অশোই-অঙাম লৈতবা অমসুং স্পাম য়াওদবা মেসেজ থাবগী থবক অমা শেমগৎনবা মাইকৈদা থাংজিনবা অচৌবা খোঙথাং অমদা, কর্ম্মসিএল এস.এম.এস খুদিংমক খোঙ্গুল লিবা ঙম্নবা ঙাক্লৌ অমা তেলিকোম রিগুলেতরি ওথোরিতি ওফ ইন্দিয়া (ত্রাই) না মাইপাক্না থবক ওইনা পাংথোক্লে। কম্মর্সিএল মেসেজ থাবগী থবকশিং অরোন-অথুপ লৈতনবা অমসুং মরম চানা থবক তৌবগা লোয়না কঞ্জুমরশিং স্পামদগী ঙাকথোক্নবা ত্রাইনা হৌজিক পায়খৎলিবা থবকশিংদা মসি শিংথানিঙাই ওইনা মাইপাকপা অমনি।

ঙাক্লৌ অসিগী মখাদা, প্রিন্সিপাল এন্তাইতিশিং (পি ই) হায়বদি ললোন-ইতিক্কী থবকশিং, বেঙ্কশিং অমসুং সরকারগী এজেন্সিশিং মখোয়গী তেলিমার্কেতরশিংগা লোয়ননা ব্লোকচেন-বেজ দিস্ত্রিবুতেদ লেজর তেক্নোলোজি (দি এল তি)গী খুৎথাদা মখোয়গী মেসেজ ত্রান্সমিসন পাথশিং লাউথোকপা অমসুং রেজিস্তার তৌবা দরকার ওইরে। মসিগী চেন দিক্লারেসন অমসুং বিন্দিং প্রোসেস অসিনা, দেতা অশোই-অঙাম য়াওদনা নত্ত্রগা এস.এম.এস থাবদা থেংথবা তৌদনা, মেসেজ খুদিংমক মসিগী হৌরকফমদগী য়ৌফম ফাওবদা খোঙ্গুল লিবা ঙমহনগনি।

মসি থবক ওইনা পাংথোক্নবা, নবেম্বর ১, ২০২৪ দগী কম্মর্সিএল মেসেজ খুদিংমক খোঙ্গুল লিনবা ত্রাইনা ওগস্ত ২০,২০২৪ দা য়াথং অমা পীখ্রে। মসি থবক ওইনা পাংথোক্নবা থবকশিংগী পাক-চাউবা অদু খঙবদগী, ত্রাইনা থবক ওইনা পাংথোক্নবা অরোইবা তারিখ অদু নবেম্বর ৩০,২০২৪ ফাওবা শাংদোক্লে অমসুং তুংদা মসি বেঙ্কিং, ইন্সুরেন্স, অনা-লায়েং অমসুং রিএল ইস্তেৎগুম্বা সেক্তর কয়াগী পি.ই লাখ ১.১৩ রোম শরুক য়াবা ঙম্নবা দিশেম্বর ১০,২০২৪ ফাওবা শাংদোক্লে।

থবক অসিগী মরমদা খঙবা হেনগৎহন্নবা অমসুং দিক্লারেসন অমসুং বাইন্দিংগী থবকশিং য়াংখৎনবা ত্রাইনা মরুওইবা লিগুলেতরশিং হায়বদি আর.বি.আই, সেবি, আ.আর.দি.এ.আই, পি.এফ.আর.দি.এ অমসুং সরকারগী এজেন্সিশিং হায়বসি এন.আই.সি, সিদাগ অমসুং রাজ্য সরকারশিংগা পুন্না থবক তৌমিন্নরে। দি.এল.তি সিস্তেমশিংদা নিংথিনা শরুক য়াবা ঙম্নবা কেম্পেনশিং অমসুং তেক্নিকেলগী লমজিং পীদুনা পি.ইশিং অমসুং তি.এমশিং শৌগ*পদা এসেস প্রোভাইদরশিংনা অচৌবা থৌদাং অমা লৌরে।

অপনবা পীবা হন্থহন্নবা, অহানবা চৎনবা হৌবা মতম মনুংদা অনৌবা লাল্লোং অমা ত্রাইনা হৌদোক্লে। চেন বাইন্দিং রিগুলেসনশিং তেক্নিকেল ওইনা চৎনবা হৌবগা লোয়ননা, লাউথোক্তবা পাথশিংদগী থারকপা মেসেজশিং মতম খরগী ওইনা অয়াবা পীরে অদুবু ইয়র কোদশিং য়াওগনি। ও.তি.পশিং নত্ত্রগা অতোপ্পা অকক্নবা মতম খরগী ই-পাউশিংগুম্বা মরুওইবা মেসেজশিংদা অপনবা পীদনবা চুমথোক্নবা থবকশিং পায়খৎনবা ঙম্নবা হায়রিবা ইয়র কোদশিং অদু মরী লৈনবা পি.ইশিংদা পীগনি। মসিগী কঞ্জুমরশিংগী য়াইফনবা থবক অসিনা চৎন-কাংলোনশিং ঙাকপগা লোয়ননা অপনবা লৈতনা মেসেজগী থবকশিং য়াহনগনি।

ত্রাইনা পায়খৎলিবা অপুনবা থবকশিং অসিগী ফল অমা ওইনা, মরুওইবা পি.ইশিংনা হৌজিক মখোয়গী মেসেজ ত্রান্সমিসন চেনশিং এসেস প্রোভাইদরশিংগা লোয়ননা রেজিস্তার তৌরে। দিশেম্বর ১১,২০২৪ দগী রেজিস্তার তৌদবা পাথশিংদগী থারকপা এস.এম.এস ত্রাফিক অথিংবা থমলে।

মসিগী মাইপাকপা অসিনা তেলিমকোমগী থবকশিংদা স্পামশিং থিংবা আমসুং কঞ্জুমরগী থাজবা হেনগৎহন্নবা ত্রাইগী থবকশিং অমুক ফগৎহল্লে। ত্রাইনা পায়খৎলিবা অতোপ্পা স্পাম থিংনবা থবকশিং হায়বদি স্পাম্মরশিংনা শীজিন্নবা তেলিকোমগী খুদোংচাবশিং ককথৎপা, এস.এম.এসতা য়ু.আর.এল ৱাইতলিস্ত তৌবা অমসুং ১৪০-সেরিজ তেলিমার্কেতরশিং দি.এল.তি প্লেতফোর্মশিংদা হোংদোকপা অসি খোঙ্গুল লিবা ঙম্বা অসিনা মতেং পাংলে।

মীওই খুদিংমক্কী অশোই-অঙাম লৈতবা অমসুং অরোন-অথুপ লৈতবা থক অমা ফংহন্নবা ত্রাইনা মখা তানা অনৌবা অমসুং অকনবা থবকশিং পায়খৎখিগনি।

***