانوس دونوں کے ساتھ ساحلی پٹی کے ساتھ ایک منفرد جغرافیائی حیثیت رکھتا ہے۔

ہندوستانی جنگی جہاز کے دورے کا مقصد دونوں بحری افواج کے درمیان تعاون کے مزید مواقع تلاش کرنا ہے۔ واضح رہے کہ گزشتہ 12 مہینوں میں ہندوستانی بحریہ کے تین جہازوں - تبر، ترکش اور سومیدھا نے کاسا بلانکا کا دورہ کیا، جس سے باہمی اعتماد اور بین تنظیمی تعاون  کو نمایاں طور پر اضافہ  ہوا۔

اس دو روزہ دورے کے دوران، توشل کا عملہ رائل مراکشی بحریہ کے اہلکاروں کے ساتھ فنکشنل سطح پر بات چیت کرے گا، بحری تعاون، سفارتی تعلقات اور خیر سگالی کو فروغ دینے کے لیے ممتاز سینئر حکام اور دیگر مہمانوں کی میزبانی کرے گا۔ اس کے بعد، دونوں بحری افواج ابین تنظیمی تعاون  کو بہتر بنانے اور بہترین طریقوں کا اشتراک کرنے کے لیے سمندر میں  پیسج  ایکسرسائز  (پاس  ایکس) میں حصہ لیں گی۔

 آئی این ایس توشل کو 09 دسمبر 24 کو روس میں شامل کیا  گیا تھا اور اس کی کمانڈ کیپٹن پیٹر ورگیز کے پاس ہے، جن کا سپورٹ  250 اہلکاروں کی ایک کلی طور پر  وقف  ٹیم کرتی ہے۔ جیسا کہ فریگیٹ کروار میں اپنے گھریلو  بندرگاہ کی طرف اپنا سفر جاری رکھے گا، یہ دوستانہ غیر ملکی بحریہ کے ساتھ مشترکہ مشقوں میں حصہ لے گا، جس سے خطے کے ممالک کے ساتھ ہندوستان کی بحری سفارت کاری کو مزید فروغ ملے گا۔

************

ش ح ۔ ا ک ۔ ر ب

U. No.4647