ڈاکٹر ارونیش  چاولہ نے آج وزارت خزانہ کے محکمہ محصولات میں سیکریٹری کے طور پر چارج سنبھال لیا ہے۔

بدھ کے روز کابینہ کی تقرری کمیٹی نے ڈاکٹر چاولہ کو محکمہ محصولات کا سیکریٹری مقرر کیا۔

اس سے پہلے، ڈاکٹر چاولہ، جو 1992 بیچ کے بھارتی انتظامی خدمات (آئی اے ایس) کے افسر ہیں اور بہار کی کیڈر سے تعلق رکھتے ہیں، 1 نومبر 2023 سے وزارت کیمیکلز اور کھادوں کے محکمہ میں سیکریٹری کے طور پر خدمات انجام دے رہے تھے۔

محکمہ کیمیکلز اور کھادوں کے سیکریٹری کے طور پر خدمات انجام دینے سے پہلے، ڈاکٹر چاولہ نے میٹرو ریل پروجیکٹ پٹنہ کے منیجنگ ڈائریکٹر کے طور پر کام کیا؛ اور اقتصادی امور کے محکمہ کے ذریعے غیر ملکی اسائنمنٹ پر بین الاقوامی مالیاتی فنڈ میں سینئر معیشت دان کے طور پر خدمات فراہم کیں؛ واشنگٹن ڈی سی میں بھارت کے سفارت خانہ میں اقتصادی وزیر؛ اور وزارت خزانہ کے محکمہ اخراجات میں جوائنٹ سیکریٹری کے طور پر بھی کام کیا۔

ڈاکٹر چاولہ نے لندن اسکول آف اکنامکس سے معاشیات میں ماسٹرز اور ڈاکٹریٹ کی ڈگری بھی حاصل کی ہے۔

*****

UR-4609

(ش ح۔ اس ک۔ ت ع )

(Release ID: 2088292) Visitor Counter : 9