ভারত সরকারনা ভারতকী লোলগী ইনাক খুল্লবা হেরিতেজ অসিবু ঙাক-শেন্দুনা থম্নবা, প্রমোসন তৌনবা অমসুং চাউখৎহন্নবগী মাগী ফিরেপ অদুদা অদুমক খোঙফম চেৎনা লেপ্পী। ঙসি প্রেস কনফরেন্স অমদা ৱা ঙাংলদুনা কেন্দ্রগী মন্ত্রী শ্রী জি. কিশান রেদ্দীনা 2047 ফাওবদা চাউখৎলবা ভারত অমগীদমক সরকারগী পান্দম অদু ফোংদোকখি অমসুং কলচরেল দিবেলপমেন্ত অমসুং নেস্নেল য়ুনিতীদা লোলশিংগী মরু ওইবা থৌদাং অদু ফোংদোকখি। মহাক্না হায়খি মদুদি লোলশিংগী অচৌবা দাইভর্সিতী লৈবনা মালেমদা তোপ-তোপ্পা মোদেল অমা ওইরি, মসিদা লোলশিং অসি পাউ ফাওনবগী খুৎলাইশিং খক্তা নত্তনা লৌশিং, কলচর, অমসুং চৎনবীশিংগী মমল য়াম্লবা রিপোজিতরিশিংনি।

পুৱারীগী ওইনা য়েংবদা, লোলশিং অসি রাজনিতীগী ইন্তরেস্তকী ময়াইদা লৈদুনা, রিজনেল লোলশিংবু নমথদুনা মীয়ামগী ফ্রীদম ওফ এক্সপ্রেসন হন্থহন্নবা হোৎনরি। খুদম ওইনা, 1835দা, মেকৌলেগী পোলিসীশিংনা ক্লাসিকেল ইন্দিয়ন লোলশিংবু সাইদলাইন তৌদুনা ইংলিশপু এজুকেসনগী মেদিয়ম ওইনা প্রমোৎ তৌখি অমসুং য়ুরোপিয়ন নোলেজ সিস্তেমদা অহেনবা মীৎয়েং থমখি। পুৱারীগী ওইবা শীংনবশিং অসি খঙলদুনা, সরকারনা লমদমসিগী লোলশিংবু মপাঙ্গল কনখৎহনবা অমসুং মশাগী ৱাখল্লোন ফোংদোক্নবগী মপাঙ্গল লৈবা খুৎলাই অমা ওইনা লৌদুনা মখোয়বু ঙাক শেন্নবা অমসুং ঙাক শেনবগী মায়কৈদা লেপ্পা লৈতনা থবক তৌরি হায়না মন্ত্রীনা হায়খি। অতল বিহারী বাজপায়ীনা হায়রম্বা অদুগুম্না, "লোন অসি ফোংদোকপগী মেদিয়ম অমা খক্তা নত্তে অদুবু ঐখোয়গী কলচরগী থৱায়নি।"

শ্রী রেদ্দিনা হায়খি মদুদি সংবিধানগী 8শুবা সেদ্যুলদা লোনশিং হাপচিনবা অসি মসিগী মায়কৈ অসিদা মরু ওইবা খোংথাং অমনি। অহানবদা, নিপালশুবা সেদ্যুলদা লোল 14 য়াওরম্মি, মসি হৌজিক্তি 22দা পাকথোক চাউথোক্লে, মসিনা ভারতকী দাইভর্সিতী উৎলি। 1967দা, সিন্ধি অসি নিপালশুবা সেদ্যুলদা হাপচিনখি অমসুং অতল বিহারী বাজপায়ীনা "ঐহাক্না হিন্দী ঙাংই, অদুবু সিন্ধি অসি ঐগী মৌসি (মমাগী মচে/মনাওনুপী) নি" হায়না ফোংদোক্লদুনা মহাক্কী সোলিদারিতি ফোংদোকখি। কোঙ্কানি, মনিপুরী, অমসুং নেপালি অসি 1992দা সংবিধানগী নিপালশুবা সেদ্যুলদা হাপচিনখি। মতুং তারকপদা, 2003দা শ্রী অতল বিহারী বাজপায়ীগী সরকারগী মখাদা, সরকারনা ভারতকী রিজনেল লোলশিং চাউখৎহন্নবা মহাক্না কন্না শৌগৎখিবা অদু অমুক হন্না ফোংদোকখি অমসুং মতমদুগী উপ-প্রধান মন্ত্রী শ্রী লাল কৃষ্ণ আদবানিনা শেমদোকখিবা অমেন্দমেন্ত অমগী খুত্থাংদা বোদো, দোগ্রি, মৈথিলি অমসুং সন্তালি লোলশিং য়াওহনখি। সান্তলী হাপচিনবনা ত্রাইবেল কলচর অমসুং ভেল্যুশিংগীদমক সরকারগী ফিরেপ অমসুং ইকায়খুম্নবা উৎলি।

প্রধান মন্ত্রী নরেন্দ্র মোদীগী লুচিং মখাদা আর্তিকল 370 মুত্থৎখ্রবা মতুংদা জম্মু অমসুং কাশ্মীরদা কাশ্মিরী, দোগ্রি, উর্দু, হিন্দী অমসুং ইংলিসপু ওফিসিএল লোল ওইনা শকখঙখিবগী মতুং ইন্না ইন্দিয়ন লোলশিংগী চাউখৎপদা মীৎয়েং চংবা হেনগৎলক্লি। মসিগী ৱারেপ অসিনা ইনক্লুসিবিতী অমসুং লোকেল কম্ম্যুনিতীশিংগী এম্পাৱরমেন্তকী মায়কৈদা মরু ওইবা খোংথাং অমা ওইখি।

ভারতকী অরিবা মতমগী কলচরেল হেরিতেজ ঙাক্লিবা ক্লাসিকেল লোলশিংদসু মীৎয়েং চংলি হায়না মন্ত্রীনা ফোংদোকখি। সরকারনা মখোয়গী পুৱারী অমসুং চৎনবীগী চাউথোকচবা অদু উৎতুনা, অরিবা লোলশিংদা ক্লাসিকেল লোলগী থাক পীবগীদমক লেপ্পা লৈতনা থবক তৌরি। প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্রগী মন্ত্রীমন্দলনা ওক্তোবর 2024দা মরাথী, পালি, প্রাকৃত, অসামীজ অমসুং বেঙ্গালীবু ক্লাসিকেল লোলশিংগী মিংথোন পীবদা অয়াবা পীখ্রে। মসিনা অপুনবা মশিং অসি 11দা হেনগৎহল্লে। ভারত অসি হৌজিক মালেমদা ক্লাসিকেল লোল 11বু শকখঙলবা অমত্তা ঙাইরবা লৈবাক ওইরে। হায়রিবা লোলশিং অসিবু শৌগৎনবগীদমক, 2020দা সংস্কৃতকী সেন্ত্রেল য়ুনিভর্সিতী অহুম লিংখৎপা, সেন্ত্রেল ইন্সতিত্যুৎ ওফ ক্লাসিকল তামিল রিসর্চ অমসুং ত্রান্সলেসনগীদমক লিংখৎপা, অমসুং সেন্ত্রেল ইন্সতিত্যুৎ ওফ ইন্দিয়ন লেংগ্বেজেস, মৈসুরগী মখাদা কন্নরা, তেলুগু, মালয়ালম অমসুং ওরিয়াগীদমক্তা অখন্নবা স্তদী সেন্তরশিং লিংখৎপা অসিনচিংবা খোংথাং কয়া অমা লৌখৎখ্রে। হীরম অসিদা মায় পাকপা হেনগৎহন্নবা নেস্নেল অমসুং ইন্তর্নেস্নেল এৱার্দশিং, য়ুনিভর্সিতী চেয়রশিং অমসুং অখন্নবা সেন্তরশিং লিংখৎখ্রে।

শ্রী রেদ্দীনা হায়খি মদুদি প্রধান মন্ত্রী নরেন্দ্র মোদীগী লুচিং মখাদা হৌদোকখিবা মরু ওইরবা নেস্নেল এজুকেসন পোলিসী (NEP) 2020 অসি ভারতকী লোলকশিং প্রমোৎ তৌবদা অওনবা পুরক্লিবা খোঙথাং অমা ওইখি। পোলিসী অসিনা ক্লাস 5 ফাওবদা অমসুং য়ারিবমখৈ ক্লাস 8 ফাওবদা মমাগী লোল নত্ত্রগা লোকেল লোলদা তাকপদা মরুওইবা পীরি। মহৈরোয়শিংগী মরক্তা লৌশিং অমসুং ৱাখল্লোন চাউখৎহন্নবা হায়-ক্বালিতী তেক্সবুকশিং অমসুং বাইলিঙ্গ্যুএল তীচিং মেথদশিং শীজিন্ননবা রেকমেন্দ তৌরি। NEP 2020না হায়র এজুকেসন ইন্সতিত্যুসনশিংদা মফম অদুগী লোলশিংদা কোর্সশিং ফংহনবা অমসুং STEM এজুকেসন অমসুং কেরিয়র কাউন্সেলিংদা রিজনেল লোলশিং শীজিন্নবা পুক্নিং থৌগৎলি। মালেম শিনবা থুংনা পাংথোকপা স্তদীশিংনা উৎলি মদুদি মীওই অমনা মহাক্কী মমাগী লোলদা তম্লকপনা হেন্না নীংথিনা খঙবা, কোগ্নিতিব দিবেলপমেন্ত অমসুং কনফিদেন্স শেমগৎপদা মতেং পাংই। পোলিসী অসিনা ত্রাইবেল কম্ম্যুনিতীশিংগী অঙাংশিংদা কান্নবা ফংহন্দুনা, ভারতকী লমদমসিগী চৎনবীশিং ঙাক শেন্নবা ত্রাইবেল লোলশিং ঙাক শেন্নবা মীৎয়েং থম্লি।

স্কুল এজুকেসনদা লোল চাউখৎহনবদা মতেং পাংনবা, অঙাংশিংনা মখোয়গী মমাগী লোল নত্ত্রগা লোকেল লোলদা তমহন্নবা রাজ্য অমসুং য়ুনিয়ন তেরিতোরী 22দা প্রাইমরীগী লাইরিক 104 পুথোকখ্রে। ইন্দিয়ন সাইন লেংগ্বেজ (ISL) পুথোকখ্রে। ক্লাস 1দগী 12 ফাওবগী ওইনা তাকপী-তম্বীবগী পোৎলমশিং অমসুং লাইরিকশিং ISLদা হন্দোকখ্রে। TV চেনেল 200 হেনবনা লোন 29দা এজুকেস্নেল কন্তেন্ত ফংহল্লি। অদুগা DIKSHA প্লেৎফোর্মনা লোন 133দা ই-কন্তেন্তকী পোৎলম 3,66,370 হেন্না ফংহল্লি, মসিগী মনুংদা ভারতকী লোন 126 অমসুং অতোপ্পা লোন 7 য়াওরি। সরকারনা নেস্নেল দিজিতেল লাইব্রেরী অমসুং ULLAS এপ্পগুম্বা ইনিসিয়েতিবশিংসু হৌদোকখ্রে।

অৱাংবা থাক্কী মহৈ-মশিং তম্বদা, ইন্দিয়ন নোলেজ সিস্তেম সেন্তর 51 লিংখৎপা, ভারতকী লোন 12দা অন্দরগ্রাজুএৎ তেক্সবুক 1500 হন্দোকপা অমসুং অৱাংবা থাক্কী মহৈ-মশিং তম্বগী ইন্সতিত্যুসন 8000 হেনবগী করিক্যুলমদা ইন্দিয়ন নোলেজ সিস্তেমশিং পুনশিনবা য়াওনা চাউনা খুমাং চাউশিল্লক্লি। JEE, NEET, অমসুং CUET গুম্বা কম্পিতিতিব ইগজামশিং অসি হৌজিক লমদমসিগী লোল 13দা পাংথোক্লি, অমসুং ইঞ্জিনীয়রিংগী কোর্সশিং অসি ভারতকী লোল 8দা ফংই। মসিগী মথক্তা, অন্দর গ্রেজুএৎ মহৈরোBশিংনা ই-কুম্ভ অমসুং অনুবাদিনিগুম্বা প্লেৎফোর্মশিংগী খুত্থাংদা স্তদী মেতরিএলশিংগা লোয়ননা ভারতকী লোন 12দা সেন্ত্রেল ইন্সতিত্যুসন 19দা পীরিবা প্রোগ্রাম 428গী কান্নবা ফংগনি।

ওফিসিএল লেংগ্বেজ অমা ওইনা হিন্দী অসিদসু চাউনা মীৎয়েং চংলি। হিন্দীবু ওফিসিয়েল লেংগ্বেজ অমা ওইনা শকখঙখিবগী চহি 75 মপুং ফারকপদা, সরকারনা অতোপ্পা ভারতকী লোলশিংগা লোয়ননা লোলগী অপুনবা লৈহন্দুনা অমসুং তোঙান তোঙানবা লোলশিংবু ইকাই খুম্নবা উৎতুনা হিন্দীবু প্রমোৎ তৌনবা খোঙথাং কয়া লৌখৎলি। প্রধান মন্ত্রী শ্রী নরেন্দ্র মোদীনা মালেমগী ওইবা ফোরমশিংদা হিন্দী শকখঙহল্লি। মসিনা মালেমগী ওইবা মশক মওং হেনগৎহল্লি অমসুং ভারতকী লোলশিংদা চাউথোকচবা পোকহল্লি। মন্ত্রালয়শিংদা হিন্দী এদভাইজরী কম্মিতীশিং, ভারত অমসুং মপাল লৈবাক্কী শহরগী ওফিসিএল লেংগ্বেজ ইমপ্লিমেন্তেসন কম্মিতীশিং (TOLIC), অমসুং "হিন্দী শবদ সিন্ধু" দিক্সনরী শেম্বা অসিগুম্বা ইনিসিএতিবশিংনা গবর্নান্স অমসুং কম্ম্যুনিকেসনদা মসিগী থৌদাং অসি মপাঙ্গল কনখৎহল্লে।

তেক্নোলোজিকেল এদভান্সশিং অসি ভারতকী লোলশিং প্রমোৎ তৌনবা শীজিন্নরি। নেস্নেল লেংগ্বেজ ত্রান্সলেসন মিসন অমসুং ভাসিনি প্রোজেক্তনা লোলগী ওইবা অৱাবা কোকহন্নবা দিজিতেল তেক্নোলোজী শীজিন্নরি। মসিনা লোল কয়া ঙাংবা মীওইশিংগী মরক্তা তংদু লৈতনা পাউ ফাওনবা ঙমহল্লি। এজুকেস্নেল ইন্সতিত্যুসনশিং অমসুং এদ-তেক কম্পনীশিংবু এজুকেসনবু হেন্না এক্সেস তৌবা ঙম্নবা রিজনেল লোলশিংদা দিজিতেল লর্নিং মেতরিএলশিং শেমগৎনবা পুক্নিং থৌগৎলি।

এক ভারত শ্রেস্থ ভারত প্রোগ্রামগী মখাদা সৌরাস্ত্রা তামিল সঙ্গমম অমসুং কাশী তামিল সঙ্গমমগুম্বা কলচরেল ইনিসিয়েতিবশিংনা ভারতকী লোল অমসুং কলচরগী অমত্তা ওইবগী থৌরম পাংথোক্লি। থৌরমশিং অসিনা লমদমশিংগী মরক্তা লৈবা পুৱারীগী ওইবা মরীশিংবু ময়েক শেংহল্লি অমসুং কলচরেল একচেঞ্জবু পুক্নিং থৌগৎলি। মালেমগী খ্বাইদগী লিরবা লোলশিংগী মনুংদা অমা ওইরিবা তামিলবু ঙাক-শেন্দুনা থম্বদা প্রধান মন্ত্রীনা মরুওইবা পীবা অসিনা মখোয়গী লোলগী ওইবা হেরিতেজ অসি ঙাক-শেন্দুনা থম্বদা অমসুং মপাঙ্গল কনখৎহনবদা ভারত মচা খুদিংমক্কী অপুনবা থৌদাং অদু উৎলি।

সরকারগী মীৎয়েং অসিদা ভারতকী লোল খুদিংমক মালেমগী থাক্তা চাংদম্নবা ঙম্বা ওইহনবা অমসুং রিজনেল লোলশিংদা মোদর্ন এজুকেসন ফংহনবা য়াওরি। লোলদা য়ুম্ফম ওইবা তুরিজম, লিতরেচর ফেস্তিবেল অমসুং লোলগী ওইবা রিসর্চকুম্বা ইনিসিয়েতিবশিংনা মালেমগী থাক্তা ভারতকী মখল-মখা কয়া উৎনবা পান্দম থম্লি। প্রধান মন্ত্রী মোদীনা মন কী বাত্তা ফজনা হায়খিবগুম্না, "ঐখোয়না ঐখোয়গী ইমাবু থাদোকপা ঙমদবগুম্না, ঐখোয়গী ইমা লোনবুসু থাদোকপা ঙমদে।"

মন্ত্রীনা হায়খি মদুদি লোলশিং অসি ৱাহৈশিংগী অপুনবা খক্তমক নত্তে অদুবু মখোয়না মীরোল কয়া অমসুং কাংলুপ কয়াবু শম্নহল্লিবা থোংশিংনি। লোলগী ইকাই খুম্নবা হেনগৎহন্দুনা অমসুং লোলশিং ঙাক শেন্নবা অমসুং প্রমোসন তৌনবা তেক্নোলোজী শীজিন্নদুনা, ভারতনা তুংলমচৎকীদমক লম্বী য়াৎলি। ভারতকী লোলশিং চাউখৎহন্নবা সরকারনা অচেৎপা ফিরেপ লৌরি। মসিনা লৈবাক অসিবু মাগী নাৎ অমসুং লোলগী পুকৈশিংবু খুমাং চাউশিলহন্নবা "ভিক্সিৎ ভারত"কী মায়কৈদা লমজিংলি।

****