প্রধান মন্ত্রী শ্রী নরেন্দ্র মোদীনা ঙসি শক্নাইরবা শ্রী রাজ কাপুরগী 100শুবা মপোক কুমওন্না লাকপদা মহাক্কী মফমদা ইকায় খুম্নবা উৎখ্রে। মহাক্না মহাকপু ভিজনরী ফিল্মমেকর, এক্তর অমসুং অমর ওইরবা শোমেন অমা ওইনা শীংথাখি। শ্রী রাজ কাপুর অসি ফিল্মমেকর অমা খক্তা নত্তনা ভারতকী সিনেমাবু মালেমগী থাক্তা পুখৎলকখিবা কলচরেল এম্বেসেদর অমসুনি হায়না পল্লদুনা শ্রী মোদীনা হায়খি মদুদি ফিল্মমেকর অমসুং এক্তরশিংগী মীরোলশিংনা মহাক্কী মফমদগী কয়া অমা তমজবা য়াগনি।

Xকী থ্রেদ পোস্ত অমদা শ্রী মোদীনা ইখি:

“ঙসি, ঐখোয়না শক্নাইরবা রাজ কাপুর, ভিজনরী ফিল্মমেকর, এক্তর অমসুং অমর ওইরবা শোমেনগী 100শুবা মপোক কুমওন পাংথোক্লি! মহাক্কী হৈ-শিংবা অসিনা মীরোন কয়া লান্দুনা লাক্তুনা ভারত অমসুং মালেমগী সিনেমাদা মুৎনাইদ্রবা মমি অমা থমলমখি।”

“শ্রী রাজ কাপুরগী সিনেমাগী লমদা পামজবা অসি নহা ওইরিঙৈদগী হৌরকখি অমসুং মহাক্না য়াম্না কন্না হোৎনদুনা মশক নাইবা স্তোরীতেল্লর অমা ওইরকখি। মহাক্কী ফিল্মশিং অসি আর্তিস্ত্রী, ইমোসন অমসুং সোসিএল কোমেন্তরী ফাওবগী পুনশিন্নবা অমনি। মখোয়না মীচম প্রজাগী অনীংবা-অপাম্বশিং অমসুং অৱাবশিং অদু উৎলি।”

“রাজ কাপুরগী ফিল্মশিংগী মমিং লৈরবা করেক্তরশিং অমসুং কাউঙমদ্রবা মেলোদীশিংনা মালেম শীনবা থুংনা মীয়ামদা মখা তানা নীংশিংদুনা লৈহল্লি। মহাক্কী থবকশিংনা তোঙান-তোঙানবা হীরমশিংবু য়াম্না লায়না অমসুং মতিক চানা শন্দোক্না তাকপদা মীয়াম্না থাগৎখি। মহাক্কী ফিল্মশিংগী ম্যুজিকসু য়াম্না পাম্নৈ।.”

“শ্রী রাজ কাপুর অসি ফিল্মমেকর অমা খক্তা নত্তনা ভারতকী সিনেমাবু মালেমগী থাক্তা পুখৎলকখিবা কলচরেল এম্বেসেদর অমসুনি। ফিল্মমেকর অমসুং এক্তরশিংগী মীরোলশিংনা মহাক্কী মফমদগী কয়া অমা তমজবা য়াগনি। ঐহাক্না অমুক্কা হন্না মহাকপু ইকায় খুম্নবা উৎচরি অমসুং মহাক্না ক্রীএতিব ৱার্ল্দদা শরুক তমখিবা অদু নীংশিংজরি।”

Today, we mark the 100th birth anniversary of the legendary Raj Kapoor, a visionary filmmaker, actor and the eternal showman! His genius transcended generations, leaving an indelible mark on Indian and global cinema.

— Narendra Modi (@narendramodi) December 14, 2024

***