تعارف

ہندوستان کی ساحلی پٹی 7,500 کلومیٹر سے زائد پر پھیلی ہوئی ہے اور یہاں 204 لائٹ ہاؤس موجود ہیں، جو خاموشی سے اس کی سمندری ورثے کی حفاظت کرتے ہیں۔ روایتی طور پر یہ لائٹ ہاؤس سمندری راہ گیروں کے لیے نیویگیشنل امداد فراہم کرتے ہیں، لیکن اب ان منفرد ڈھانچوں کو حکومتِ ہندکے ترقیاتی وژن کے تحت سیاحت کے مقامات کے طور پر دوبارہ تخلیق کیا جا رہا ہے۔ اس اقدام کا مقصدلائٹ ہاؤس کی تاریخی اور فن تعمیراتی اہمیت کو محفوظ رکھنا اور ان کے اقتصادی ترقی اور کمیونٹی کو بااختیار بنانے کے امکانات کو کھولنا ہے۔

لائٹ ہاؤس سیاحت کیا ہے؟

لائٹ ہاؤس سیاحت میں لائٹ ہاؤسز اور ان کے آس پاس کے علاقوں کو سیاحوں کے لیے پرکشش مقامات میں تبدیل کرنا شامل ہے۔ یہ ڈھانچے، جو اکثر قدرتی ساحلی یا جزیرے کی ترتیبات میں واقع ہوتے ہیں،سیاحوں کو قدرتی خوبصورتی، سمندری تاریخ اور تفریحی مواقع کا ایک انوکھا امتزاج پیش کرتے ہیں۔

مرکزی حکومت ہندوستان کے ثقافتی ورثے اور سمندری وراثت کو  آگے بڑھانے  کے لیے اپنے وسیع تر میری ٹائم انڈیا ویژن(ایم آئی وی) 2030 اور امرت کال وژن 2047 کے ایک حصے کے طور پر لائٹ ہاؤس ٹورازم کو فعال طور پر فروغ دے رہی ہے۔

ان سائٹس کو ڈیولپ  کرکے، حکومت روزگار کے مواقع پیدا کرنے اور مقامی اقتصادی ترقی کو فروغ دیتے ہوئے ہندوستان کی سیاحت کی پیشکش کو بڑھانا چاہتی ہے۔

ہندوستان میں لائٹ ہاؤس سیاحت کی صلاحیت

ہندوستان کے لائٹ ہاؤسز محض فعال ڈھانچے نہیں، بلکہ تاریخ اور ثقافت کے ذخیرے ہیں۔ سیاحتی مقامات کے طور پر ان کی صلاحیت کئی اہم عوامل سے پیدا ہوتی ہے:

حکمت عملی کے حامل مقامات: کئی لائٹ ہاؤس  ہندوستان  کی ساحلی پٹی یا دور دراز جزائر پر خوبصورت مقامات پر واقع ہیں، جو سمندر کے دلکش مناظر پیش کرتے ہیں۔

ثقافتی اہمیت: کچھ لائٹ ہاؤسز صدیوں پرانے ہیں اور یونیسکو کے عالمی ثقافتی ورثے کے مقامات جیسے تمل ناڈو میں مہابلی پورم یا دیگر نمایاں ثقافتی مقامات کے قریب ہیں۔

ایڈونچر اور تفریح: یہ سائٹس ایڈونچر کے متلاشیوں کو اپیل کرنے والی ٹریکنگ، بوٹنگ اور واٹر اسپورٹس جیسی سرگرمیوں کی میزبانی کر سکتی ہیں۔

اقتصادی اثرات: لائٹ ہاؤس سیاحت کو ترقی دے کر مہمان نوازی، نقل و حمل اور دستکاری  میں روزگار پیدا کیا جاتاہے، جس سے مقامی معیشتوں کو فروغ ملتا ہے۔

اس صلاحیت کو تسلیم کرتے ہوئے، حکومت نےلائٹ ہاؤس کی سیاحت کو ترقی کے لیے ترجیحی شعبہ قرار دیا ہے۔ یہ اقدام ہندوستان کی عالمی سطح پر سیاحتی مقام کے طور پر کشش کو بڑھانے کے ساتھ ساتھ پائیدار سیاحت کے طریقوں کو فروغ دینے کے وسیع تر اہداف کے ساتھ ہم آہنگ ہے۔

فروری 2024 میں وزیر اعظم نریندر مودی نے 10 ریاستوں اور مرکز کے زیر انتظام علاقوں میں سیاحتی سہولیات کے ساتھ 75 لائٹ ہاؤسز کو وقف کیا۔

ساٹھ(60) کروڑروپے کی سرمایہ کاری کے ساتھ، ان 75 منفرد لائٹ ہاوسز  کو ترقی دی گئی ہے۔ تمام لائٹ ہاؤسز اب ورثے اور تفریح کا سنگ میل بن چکا ہے، جس میں جدید سہولتیں جیسے میوزیم، ایمفی تھیٹرز، بچوں کے پارک اور دیگر شامل ہیں۔ مالی سال24-2023 میں ہی ان 75 مخصوص لائٹ ہاؤسز نے 16 لاکھ سیاحوں کو اپنی طرف متوجہ کیا، جو کہ 2014 میں 4 لاکھ سیاحوں کے مقابلے میں 400؍فیصد سے زائد اضافہ ہے۔ ستمبر 2024 تک رواں مالی سال25-2024 میں 10 لاکھ سے زیادہ سیاحوں نے ان لائٹ ہاوسز کا دورہ کیا ہے۔ اپریل سے جون 2024 کے درمیان 5 لاکھ سے زائد سیاحوں نے لائٹ ہاؤسز کا وزٹ کیا، جو وزیراعظم نریندر مودی کے وژن کے مطابق ان منفرد سمندری ڈھانچوں کو پرجوش سیاحتی مقامات میں تبدیل کرنے کی کوشش کی کامیابی کو ثابت کرتا ہے۔

ان پیش رفتوں کے نتیجے میں ملازمتیں بھی پیدا ہوئیں، قریبی ہوٹلوں، ریستوراں، ٹور آپریٹرز، ٹرانسپورٹیشن سروسز اور مقامی دکانوں اور کاریگروں میں 150 براہ راست اور 500 بالواسطہ روزگار کے مواقع پیدا ہوئے۔

تصویرکا ذریعہ: انکریڈیبل انڈیا (وزارت سیاحت)

لائٹ ہاؤس ٹورازم کو فروغ دینے کے لیے حکومت ہند کی طرف سے اٹھائے گئے اقدامات

1. انڈین لائٹ ہاؤس فیسٹیول سیریز

پہلاہندوستانی لائٹ ہاؤس فیسٹیول، ‘‘بھارتیہ پرکاش اسٹمبھ اتسوو’’، 23 ستمبر 2023 کو

بندرگاہوں، جہاز رانی اور آبی راستے کے مرکزی وزیر جناب  سربانند سونووال اور گوا کے وزیر اعلیٰ جناب پرمود ساونت نے گوا کے تاریخی فورٹ اگوا میں افتتاح کیا۔ تب سے یہ فیسٹویل منعقد کیا جارہا ہے جوکہ لائٹ ہاؤسز سیاست کا جشن منانے اور اسے فرٰغ دینے کے لیے ایک اہم پلیٹ فار م کے طور پر کام کرتا ہے۔

دوسرا ہندوستانی  لائٹ ہاؤس فیسٹیول اوڈیشہ میں منعقد کیا گیا۔ بندرگاہوں، جہاز رانی اور آبی راستے کے مرکزی وزیر جناب سربانند سونووال کے ساتھ اوڈیشہ کے وزیر اعلیٰ، موہن چارن ماجھی بھی موجود تھے۔ جناب سونووال نے چومک (بالاسور) اور دھامرا (بھدرک) میں دو نئے لائٹ ہاؤسز کو وقف کیا اور ساحلی کمیونٹیوں کو بااختیار بنانے پر زور دیا تاکہ ہندوستان کے قیمتی سمندری ورثے کے ایک حصے کے طور لائٹ ہاؤسز کو محفوظ اور فروغ دیا جا سکے۔

اسٹیک ہولڈرز کی میٹنگ

جناب  سربانند سونووال نے جولائی 2024 میں کیرالہ میں لائٹ ہاؤسز کی سیاحت کو فروغ دینے کے لیے اسٹیک ہولڈرز کی میٹنگ کی صدارت کی۔ اس میٹنگ کا مقصد لائٹ ہاؤوسزکے منفرد سیاحتی امکانات کو پیش کرنے کے لیے تصورات تیار کرنا اور حکمت عملی بنانا تھا، تاکہ انہیں تاریخی، ثقافتی اور قدرتی خوبصورتی کے سنگم کے طور پر پیش کیا جا سکے۔ اس میٹنگ میں حکومت کےلائٹ ہاؤسز کی سیاحت کو فروغ دینے اور ان منفرد ڈھانچوں کو پرجوش سیاحتی مقامات کے طور پر بحال کرنے کے عزم کو اجاگر کیا گیا۔

حکومت کا لائٹ ہاؤسز کی سیاحت کے لیے عزم ‘ساگرمالا پروگرام’ کے تحت اس کی کوششوں اور نجی اسٹیک ہولڈرز کے ساتھ شراکت داری کے قیام پر بھی ظاہر ہوتا ہے۔ یہ مربوط ترقی کی ایک مثال ہے، جو انفراسٹرکچر کی ترقی، پائیداری اور کمیونٹی فلاح و بہبود کو یکجا کر کے ہندوستان کی سمندری اور اقتصادی  ترقی کو فروغ دیتی ہے۔ ڈائریکٹریٹ جنرل آف لائٹ ہاؤسز اینڈ لائٹ شپز(ڈی جی ایل ایل) فعال طور پر نجی شعبے کے کھلاڑیوں کے ساتھ تعاون کرتا ہے تاکہ یہ منصوبے بین الاقوامی معیارات پر پورا اتریں اور ماحولیاتی پائیداری کو یقینی بنایا جا سکے۔

حکومت ساحلی برادریوں کو بااختیار بنانے اور لائٹ ہاؤسز کے ارد گرد پائیدار ترقی کو یقینی بنانے کے لیے ایک قومی فریم ورک قائم کرنے کا ارادہ رکھتی ہے۔

آگے کا راستہ

ہندوستان میں لائٹ ہاؤس سیاحت کے امکانات کو مکمل طور پر محسوس کرنے کے لیے، حکومت نے کئی مستقبل کی حکمت عملیوں کا خاکہ پیش کیا ہے:

پائیدار ترقی: ذمہ دار سیاحت کو فروغ دیتے ہوئے نازک ساحلی ماحولیاتی نظام کی حفاظت کے لیے ماحول دوست طریقوں پر زور۔

ساحلی سرکٹس کے ساتھ انضمام: لائٹ ہاؤسز کو وسیع تر ساحلی سیاحت کے روٹس میں شامل کیا جاتا ہے تاکہ ان کی کشش کو بڑھایا جا سکے۔

بیداری مہمات: ڈیجیٹل اقدامات متعارف کرائے جا رہے ہیں تاکہ لائٹ ہاؤسز کے مقامات کو مقامی اور بین الاقوامی ناظرین کے سامنے پیش کیا جا سکے۔

مہارت کی ترقی: مقامی کمیونٹیز کو مہمان نوازی اور سیاحت سے متعلق شعبوں میں ملازمت کے لیے ضروری مہارتوں سےآراستہ  کرنے کے لیے تربیتی پروگرام متعارف کرائے جا رہے ہیں۔

یہ اقدامات وزیر اعظم مودی کے ‘آتم نر بھر بھارت’ (خود انحصار ہندوستان) کے وژن کے مطابق ہیں اور ان کا مقصد ہندوستان کی بھرپور سمندری تاریخ کو اس کی اقتصادی ترقی کی حکمت عملی میں ضم کرنا ہے۔

نتیجہ

لائٹ ہاؤس کی سیاحت ثقافتی ورثہ کے تحفظ اور جدید سیاحت کی ترقی کے ہم آہنگ امتزاج کی مثال پیش کرتی ہے، جو ان مشہور سمندری مقامات کو فروغ دینے والے سیاحتی مقامات میں تبدیل کرتی ہے۔ نئے اقتصادی مواقع کھولتے ہوئے ہندوستان کی بھرپور سمندری تاریخ کو محفوظ رکھتے ہوئے، یہ اقدام کمیونٹی کو بااختیار بنانے اور پائیدار ترقی دونوں کو فروغ دیتا ہے۔

 ساگرمالا پروگرام کے تحت، نجی اسٹیک ہولڈرز کی فعال شرکت کے ساتھ لائٹ ہاؤسز کی سیاحت ہندوستان کی بڑھتی ہوئی سیاحت کی صنعت کا ایک اہم حصہ بننے کے لیے تیار ہے۔ یہ بحال شدہ مقامات سیاحوں کو ایک منفرد تجربہ فراہم کرتے ہیں جو تاریخ، مہم جوئی اور ہندوستان کی ساحلی پٹی کی دلکش خوبصورتی کو یکجا کرتا ہے۔ موجودہ مالی سال کے پہلے نصف میں 9 لاکھ سے زائد سیاحوں نےلائٹ ہاؤسز کا دورہ کیا اور یہ واضح ہے کہ لائٹ ہاؤسزکو سیاحتی مقامات کے طور پر بڑھتا ہوا رجحان جاری رہے گا۔

ثقافتی اور تاریخی اہمیت کے مراکز کے طور پر لائٹ ہاؤسز مقامی دستکاریوں، کھانوں اور روایات کو پیش کرنے کے لیے بھی پلیٹ فارمز کا کردار ادا کرتے ہیں، جس سے سیاست کو بہتر تجربہ ملتا ہے۔ مسلسل کوششوں اور جدت کے ساتھ لائٹ ہاؤسز کی سیاحت نہ صرف ماضی کو محفوظ رکھتی ہے بلکہ ہندوستان کے ساحلی علاقوں کے لیے روشن مستقبل کی راہ بھی ہموار کرتی ہے۔

حوالہ جات

1. https://pib.gov.in/PressReleasePage.aspx?PRID=2032381
2. https://pib.gov.in/PressReleaseIframePage.aspx?PRID=2066548
3. https://www.dgll.nic.in/more/tourism
4. https://shipmin.gov.in/sites/default/files/EOI.pdf

پی ڈی ایف دیکھنے کے لیےیہاں کلک کریں۔

*********

 

ش ح-م ع ن-م الف

U No.4619

(Release ID: 2088400) Visitor Counter : 99