ಕೇಂದ್ರ ಉಕ್ಕು ಮತ್ತು ಭಾರೀ ಕೈಗಾರಿಕೆಗಳ ಸಚಿವರಾದ ಶ್ರೀ ಹೆಚ್ ಡಿ ಕುಮಾರಸ್ವಾಮಿ ಅವರು ನಾಳೆ (ಡಿಸೆಂಬರ್ 12, 2024 ರಂದು) ಹೊಸದಿಲ್ಲಿಯ ವಿಜ್ಞಾನ ಭವನದ ಹಾಲ್ ಸಂಖ್ಯೆ 5ರಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಭಾರತಕ್ಕಾಗಿ ಹಸಿರು ಉಕ್ಕಿನ ಟ್ಯಾಕ್ಸಾನಮಿಯನ್ನು (ಹಸಿರು ಉಕ್ಕಿನ ವರ್ಗೀಕರಣ) ಅನಾವರಣಗೊಳಿಸಲಿದ್ದಾರೆ. ಕಾರ್ಯಕ್ರಮದಲ್ಲಿ ಉಕ್ಕು ಮತ್ತು ಭಾರೀ ಕೈಗಾರಿಕೆಗಳ ಸಹಾಯಕ ಸಚಿವರಾದ ಶ್ರೀ ಭೂಪತಿ ರಾಜು ಶ್ರೀನಿವಾಸ ವರ್ಮಾ ಸೇರಿದಂತೆ ಉಕ್ಕು ಸಚಿವಾಲಯದ ಅಧಿಕಾರಿಗಳು, ಇತರ ಸಂಬಂಧಿತ ಸಚಿವಾಲಯಗಳು, ಸಿಪಿಎಸ್‌ಇಗಳು, ಉಕ್ಕಿನ ಉದ್ಯಮದ ಪ್ರತಿನಿಧಿಗಳು, ಥಿಂಕ್ ಟ್ಯಾಂಕ್‌ಗಳು, ಶಿಕ್ಷಣ ವಲಯದ ಗಣ್ಯರು ಮತ್ತು ಭಾರತದಲ್ಲಿಯ ವಿದೇಶಿ ಮಿಷನ್‌ಗಳ ಪ್ರತಿನಿಧಿಗಳು  ಭಾಗವಹಿಸಲಿದ್ದಾರೆ.

2070ರ ವೇಳೆಗೆ ದೇಶದ ನಿವ್ವಳ ಶೂನ್ಯ ಗುರಿಯೊಂದಿಗೆ ಹೊಂದಾಣಿಕೆ ಮಾಡಲು, ಉಕ್ಕು ಸಚಿವಾಲಯವು ಉಕ್ಕು ಉದ್ಯಮದಿಂದ ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡಲು ವಿವಿಧ ಪ್ರಮುಖ ಉಪಕ್ರಮಗಳನ್ನು ತೆಗೆದುಕೊಂಡಿದೆ. ಇದನ್ನು ಅನುಸರಿಸಿ ಮಧ್ಯಸ್ಥಗಾರರೊಂದಿಗೆ ವ್ಯಾಪಕವಾದ ಸಮಾಲೋಚನೆಯ ನಂತರ ಗ್ರೀನ್ ಸ್ಟೀಲಿಗೆ ಸಂಬಂಧಿಸಿದ ವರ್ಗೀಕರಣವನ್ನು  ಅಭಿವೃದ್ಧಿಪಡಿಸಲಾಗಿದೆ.

ಹಸಿರು ಉಕ್ಕಿನ ವರ್ಗೀಕರಣ ಶಾಸ್ತ್ರವು ಉಕ್ಕು ಉತ್ಪಾದನೆಯಲ್ಲಿ ಹಸಿರು ತಂತ್ರಜ್ಞಾನಗಳ ಅಳವಡಿಕೆಯನ್ನು ಉತ್ತೇಜಿಸಲು ಸ್ಪಷ್ಟ ಚೌಕಟ್ಟನ್ನು ವ್ಯಾಖ್ಯಾನಿಸುವ ಮೂಲಕ ಭಾರತದ ಉಕ್ಕು  ಉದ್ಯಮವನ್ನು ಹೆಚ್ಚು ಸಮರ್ಥನೀಯ, ಕಡಿಮೆ ಇಂಗಾಲ ಹೊರಸೂಸುವ ವಲಯವಾಗಿ ಪರಿವರ್ತಿಸುವ ನಿಟ್ಟಿನಲ್ಲಿ ನಿರ್ಣಾಯಕ ಹೆಜ್ಜೆಯಾಗಿದೆ. ವಲಯವನ್ನು ಡಿಕಾರ್ಬನೈಸ್ ಮಾಡಲು ಮತ್ತು ಹಸಿರು ಗುಣಲಕ್ಷಣಗಳೊಂದಿಗೆ ಉತ್ಪನ್ನಗಳಿಗೆ ಬೇಡಿಕೆಯನ್ನು ಸೃಷ್ಟಿಸಲು ಸುಸಂಬದ್ಧ ನೀತಿಯನ್ನು ಅಭಿವೃದ್ಧಿಪಡಿಸಲು ಇದು ಪೂರ್ವಾಪೇಕ್ಷಿತವಾಗಿದೆ. ಜಾಗತಿಕವಾಗಿ, ಹಸಿರು ಉಕ್ಕಿನ ಬಗ್ಗೆ ಸಾಮಾನ್ಯವಾಗಿ ಅಂಗೀಕರಿಸಲ್ಪಟ್ಟ ಯಾವುದೇ ವ್ಯಾಖ್ಯಾನವಿಲ್ಲ, ಆದರೂ ಅನೇಕ ಸಂಸ್ಥೆಗಳು ಮತ್ತು ವಿವಿಧ ದೇಶಗಳು ಅದರ ಮೇಲೆ ಕಾರ್ಯನಿರ್ವಹಿಸುತ್ತಿವೆ. ಈ ದಿಸೆಯಲ್ಲಿ ಉಪಕ್ರಮ ಕೈಗೊಂಡ ಮೊದಲ ರಾಷ್ಟ್ರ ಭಾರತ.

ಭಾರತದೊಳಗೆ, ಸರಿಯಾದ ಮತ್ತು ನ್ಯಾಯೋಚಿತ ವ್ಯಾಖ್ಯಾನವನ್ನು ಅಭಿವೃದ್ಧಿಪಡಿಸುವುದು ವಿವಿಧ ಉತ್ಪಾದನಾ ಮಾರ್ಗಗಳಲ್ಲಿ ಹೆಚ್ಚುತ್ತಿರುವ ಡಿಕಾರ್ಬೊನೈಸೇಶನ್ ಅನ್ನು ಉತ್ತೇಜಿಸಲು  ಮತ್ತು ಮೇಲ್ವಿಚಾರಣೆ, ವರದಿ ಮತ್ತು ಪರಿಶೀಲನೆ (MRV), ಹಸಿರು ಉಕ್ಕಿನ ಪ್ರಮಾಣೀಕರಣ ಮತ್ತು ನೋಂದಾವಣೆ ಹೊಂದಿರುವ ಪರಿಸರ ವ್ಯವಸ್ಥೆಯನ್ನು ರಚಿಸುವುದು, ಈ  ವಲಯದಲ್ಲಿ ವೆಚ್ಚ-ಪರಿಣಾಮಕಾರಿ ಡಿಕಾರ್ಬೊನೈಸೇಶನ್ ಅನ್ನು ಖಚಿತಪಡಿಸಿಕೊಳ್ಳಲು ನಿರ್ಣಾಯಕವಾಗಿದೆ.

ಟ್ಯಾಕ್ಸಾನಮಿಯು ಹಸಿರು ಉಕ್ಕಿನ ಮಾರುಕಟ್ಟೆಯ ಅಭಿವೃದ್ಧಿಗೆ ಮೂಲಭೂತ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ, ಹಸಿರು ತಂತ್ರಜ್ಞಾನಗಳಲ್ಲಿ ಹೂಡಿಕೆಗಳನ್ನು ಉತ್ತೇಜಿಸುತ್ತದೆ, ಹಸಿರು ನಾವೀನ್ಯತೆಯ ದೃಢವಾದ ಪರಿಸರ ವ್ಯವಸ್ಥೆಗೆ ದಾರಿ ಮಾಡಿಕೊಡುತ್ತದೆ ಮತ್ತು ಜಾಗತಿಕ ಕೈಗಾರಿಕಾ ಡಿಕಾರ್ಬನೈಸೇಶನ್ ಭೂದೃಶ್ಯದಲ್ಲಿ ಭಾರತದ ಪಾತ್ರವನ್ನು ವರ್ಧಿಸುತ್ತದೆ.

*****