ৱাহৌদোক

ভারতকী দেমোক্রেসী ফ্রেমৱার্ক অসি মাগী ইলেক্তোরেল প্রোসেসকী ভাইব্রেন্সীগী মপাল তাংলি, মসিনা মীচম প্রজাশিংদা থাক খুদিংমক্তা গভর্নান্সপু এক্তিব ওইনা শেম্বদা মতেং পাংলি। নীংতম্বা ফংলবা মতুংদগী লোক সভা অমসুং রাজ্যগী বিধান সভাগী মীখল 400 হেন্না পাংথোকখিবা অসিনা ইলেক্সন কম্মিসন ওফ ইন্দিয়ানা অচুম্বা অমসুং ত্রান্সপরেন্সীগীদমক লৌরিবা থৌদাং অদু উৎলি। অদুম ওইনমক, মীখল কয়ারক হন্না পাংথোকপা অমসুং তোইনা পাংথোকপগী মওং-মতৌ অসিনা হেন্না মপাঙ্গল লৈরবা পথাপ অমগী তঙাই ফদবগী মতাংদা খন্ন-নৈনবা অমা থোকহল্লি। মসিনা "ৱান নেসন, ৱান ইলেক্সন" হায়বা ৱাখল্লোন অসিদা অমুক্কা হন্না পুক্নিং চিংশিনহনখি ।

মতম অমত্তদা পাঙথোকপা মীখল হায়নসু খঙনবা ৱাখল্লোন অসিনা লোক সভা অমসুং রাজ্যগী বিধান সভা মীখলগী মতমশিং অসি মান্নহন্নবগী ৱাফম থম্লি। মসিনা ভোতরশিংনা মখোয়গী কন্সতিত্যুএন্সীশিংদা গভর্নমেন্তকী তায়র অনিমক্কীদমক চপ মান্নবা নুমিত্তা মখোয়গী ভোৎ থাদবা য়াহনগনি, অদুম ওইনমক লৈবাক শিনবা থুংনা তাঙ্কক নাইনা ভোৎ থাদবা য়াগনি। মীখলগী মতম অসি মান্নহন্দুনা, থৌওং অসিনা লোজিতিক্সকী শীংনবশিং কোকহন্নবা, শেল চংবা হন্থহন্নবা, অমসুং তোইনা মীখল পাংথোকপনা থোকহনবা অৱাবা হন্থহন্নবা পান্দম থম্লি।

2024দা ফোংখিবা হাই-লেবেল কম্মিতীগী রিপোর্ত ওন সাইমলতেনস ইলেক্সন্স ইন ইন্দিয়ানা ভিজন অসি ইমপ্লিমেন্ত তৌনবগীদমক মপুং ফাবা রোদমেপ অমা পীরি। মসিগী রিকমেন্দেসনশিং অসি কেন্দ্রগী মন্ত্রীমন্দলনা সেপ্তেম্বর 18, 2024দা অয়াবা পীদুনা ইলেক্তোরেল রিফোর্মগী মায়কৈদা মরু ওইবা খোঙথাং অমা ওইখি। অসিগুম্বা সিস্তেম অসিনা এদমিনিস্ত্রেতিব ইফিসিএন্সী হেনগৎহনবা, মীখলগা মরী লৈনবা চাদিং হন্থহনবা অমসুং পোলিসী কন্তিন্যুএন্সী প্রমোৎ তৌবা য়াই হায়না প্রোপোনেন্তশিংনা ফোংদোক্লি। ভারতনা গভর্নান্স অমসুং মসিগী দেমোক্রেসীগী থৌওংশিংবু হেন্না মওং চুমহন্নবা হোৎনরিঙৈদা, "ৱান নেসন, ৱান ইলেক্সন"গী ৱাখল্লোন অসি ৱাখল লৈবা অমসুং য়ানবা পুরকপা মথৌ তাবা মরুওইবা রিফোর্ম অমা ওইনা থোক্লক্লি।

হিস্তোরেকেল বেকগ্রাউন্দ

মতম অমত্তদা মীখল পাংথোকপগী ৱাখল্লোন অসি ভারত্তা অনৌবা ৱাখল্লোন অমা নত্তে। সম্বিধান চৎনরবা মতুংদা, লোক সভা অমসুং রাজ্যগী বিধান মীখল পুম্নমক্কী মীখলশিং 1951দগী 1967 ফাওবা মতম অমত্তদা পাংথোকখি। লোক সভা অমসুং রাজ্যগী বিধা মীখল গী অহানবা জেনরেল ইলেক্সন অসি 1951-52দা অমত্তা ওইনা পাংথোকখি। মসিগী চৎনবী অসি 1957, 1962 অমসুং 1967দা পাংথোকখিবা জেনরেল ইলেক্সন অহুমদা মখা তানা পাংথোকখি।

অদুম ওইনমক, মতম অমতদা পাংথোকপা মীখলগী থৌওং অসি 1968 অমসুং 1969দা রাজ্যগী বিধান সভা মীখল খরদা মতম শুনা দিজোল্যুসন তৌবনা মরম ওইদুনা থুগাইখি। মরিশুবা লোক সভা অসিসু 1970দা প্রিমেচ্যুর ওইনা কায়থখি। 1971দা অনৌবা মীখল পাংথোকখি। অহানবা, অনিশুবা অমসুং অহুমশুবা লোক সভাগী মতুং ইন্না মখোয়গী চহি মঙাগী মতম লোইশিনখিবা অদুগা মান্নদবা মওংদা ইমর্জেন্সীগী লাইথোকখিবনা মরম ওইরগা আর্তিকল 352গী মখাদা মঙাশুবা লোক সভাগী মতম অসি 1977 ফাওবা শাংদোকখি। মতম অদুদগী, লোক সভাগী তর্ম খরখক্তনা মপুং ফানা চহি মঙা লৈখি, খুদম ওইনা, নিপানশুবা, তরাশুবা, তরামরিশুবা অমসুং তরামঙাশুবা। তরাতরুকশুবা, তরাতরেৎশুবা, তরামাপলশুবা, তরামাথোইশুবা, অমসুং তরানিথোইশুবা অমসুং তরাহুমদোইশুবা য়াওনা অতোপ্পশিং অসি ঙন্না দিজোল্ব তৌখি।

রাজ্যগী বিধান সভাশিংনা চহি কয়া অসিদা অসিগুম্বা অপনবা কয়া মায়োক্নদুনা লাক্লি। প্রিমেচ্যুর দিজোল্যুসনশিং অমসুং মতম শাংদোকপা অসি হঞ্জিন-হঞ্জিন থেংনরকপা অৱাবা অমা ওইরি। হায়রিবা দিবেলপমেন্ত অসিনা মতম অমত্তদা পাংথোকপা মীখলগী সাইকলদা চাউনা অপনবা থোকহনখি, মসিনা লৈবাক শিনবা থুংনা হৌজিক লৈরিবা মীখলগী মতম তোঙান-তোঙান্না পাংথোকপগী মওং ওইহল্লি।

তোঙান-তোঙানবা লোক সভাশিংগী মরু ওইবা মাইলস্তোনশিংগী মতম

* মিদ-তর্ম পোলশিং পাংথোকখি। মীখলশিংগী মমাংদা দিজোল্যুসন তৌখি।

**ইমর্জেন্সী লাউথোকপনা মরম ওইদুনা শাংদোকখি।

হায়-লেবেল কম্মিতী ওন সাইমলতেনস ইলেক্সন্স

হান্নগী রাস্ত্রপতি রাম নাথ কোবিন্দনা লুচিংবা, মতম অমত্তদা পাংথোক্কদবা মীখলগী মতাংদা ভারত সরকারনা সেপ্তেম্বর 2, 2023দা অৱাংবা থাক্কী কম্মিতী অমা শেমখি। মসিগী মরুওইবা পান্দমদি লোক সভা অমসুং রাজ্যগী বিধান সভা মীখলগীদমক মতম অমত্তদা মীখল পাংথোকপগী ওইথোকপা য়াবা চাংয়েং তৌবনি। কম্মিতী অসিনা মীয়াম অমসুং রাজনিতীগী ওইবা ফিদবেক কয়া অমা খোমজিনখি, অমসুং প্রপোজ তৌখিবা ইলেক্তোরেল রিফোর্ম অসিগা মরী লৈনবা পোতেন্সিএল বেনিফিৎশিং অমসুং শীংনবশিং নৈননবা এক্সপর্তশিংগা তান্নখি। কম্মিতী অসিগী ফাইন্দিংশিংগী অকুপ্পা ৱারোল, কন্সতিত্যুসন্দা শেমদোক-শাদোকপদা পীবা রিকমেন্দেসনশিং, অমসুং গভর্নান্স, রিসোর্সশিং, অমসুং মীয়ামগী ৱাখল্লোনদা মতম অমত্তদা পাংথোক্কদবা মীখলনা পীরকপা য়াবা ইথিল অসি মসিগী রিপোর্ত অসিনা পীরি।

মরু ওইবা তেকঅৱেশিং:

1. মীয়াম্না রেস্পোন্সশিং: কম্মিতীনা রেস্পোন্স 21,500 হেন্না ফংখি, মসিগী মনুংদা 80%দি মতম অমত্তদা মীখল পাংথোকপা পাম্মি। লক্ষদ্বীপ, আন্দামান অমসুং নিকোবর, নাগালেন্দ, দাদরা অমসুং নগর হাভেলী য়াওনা লৈবাক অসিগী মফম পুম্নমক্তগী রেস্পোন্সশিং লাকখি। তামিল নাদু, মহারাস্ত্রা, কর্নাতকা, কেরলা, ৱেস্ত বেঙ্গল, গুজরাত অমসুং উত্তর প্রদেশতগী খ্বাইদগী ৱাংবা রেস্পোন্স ফংখি।
2. পোলিতিকেল পার্তীশিংদগী রেস্পোন্সশিং: পোলিতিকেল পার্তী 47না মখোয়গী ৱাখল্লোনশিং পীখি। মসিগী মনুংদা, পার্তী 32না রিসোর্স ওপ্তিমাইজেসন অমসুং সোসিএল হারমোনিগুম্বা কান্নবশিং পল্লদুনা মতম অমত্তদা মীখল পাংথোকপদা শৌগৎখি। পার্তী 15না রিজনেল পার্তীশিংবু মার্জিনাইজেসন তৌনবা অমসুং এন্তি-দিমোক্রেতিক ইফেক্ত লৈরম্বা য়াবগী মতাংদা নুংনাংবা ফোংদোকখি।
3. এক্সপর্ত কন্সল্তেসনশিং: কম্মিতী অসিনা ভারতকী হান্নগী চীফ জস্তিসশিং, হান্নগী ইলেক্সন কম্মিস্নরশিং অমসুং আইনগী এক্সপর্তশিংগা কন্সল্তেসন তৌখি। তোইনা মীখল পাংথোকপনা মরম ওইদুনা রিসোর্সশিং মাঙহল্লকপা অমসুং সোসিও-ইকোনোমিক্কী অৱাবা থোকহনবদা মরুওইবা পীদুনা, মতম অমত্তদা মীখল পাংথোকপগী ৱাখল্লোনবু শৌগৎখি।
4. শেন্মিৎলোনগী ইম্পেক্ত: CII, FICCI, অমসুং ASSOCHAM গুম্বা বিজিনেস ওর্গনাইজেসনশিংনা ইলেক্সন সাইকলশিংগা মরী লৈনবা অশোই-অঙামশিং হন্থহন্দুনা শেন্মিৎলোনগী স্তেবিলিতীদা পোজিতিব ইম্পেক্ত লৈহন্দুনা ৱাফম অসি শৌগৎখি।
5. লিগেল অমসুং কন্সতিত্যুস্নেল এনালাইসিস: লোক সভা, রাজ্যগী বিধান সভা মীখলশিং অমসুং লোকেল বোদীশিংগীদমক মতম অমত্তদা মীখল পাংথোক্নবা ভারত সম্বিধানগী আর্তিকল 82A অমসুং 324A দা শেমদোক-শাদোকপগী ৱাফম কম্মিতী অসিনা পুখৎখি।
6. ইমপ্লিমেন্তেসন তৌনবগী ফেজ নাইবা এপ্রোচ: কম্মিতিনা ফেজ অনিদা অমুক্তং পাংথোক্কদবা মীখলশিং ইমপ্লিমেন্তেসন তৌনবা রিকমেন্দ তৌখি:

• ফেজ 1: লোক সভা অমসুং রাজ্যগী বিধান সভাগী মীখলশিং সিনক্রোনাইজ তৌবা।
• ফেজ 2: নুমিৎ 100গী মনুংদা লোক সভা অমসুং রাজ্যগী বিধান সভাগা লোয়ননা ম্যুনিসিপালিতীশিং অমসুং পঞ্চায়ৎশিংগীদমক্তা মীখল পাংথোকপা।

7. ইলেক্তোরেল রোল অমসুং EPIC হরমোনাইজেসন তৌবা: স্তেৎ ইলেক্সন কম্মিসনশিংনা ইলেক্তোরেল রোল শেম-শাবদা পাংথোকপা থবকশিংদা পাংথোকপা য়াদবশিং অদু কম্মিতী অসিনা ফোংদোকখি অমসুং লৈঙাক্কী তায়র অহুম অসিগীদমক সিঙ্গল ইলেক্তোরেল রোল অমসুং সিঙ্গল EPIC শেম্নবা রিকমেন্ত তৌখি। মসিনা ভোতরশিংগী হকশিং ঙাক্না থম্নবা, দুপ্লিকেসন অমসুং অশোয়বা হন্থহল্লগনি।
8. তোইনা পাংথোকপা মীখলগী মতাংদা মীয়ামগী ৱাখল্লোন: তোইনা পাংথোকপা মীখলনা ভোতরশিংদা অৱাবা পীবা অমসুং গভর্নান্সতা অকাইবা থোকহনবা অসিনচিংবগী নেগেতিব ইম্পেক্তশিংগী মতাংদা মীয়াম্না পীরকপা পাউখুমশিংনা অৱাবা পীরক্লি মতম অমত্তদা পাংথোকপা মীখলনা হন্থহল্লগনি হায়না পানরি।

মতম অমত্তদা মীখল পাংথোকপগী মরমশিং

 মখাদা পীরিবা ৱাফমশিং অসি হান্নগী রাস্ত্রপতি রাম নাথ কোবিন্দনা লুচিংবা, হায়-লেবেল কম্মিতী ওন সাইমলতেনস ইলেক্সন্সগী রিপোর্ত অদুদা য়ুম্ফম ওইবনি:

5. গভর্নান্সতা কনসিস্তেন্সী প্রমোৎ তৌবা: লৈবাক অসিগী তোঙান তোঙানবা মফমশিংদা পাংথোক্কদৌরিবা মীখলগী সাইকল অসিনা মরম ওইদুনা, রাজনিতী দলশিং, মখোয়গী লুচিংবশিং, লেজিসলেতরশিং, অমসুং রাজ্য অমসুং কেন্দ্র সরকার অনিমক্না সরকারবু মরুওইবা পীবগী মহুত্তা লাক্কদৌরিবা মীখলগী শেম-শাবদা মখোয়গী হোৎনরিবশিং অদু মীৎয়েং থম্মী। মতম অমত্তদা মীখল পাংথোকপা হায়বসিদা সরকারনা চাউখৎ থৌরাংগী থবকশিং অমসুং মীয়ামগী য়াইফনবা পান্দম থম্লিবা পোলিসীশিং পায়খৎপদা অহেনবা মীৎয়েং থমগনি।.

5. পোলিসী পেরালাইসিস ঙাকথোকই: মীখলগী মতমদা মোদেল কোদ ওফ কন্দক্ত চৎনহনবনা রুতিন এদমিনিস্ত্রেতিবকী থবকশিং অমসুং চাউখৎ-থৌরাংগী খোঙথাংশিং থিংহল্লি। অসিগুম্বা অশোয়বা অসিনা মরুওইবা য়াইফ-থৌরাংগী স্কিমশিংগী খুমাং চাউশিল্লকপা থিংবতা নত্তনা গভর্নান্সকী অনসর্তেনিতী লৈহল্লি। মতম অমত্তদা মীখল পাংথোকপনা MCCগী মতম শাংনা চৎনহনবা তেনশিনবদা মতেং পাংগনি, মসিনা পোলিসী পেরালাইসি হন্থহল্লগনি অমসুং গভর্নান্সতা লেপহনদবা ঙমহনগনি।

5. রিসোর্স দাইভর্জন হন্থহনবা: মীখলগী থবকশিং, খুদম ওইনা পোলিং ওফিসিএলশিং অমসুং সিভিল সর্বিসশিংগীদমক মশিং য়াম্লবা পর্সনেলশিং থাবনা মখোয়গী মরুওইবা থৌদাংশিংদগী রিসোর্সশিং চাউনা দাইভর্জন তৌবা য়াই। মীখলশিং মতম অমত্তদা পাংথোকপা মতমদা, তোইনা দিপ্লোই তৌবগী তঙাই ফদবা অসি হন্থরক্কনি, মসিনা সরকারগী ওফিসিএলশিং অমসুং পব্লিক ইন্সতিত্যুসনশিংদা মীখলগা মরী লৈনবা থবকশিংদগীদি মখোয়গী মরুওইবা থৌদাংশিংদা হেন্না মীৎয়েং থম্নবা অয়াবা পীগনি।

5. রিজনেল পার্তী রেলিভেন্স ঙাকশেনবা: মতম অমত্তদা মীখল পাংথোকপনা রিজনেল পার্তীশিংগী থৌদাং অদু হন্থহন্দে। তশেংনমক, মসিনা মীখলগী মতমদা লোকেলাইজ তৌরবা মীৎয়েং অমা পুক্নিং থৌগৎলি, মসিনা রিজনেল পার্তীশিংদা মখোয়গী তোপ তোপ্পা শীংনবা অমসুং এস্পিরেসনশিংবু ময়েক শেংহনবদা মতেং পাংলি। অসিগুম্বা মওং-মতৌ অসিনা পোলিতিকেল এনভাইর্নমেন্ত অমা শেমগৎলি, মফম অদুদা লোকেল ইসুশিং অসি নেস্নেল ইলেক্সন কেম্পেনশিংনা ওভরশেদো তৌই, মসিনা রিজনেল ভোইসশিংগী রেলিভেন্স ঙাকশেল্লি।

5. রাজনিতীগী খুদোংচাবশিং হেনগৎহনবা: মীখলশিং মতম অমত্তদা পাংথোকপনা রাজনিতীগী খুদোংচাবশিং অমসুং থৌদাংশিংবু পোলিতিকেল পার্তীশিংগী মনুংদা হেন্না চপ মান্ননা য়েন্থোকই। হৌজিক্কী ওইনা, পার্তী অমগী মনুংদা লৈবা লুচিংবশিংনা ইলেক্তোরেল লেন্দস্কেপ অদুদা মপুং ফানা লৈহনবা, লেবেল কয়াদা মীখলদা শরুক য়াবা অমসুং মরুওইবা পোজিসনশিংদা মোনোপোলিজ তৌবা হায়বসি তোইনা থোকই। মতম অমত্তদা মীখল পাংথোকপা মতমদা, তোঙান তোঙানবা পার্তীশিংদগী লাকপা পোলিতিকেল ৱার্করশিংগী মরক্তা তোঙান তোঙানবা অমসুং ইনক্লুসিব ওইবা য়াবগী খুদোংচাবা হেন্না লৈ। মসিনা লুচিংবা কয়া অমা পুথোকপা য়াহল্লি অমসুং দেমোক্রেতিক প্রোসেসতা মতেং পাংলি।

5. গভর্নান্সতা মীৎয়েং থম্বা: লৈবাক শীনবা থুংনা চত্থরিবা মীখলগী সাইকল অসিনা অফবা লৈঙাক্লোনদগী দাইর্ত তৌহল্লি। পোলিতিকেল পার্তীশিংনা মীখলগা মরী লৈনবা থবক থৌরমশিংদা হেন্না মীৎয়েং চংদুনা মায় পাকপা ঙম্নবা হোৎনৈ, মসিনা চাউখৎপা অমসুং তঙাই ফদবা লৈঙাক লৈঙাক্কী মতম মাংহল্লি। মতম অমত্তদা পাংথোকপা মীখলশিংনা পার্তীশিংবু মীখলগী মথৌ তাবশিং খঙহন্নবা হোৎনবদা মতেং পাংগনি। মসিনা কনফ্লিক্তকী থৌওং হন্থহল্লগনি অমসুং এগ্রেসিব কেম্পেনগী থৌদোকশিং হন্থহল্লগনি।

5. শেল-থুমগী পোৎলম হন্থনবা: মতম অমত্তদা মীখল পাংথোকপনা মীখলগী সাইকল কয়াগা মরী লৈনবা শেল থুমগী চাদিং অদু য়াম্না হন্থহনবা ঙমগনি। মোদেল অসিনা মীখল অমমমগীদমক্তা হ্যুমেন রিসোর্স, ইক্বিপমেন্ত অমসুং সেক্যুরিতীগুম্বা রিসোর্সশিং থাদোকপগা মরী লৈনবা শেনফম হন্থহল্লি। শেন্মিৎলোনগী কান্নবশিংগী মনুংদা রিসোর্সশিং হেন্না কান্নবা মওংদা এল্লোকেৎ তৌবা অমসুং হেন্না ফবা ফিক্সেল মেনেজমেন্ত য়াওরি, মসিনা শেন্মিৎলোনগী চাউখৎপা অমসুং ইনভেস্তরশিংগী থাজবা হেনগৎহনবদা মতেং পাংলি।

ৱারোইশিন

হান্নগী রাস্ত্রপতি রাম নাথ কোবিন্দনা লুচিংবা, হায়-লেবেল কম্মিতী ওন সাইমলতেনস ইলেক্সননা ভারতকী মীখলগী থৌওংদা অহোংবা পুরক্নবা য়ুম্ফম থোল্লি। লোক সভা অমসুং রাজ্যগী বিধান সভাগী মীখলগী সাইকলশিং অসি মান্নহন্দুনা, কম্মিতীগী রিকমেন্দেসনশিংনা গভর্নান্সকী অৱাবা অমসুং রিসোর্সশিং মাং-তাকহনবা অসিনচিংবা তোইনা পাংথোকপা মীখলগা মরী লৈনবা মতম শাংনা লৈরক্লবা শীংনবশিং কোকহন্নবা ৱাশক্লি। মতম অমত্তদা মীখল পাংথোক্নবা খোংথাং পায়খৎপা অমসুং সম্বিধান শেমদোকপা অসিনা ভারত্তা হেন্না কান্নবা অমসুং অচেৎপা মীখলগী ফীভম অমা লৈহন্নবগী লম্বী য়াৎপা ঙমগনি। মীয়াম্না অমসুং রাজনিতীনা শৌগৎপগা লোয়ননা, মতম অমত্তদা মীখল পাংথোকপগী ৱাখল্লোন অসিনা ভারতকী দেমোক্রেসীগী থৌওংশিংবু হেন্না মওং চুমহনবদা অমসুং গভর্নান্সকী ইফিসিএন্সী হেনগৎহনবদা মতেং পাংগনি।

রিফরেন্সশিং:

5. https://onoe.gov.in/HLC-Report-en
5. https://legalaffairs.gov.in/sites/default/files/simultaneous_elections/79th_Report.pdf

https://legalaffairs.gov.in/sites/default/files/simultaneous_elections/NITI_AYOG_REPORT_2017.pdf

********