নেস্নেল লোজিস্তিক্স পোলিসী 2022গী মখাদা, লোজিস্তিক্স সেক্তরগী ইন্তিগ্রেতেদ দিবেলপমেন্ত, রাজ্যশিং অমসুং UTশিংগী ওনবোর্দিং, এসেতশিং স্তেন্দর্দাইজ তৌবা, প্রোসেসশিং দিজিতেলাইজ তৌবা অসিনচিংবা মরুওইবা শীংনবশিং কোকহন্নবা অমসুং লৈবাক অসিদা লোজিস্তিক্সকী ইফিসিএন্সী ফগৎহন্নবা তোঙান তোঙানবা থবক কয়া পায়খৎলি। মখোয়শিং অসি মখাদা পীরি:

1. কোইলা সেক্তরদা সেক্তোরেল প্লান ফোর ইফিসিএন্ত লোজিস্তিক্স (SPEL) গী নোতিফাই তৌখ্রে।
2. রাজ্য/UT 26না মখোয়গী লোজিস্তিক্স পোলিসীশিং অদু নোতিফাই তৌখ্রে। নোতিফাই তৌরবা পোলিসীশিংগী অকুপ্পা মরোলশিং অসি https://dpiit.gov.in/logistics/state-logistics-policies দা ফংগনি।
3. ইসুশিং অসি কোকহন্নবা অমসুং সেক্তর অসিগী ইফিসিএন্সী হেনগৎহন্নবা মপাঙ্গল কনবা মেকানিজম অমা শেমগৎনবা, ইন্তর মিনিস্ত্রীএল সর্ভিস ইমপ্রুভমেন্ত গ্রুপ (SIG) অসি 2023গী মার্চ 14দা লোজিতিক্স সেক্তরগী বিজিনেস এসোসিএসনশিং শরুক য়াদুনা শেমখ্রে।
4. তোঙান তোঙানবা রাজ্যশিংদা লোজিস্তিক ইজ ওভর দিফরেন্ত স্তেতস (LEADS) 2023 গী 5শুবা এদিসন অসি 2023গী দিসেম্বর 16দা হৌদোকখি।
5.  ৱেরহাউজিং স্তেন্দর্দশিংগী ই-হন্দবুক অসি 2022দা হৌদোকখি।

রেলৱে মন্ত্রালয়না পায়খৎলিবা খোঙথাংশিং হায়বদি দেদিকেতেদ ফ্রাইৎ কোরিদোরশিং, গতিশক্তি কার্গো তর্মিনেলশিং অমসুং ফ্রাইৎ দিজিতেলাইজেসনগী খোঙথাংশিং, রোদ ত্রান্সপোর্ত অমসুং হাইৱেজ মন্ত্রালয়না মল্তি-মোদেল লোজিতিক্স পার্কশিং শেমগৎপা, এয়রপোর্ত ওথোরিতী ওফ ইন্দিয়ানা এয়র কার্গো ফেসিলিতীশিং শেমগৎপা অমসুং মন্ত্রালয়না য়ুনিফাইদ লোজিতিক্স ইন্তরফেস প্লেৎফোর্ম (ULIP) অমসুং লোজিতিক্স দেতা বেঙ্ক (LDB) পোলিসী অসি GIS প্লেৎফোর্ম শিজিন্নদুনা ইন্তিগ্রেতেদ ইনফ্রাস্ত্রকচর নেৎৱার্ক শেমগৎপদা মীৎয়েং থম্লিবা পি.এম. গতি শক্তিগুম্বা ইনফ্রাস্ত্রকচর ইনিসিয়েতিবশিংগা নক্না মরী লৈনৈ।

ৱার্ল্দ বেঙ্ককী লোজিস্তিক্স পর্ফোমেন্স ইন্দেক্স (LPI) দা ভারতকী রেঙ্কিং অসি 2014দা 54 ওইরম্বদগী 2023দা 38দা মফম তরুক ফগৎলে। ৱার্ল্দ বেঙ্কনা LPI 2023গী রিপোর্ত্তা ভারতকী হোৎনবা অদু শকখঙখ্রে। মসিগী মনুংদা কোস্ত অনিমক্তা পোর্তশিংগা হেতরলেন্দদা লৈবা ইকোনোমিক পোলশিংগা শম্নহন্নবা সোফ অমসুং হার্দ ইনফ্রাস্ত্রকচরদা শেল থাদবা অমসুং সপ্লাই চেন দিজিতেলাইজেসন য়াওরি।

দিজিতেল গেৎৱে - য়ুনিফাইদ লোজিস্তিক্স ইন্তরফেস প্লেৎফোর্ম (ULIP) অসি 2021দা হৌদোকখ্রে। মসিনা ইন্দস্ত্রীগী স্তেকহোল্দরশিংদা APIদা য়ুম্ফম ওইবা ইন্তিগ্রেসনগী থোংদা তোঙান তোঙানবা সরকারগী সিস্তেমশিংদগী লোজিস্তিক্সকা মরী লৈনবা দেতা সেৎশিং ফংহনগনি। প্লেৎফোর্ম অসি রিক্বেস্ত-রেস্পোন্স মেকানিজম অমদা মথৌ তৌই অমসুং হৌজিক্কী ওইনা মন্ত্রালয় 11গী সিস্তেম 39গা পুনশিল্লি। মসিনা API 125গী খুত্থাংদা দেতা ফিল্দ 1,800 হেনবদা এক্সেস পীরি। ভারতকী কন্তেনরাইজ এক্সীম কার্গোগী 100% ত্রেক তৌবা অমসুং ত্রেসিং তৌনবগীদমক, লোজিস্তিক্স দেতা বেঙ্ক (LDB) শেমগৎখ্রে। LDBনা রেদিও ফ্রিক্বেন্সি আইদেন্তিফিকেসন (RFID) তেক্নোলোজী শীজিন্নদুনা ভারত্তা এক্সিম কন্তেনরগী খোঙচৎশিং ত্রেক তৌবগীদমক রিএল তাইমগী খুদোংচাবা পীরি

2023গী ওক্তোবর 4দা গেতি শক্তি বিশ্ববিদ্যালয়গা লোয়ননা অখন্নবা লোজিস্তিক্স করিক্যুলম অমা শেমগৎনবা মেমোরেন্দম ওফ অন্দর্স্তেন্দিং (MoU) অমা খুৎয়েক পীনখি। মসিগী লম অসিদা কোর্স 8 হৌদোকখ্রে। 2024গী মে 8দা ভোপালগী স্কুল ওফ প্লান্নিং এন্দ আর্কিতেকচর (SPA) দা সিতী লোজিস্তিক্সকী সেন্তর ওফ এক্সিলেন্স (CoE) অমা লিংখৎখি। স্কিল দিবেলপমেন্তগীদমক অপুনবা ক্বালিফিকেসন পেক 37 (QP) মথৌ তৌরি। মসিগী মনুংদা লোজিস্তিক্স সেক্তর স্কিল কাউন্সিল (LSSC) গা লোয়ননা FY 24-25দা শেমখিবা QP 7 য়াওরি।

ফ্রাইৎ গ্রীন হাউস গ্যাস কেলক্যুলেতর অসি ফিক্স তৌরবা ওরিজিন-দেস্তিনেসন পেয়র অমগীদমক তোঙান-তোঙানবা ত্রান্সপোর্ত মোদশিংগী মরক্তা গ্রীন হাউস গ্যাস থাদোকপশিং কেলক্যুলেৎ তৌনবা অমসুং চাংদম্নবা শেমগৎলি। মসিনা এৱেরনেস লৈহন্নবা অমসুং সস্তেনেবিলিতী প্রমোৎ তৌগনি। ইন্দিয়ন রেলৱেজনা মসিগী ফ্রাইৎ কস্তমরশিংদা 'রেল গ্রীন পোইন্তস' পীবগী ৱাখল্লোন হৌদোকখ্রে। মসিনা কার্বন থাদোকপদা ঙাকথোকপা ঙম্বগী মতাংদা অকুপ্পা মরোল পীরি।

ৱাফম অসি কেন্দ্রগী কম্মর্স অমসুং ইন্দস্ত্রীগী রাজ্য মন্ত্রী, শ্রী জিতিন প্রসাদানা ঙসি লোক সভাদা অইবা পাউখুম অমদা ফোংদোকখি।

***