تعاون کی وزارت نے ملٹی اسٹیٹ کوآپریٹو سوسائٹیز (ایم ایس سی ای) ایکٹ 2002 کے تحت انڈین سیڈ کوآپریٹو سوسائٹی لمیٹڈ ( بی بی ایس ایس ایل) قائم کیا ہے۔ اسے انڈین فارمرز فرٹیلائزر کوآپریٹو لمیٹڈ (آئی ایف اید سی او)، کرشک بھارتی کوآپریٹو لمیٹڈ (کے آر آئی بی ایچ سی او)، نیشنل ایگریکلچرل کوآپریٹو مارکیٹنگ فیڈریشن آف انڈیا لمیٹڈ ( این اے ایف ای ڈہ- نیفیڈ)، نیشنل ڈیری ڈیولپمنٹ بورڈ ( این ڈی ڈی بی) اور نیشنل کوآپریٹو ڈیولپمنٹ کارپوریشن ( این سی ڈی سی) کے ذریعے فروغ دیا جا رہا ہے۔ انڈین سیڈ کوآپریٹو سوسائٹی لمیٹڈ کا ابتدائی ادا شدہ سرمایہ 250 کروڑ روپے ہے جس میں مذکورہ بالا پانچ پروموٹرز کی طرف سے 50 کروڑ روپے کا تعاون شامل ہے اور مجاز شیئر کیپٹل 500 کروڑ روپے ہے۔ انڈین سیڈ کوآپریٹو سوسائٹیز لمیٹڈ کوآپریٹو سوسائٹیز کے نیٹ ورک کے ذریعے معیاری سنگل برانڈ کے بیجوں کی پیداوار، خریداری اور تقسیم کرے گی تاکہ فصل کی پیداوار کو بہتر بنایا جا سکے اور مقامی قدرتی بیجوں کے تحفظ کو فروغ دینے کا ایک نظام تیار کیا جا سکے۔ بی بی ایس ایس ایل کسانوں کی مدد سے تصدیق شدہ بیجوں کی پیداوار میں بیج کی تبدیلی کی شرح اور مختلف قسم کے بیجوں کی تبدیلی کی شرح کو بڑھانے میں مدد کرے گا۔ یہ کوآپریٹو سوسائٹی پرائمری ایگریکلچرل کریڈٹ سوسائٹیز ( پی اے سی ایس) کے ذریعے حکومت کی مختلف وزارتوں کی مختلف اسکیموں اور پالیسیوں کے تحت دو نسلوں کے بیجوں کی پیداوار، جانچ، سرٹیفیکیشن، پروکیورمنٹ، پروسیسنگ، اسٹوریج، برانڈنگ، لیبلنگ اور پیکیجنگ پر توجہ مرکوز کرے گی۔ بریڈر بیج سرکاری شعبے کی تحقیقی تنظیموں اور بین الاقوامی تحقیقی اداروں، انٹرنیشنل کراپس ریسرچ انسٹی ٹیوٹ (آئی سی آر آئی ایس اے ٹی)، انٹرنیشنل رائس ریسرچ انسٹی ٹیوٹ (آئی آر آر آئی)، بین الاقوامی مکئی اور گندم کی بہتری کے مرکز ( سی آئی ایم ایم وائی ٹی) وغیرہ سے حاصل کیے جائیں گے۔

انڈین سیڈ کوآپریٹو سوسائٹی لمیٹڈ کوآپریٹو سوسائیٹیوں کے ذریعے ہندوستان میں معیاری بیجوں کی پیداوار بڑھانے میں مدد کرے گی جس سے درآمد شدہ بیجوں پر انحصار کم ہوگا۔ اس سے پیداوار میں اضافہ ہوگا، دیہی معیشت میں اضافہ ہوگا، میک ان انڈیا کو فروغ ملے گا اور ہندوستان خود انحصاری کی طرف بڑھے گا۔

 

انڈین سیڈ کوآپریٹو سوسائٹی لمیٹڈ کے پاس پٹنہ اور بھاگلپور میں کل وقتی وسائل ہیں جہاں  پرائمری سے لے کر ٹاپ لیول تک تمام کوآپریٹو سوسائٹیز اس کے ممبر بن سکتی ہیں۔ انڈین سیڈ کوآپریٹو سوسائٹی لمیٹڈ اپنا کام اپنی ممبر کوآپریٹو سوسائٹیز کے ذریعے کرے گی۔ اب تک کل 14,816 کوآپریٹو سوسائٹیاں اس کے ممبر بن چکی ہیں، جن میں سے 418 کوآپریٹو سوسائٹیاں بہار سے ہیں۔ جہاں تک والمیکی نگر کا تعلق ہے، ضلع مغربی چمپارن کی 05 کوآپریٹو سوسائٹیاں انڈین سیڈ کوآپریٹو سوسائٹی لمیٹڈ کی رکن بن چکی ہیں۔ سوسائٹی نے بہار میں اپنا کام شروع کرنے اور فروخت اور مارکیٹنگ کی سرگرمیوں کے لیے بہار میں ایک افسر کا تقرر کیا ہے۔

تعاون کے وزیر جناب امت شاہ نے  ایوان زیریں - لوک سبھا میں ایک سوال کے تحریری جواب میں یہ جانکاری دی۔

 

*****

ش ح۔ ظ ا

U No.4177

(Release ID: 2085453) Visitor Counter : 10