SARTHIE 1.0 কেম্পেন অসি ভারত সরকারগী দিপার্তমেন্ত ওফ সোসিএল জস্তিস এন্দ এম্পাৱরমেন্ত (DoSJE), অমসুং নেস্নেল লিগেল সর্ভিসেস ওথোরিতী, ইন্দিয়া (NALSA)গী অপুনবা খোঙথাং অমনি।

খোঙথাং অসিগী পান্দমদি এৱেরনেস প্রোগ্রামশিং অমসুং লিগেল এসিস্তেন্স পুনশিন্নবগী খুত্থাংদা  সোসিএল ৱেলফেয়র লেজিস্লেসনশিং অমসুং অতৈ ইনেক্তমেন্তশিং অমসুং সরকারগী এদমিনিস্ত্রেতিব প্রোগ্রামশিংনা পীরিবা কান্নবশিং ফংহন্নবগীদমক সেদ্যুল্দ কাস্তশিং (SCশিং), অদর বেকৱার্দ ক্লাসশিং (OBCশিং), ত্রান্সজেন্দর পর্সনশিং, সেনিয়র সিতিজেনশিং, ইকনোমিকেল্লী ৱেকর সেক্সনশিং (EWSশিং), সেনিতেসন ৱার্করশিং, ৱেস্ত পিকরশিং, সবস্তেন্স এব্যুজগী ভিক্তিমশিং অমসুং বিখারী ওইবা মীওইশিং য়াওনা খুন্নাইগী শোত্থরবা অমসুং ভলনরেবল ওইবা মীওইশিংদা শক্তি পীবনি।

মসিগী পান্দমদি মখোয়গী হকশিং, কান্নবশিং অমসুং এনতাইতলমেন্তশিং ফংহন্নবা আইনগী মতেং পীনবা অমসুং মখোয়গী মরমদা খঙহন্দুনা মীওইশিংদা শক্তি পীবা হায়বসিনি। ইনিসিএতিব অসিনা মখোয়গী আইনগী ওইবা হকশিং, য়াইফ-থৌরাংগী এনতাইতলমেন্তশিং, অমসুং সরকারগী স্কিমশিংগা মরী লৈননা হায়রিবা কাংলুপশিং অসিগী মরক্তা লৈরিবা এৱেরনেস গেপ অদু কোকহন্নবা হোৎনরি।

খুন্নাইগী ভলনরেবল ওইবা, খুদোংচাবা ফংদ্রবশিং অমসুং শোত্থরবা কাংলুপশিংগী সোসিএল, এজুকেস্নেল অমসুং ইকনোমিক এম্পাৱরমেন্তকী দাইনামিক বেলেন্স অমা ফংনবগীদমক্তা, ইনিসিএতিব অসিনা "এৱেরনেস" অমসুং "এসিস্তেন্স"কী খুত্থাংদা মীওইশিংবু "এম্পাৱর" তৌনবা পান্দম থম্লি। কেম্পেন অসিগী মখাদা পায়খৎলিবা থবকশিং অসিনা খুন্নাইগী য়াইফ-থৌরাংগী স্কিমশিং অমসুং পোলিসীশিংগী মতাংদা মরুওইবা ই-পাউ শন্দোক্নবা, কান্নবশিং অমসুং এনতাইতলমেন্তশিং ফংবদা মতেং পাংনবা অমসুং শহর অমসুং খুঙ্গংগী মীয়ামগী মরক্তা অফবা থৌওংশিং এক্সচেঞ্জ তৌনবা প্লেৎফোর্ম অমা ওইনা মথৌ তৌগনি।

রাজ্যশিং, জিলাশিং অমসুং তালুকশিংদা লৈবা NALSAগী হৌজিক লৈরিবা নেস্নেল নেৎৱার্ক অসিনা খুন্নাইগী শোত্থরবা অমসুং ভলনরেবল ওইবা কাংলুপশিংগীদমক এৱেরনেস কেম্পশিং অমসুং সেমিনারশিং পাংথোকপা অমসুং মখোয়গী হকশিং, কান্নবশিং অমসুং এনতাইতকমেন্তশিং ফংহন্নবা লিগেল এসিস্তেন্স পীবদা মতেং পাংগনি।

ৱাফম অসি ঙসি রাজ্য সভাদা হংলকপা ৱাহং অমগী অইবা পাউখুম ওইনা সোসিএল জস্তিস অমসুং এম্পাৱরমেন্তকী রাজ্য মন্ত্রী, শ্রী রামদাস অথাৱালেনা পীখি।

*****