صارفین کے امور، خوراک اور عوامی نظام تقسیم کی وزارت کے مرکزی وزیر مملکت جناب بی ایل ورما نے آج لوک سبھا میں ایک تحریری جواب میں بتایا کہ حکومت نے جولائی 2023 میں قیمت کے استحکام کے بفر سے چنے کے اسٹاک کو چنا دال میں تبدیل کرکے صارفین کو زیادہ سے زیادہ خوردہ قیمت (ایم آر پی)پر 60 روپے فی کلو 1 کلو پیک کے لیے اور 55 روپے فی کلو گرام30 کلو گرام  پیک  کے لیے 30 ستمبر 2024 تک خوردہ فروخت کے لیے متعارف کرایا۔  بھارت چنا دال کو مزید 3 لاکھ ٹن چنا اسٹاک  چنا دال کی شکل میں خوردہ فروخت کے لیے اور بالترتیب 70 روپے فی کلو گرام اور 58 روپے فی کلو گرام کی زیادہ سے زیادہ قیمت پر مکمل چنا کو مختص کرکے بڑھایا گیا ہے۔ بھارت برانڈ کو مونگ اور مسور کی دال تک بھی بڑھا دیا گیا ہے۔ مونگ کے اسٹاک کو بالترتیب 107 روپے فی کلوگرام اور 93 روپے فی کلوگرام کی ایم آر پی پر بھارت برانڈ کے تحت خوردہ فروخت کے لیے مونگ دال (دھولی)اور مونگ سابوت میں تبدیل کر دیا گیا ہے۔ بھارت مسور کی دال 89 روپے فی کلو فروخت ہوتی ہے۔ اب تک کل 12.35 لاکھ ٹن بھارت چنے کی دال، 5,663.07 ٹن بھارت مونگ دال اور 118 ٹن بھارت مسور دال صارفین کو فروخت کی جا چکی ہے۔

بھارت آٹا اور بھارت چاول کو بالترتیب06نومبر2023 اور 06 فروری 2024 کو شروع کیا گیا تھا، تاکہ عام صارفین کو سبسڈی والے نرخوں پر آٹا (گندم کا آٹا)اور چاول فراہم کیا جا سکے۔ پہلے مرحلے کے دوران،30 جون 2024 تک، بھارت آٹا اور بھارت چاول بالترتیب 27.50 روپے فی کلو گرام اور 29 روپے فی کلوگرام کے حساب سے فروخت ہوئے۔ فیز II میں،یہ پیداوار اب بھارت آٹے کے لیے 30 روپے فی کلوگرام اور بھارت چاول کے لیے 34 روپے فی کلو کی ایم آر پی پر فروخت ہو رہی ہیں۔30 جون 2024 تک فیز I کے دوران صارفین کو کل 15.20ایل ایم ٹی بھارت آٹا اور 14.58ایل ایم ٹی بھارت چاول دستیاب کرائے گئے۔ موجودہ فیز-II میں، 2,952.25 ایم ٹی بھارت آٹا اور 3,413.35ایم ٹی بھارت چاول عام صارفین کو فروخت کیے گئے ہیں۔

کھانے کی اشیاء کا بھارت برانڈ نیشنل ایگریکلچرل کوآپریٹو مارکیٹنگ فیڈریشن آف انڈیا لمیٹڈ(این اے ایف ای ڈی)، کیندریہ بھنڈار اور نیشنل کوآپریٹو کنزیومر فیڈریشن آف انڈیا لمیٹڈ(این سی سی ایف)، ای کامرس پلیٹ فارمز اور بڑی چین خوردہ فروش  کے اپنے خوردہ دکانوں اور موبائل وین کے ذریعے تقسیم کیا جاتا ہے۔

*************

(ش ح ۔ا ک۔ن ع(

U.No 3816

(Release ID: 2083276) Visitor Counter : 16