‘‘ہمارا شوچالیہ: ہمارا سمان’’ (ایچ ایس ایچ ایس) مہم، جو کہ عالمی یوم بیت الخلا (19 نومبر) پر شروع کی گئی تھی، 10 دسمبر کو اختتام پذیر ہو گی،۔ یہ مہم انسانی حقوق کے دن پر صفائی کو وقار اور انسانی حقوق کے ساتھ ہم آہنگ کرتی ہے۔ وزارت جل شکتی کے محکمہ ٔ  پینے کا پانی اور صفائی کے  زیر اہتمام، تین ہفتے کی مہم نے پورے ہندوستان میں کمیونٹیز کو متحرک کیا، جس نے صفائی کو اجتماعی فخر اور ذمہ داری کے طور پر روشنی میں لایا۔

ریاستوں اور مرکز کے زیر انتظام علاقوں میں 50,500 سے زیادہ تقریبات کا انعقاد اور 38 لاکھ سے زیادہ لوگوں کی شرکت کے ساتھ، ایچ ایس ایچ ایس مہم نے نمایاں سنگ میل حاصل کیے:

• 1.54 لاکھ سے زیادہ کمیونٹی سینیٹری کمپلیکس (سی ایس سیز) کا جائزہ لیا گیا اور فعالیت کے لیے بہتر بنایا گیا، جو موجودہ سی ایس سیز کے 70فیصد سے زیادہ کا احاطہ کرتا ہے۔
• 3.35 لاکھ سے زیادہ نئے انفرادی گھریلو لیٹرین (آئی ایچ ایچ ایل ایس ) کو منظوری دی گئی، جس سے صفائی کے سنگین  خلا کو ختم کیا گیا۔
• نچلی سطح پر ہونے والے ہزاروں واقعات، بشمول راتری چوپال اور صفائی مہم، نے بڑے پیمانے پر شرکت کی حوصلہ افزائی کی۔
• 600 سے زائد ڈی ڈبلیو ایس ایم میٹنگیں کی گئیں۔
• مختلف ریاستوں میں ضلع سطح کی تقریبات  منعقد کی گئیں

مہم کے آغاز پر خطاب کرتے ہوئے، جل شکتی کے مرکزی وزیر جناب سی آر۔ پاٹل نے کہا: ‘‘ٹوائلٹ صرف ایک سہولت نہیں ہے۔ یہ وقار، صفائی اور صحت کی علامت ہے۔ یہ ہماری اجتماعی کوشش ہے کہ اس بات کو یقینی بنایا جائے کہ ہر فرد کو #ٹائلیٹ فار ڈگنیٹی کا حق حاصل ہے، کیونکہ یہ نہ صرف جسمانی حفظان صحت بلکہ ذہنی اور سماجی احترام کی بھی نمائندگی کرتا ہے۔ بیت الخلاء کا استعمال ہمیں بیماریوں سے بچاتا ہے اور ہمارے بچوں کے صحت مند اور محفوظ مستقبل کو یقینی بناتا ہے۔ ایچ ایس  ایچ ایس کا نعرہ، ‘شوچالیہ  سنوارے، زندگی نکھارے’ #ٹائلیٹ فار ڈگنیٹی کے لیے پرعزم ہے، ہر فرد کے لیے وقار اور احترام کے مقصد کو آگے بڑھا رہا ہے۔

مہم نے تقریباً تمام ریاستوں/ مرکز کے زیر انتظام علاقوں کی پرجوش شرکت اور ہندوستان کے مختلف حصوں سے تبدیلی کی کہانیوں کے اشتراک کے ساتھ ہندوستان کے صفائی کے سفر کے تنوع اور اختراع کا مظاہرہ کیا۔

• جموں و کشمیر میں، موبائل ایل ای ڈی سے لیس گاڑیوں سے تمام اضلاع میں صفائی کے بارے میں بیداری پیدا ہوئی ہے  اورٹیکنالوجی کو کمیونٹی کی مصروفیت کے ساتھ ہم آہنگ کیا ہے ۔
• بہار نے آخری میل کی شمولیت کو یقینی بنانے کے لیےایس ایچ جی گروپوں کے ذریعے ریاستی سروے کیے اور بیداری پیدا کرنے اور نوجوانوں کی شرکت کی حوصلہ افزائی کے لیے ڈیجیٹل نظام اور اسکول پر مبنی سرگرمیوں کا اہتما م کیا  ۔
• بھدوہی، اتر پردیش میں، ایک اہم اقدام نے سی ایس سیزکی نشاندہی اور نگرانی کے لیےگوگل میپس کو مربوط کیا، ان کی رسائی اور دیکھ بھال کو یقینی بنایا۔ مہوبہ ضلع کے ستاری گرام پنچایت نے صفائی کی سہولیات تک رسائی کو بڑھانے کے لیے ایک سینیٹری مارٹ قائم کیا۔
• ضلع بستر میں فیکل سلج ٹریٹمنٹ پلانٹ (ایف ایس ٹی پی) کا افتتاح، کلیکٹر کے ساتھ اعلیٰ قیادت کی فعال شرکت جو دوسروں کو متاثر کرنے والے تعمیرات کے شعبے میں کام کر رہے ہیں اور چھتیس گڑھ میں ویسٹ سیگریگیشن شیڈز کی تبدیلی۔
• راجستھان میں صارفین کے ذریعہ 750 سے زیادہ گلابی بیت الخلاء بنائے گئے اور 1 لاکھ سے زیادہ آئی ایچ ایچ ایل کو خوبصورت بنایا گیا
• گجرات میں اسکولوں میں ‘ہمارا بیت الخلا، ہماری عزت’ مہم شروع کی گئی۔
• مغربی بنگال کے تمام جی پی میں ماڈل ٹوائلٹ قائم کیے گئے ہیں۔
• پورے کرناٹک اور تمل ناڈو میں، سی ایس سیز اورآئی ایچ ایچ ایل ایس کی خوبصورتی نے صفائی کے بنیادی ڈھانچے کو کمیونٹی کے نشانات میں تبدیل کر دیا۔

اس مہم میں گورنروں، مرکزی وزراء، ارکان پارلیمنٹ، ریاستی وزراء، ایم ایل ایز، اور پنچایت لیڈروں کی فعال شمولیت کا مشاہدہ کیا گیا، جس نے اجتماعی کارروائی کی اہمیت کو اجاگر کیا۔ ریاست، ضلع اور گرام پنچایت کی سطح پر پانی اور صفائی کی کمیٹیوں کو فعال کیا گیا، جو طویل مدتی جوابدہی اور پائیداری کو یقینی بناتی ہیں۔

ڈی ڈی ڈبلیو ایس نےمائی جی اووی  کے ساتھ مل کرایچ ایس ایچ ایس  کا جشن منانے کے لیے ٹوائلٹ فوٹوگرافی مقابلہ کا انعقاد کیا جس کا مقصد دیہی علاقوں میں رہنے والے شہریوں کو تخلیقی، اپنے بیت الخلاء کی تصاویر،او ڈی ایف کی پائیداری اور ‘سمپورنا سوچھتا’کے اہداف کے بارے میں بیداری کو فروغ دینے کی ترغیب دینا ہے۔

ٹوائلٹ کے عالمی دن کو انسانی حقوق کے دن سے جوڑنے والی مہم

انسانی حقوق کے دن کے اختتام پرایچ ایس ایچ ایس  مہم صفائی اور بنیادی حقوق کے درمیان اندرونی تعلق کو اجاگر کرتی ہے۔ فعال اور صاف ستھرے بیت الخلاء تک رسائی وقار، تحفظ اور مساوات کو یقینی بنانے کے لیے مرکزی حیثیت رکھتی ہے۔ خاص طور پر خواتین اور پسماندہ طبقوں  کے لیے۔

جیسا کہ آج مہم ختم ہو رہی ہے، لیکن  اس نےآئندہ کے کاموں کے لئے  ایک مضبوط بنیادرکھ دی ہے۔ اس مہم کے دوران حاصل کردہ کامیابیاں اس بات کی نشاندہی کرتی ہیں کہ سمپورناسوچھتا (مکمل صفائی) کی طرف ہمارا سفر ابھی ختم نہیں ہوا ہے۔

یہ مشن مستقل عزم، اختراع اور اجتماعی کوشش کا مطالبہ کرتا ہے تاکہ یہ یقینی بنایا جا سکے کہ کوئی بھی پیچھے نہ رہے۔ کیا گیا کام ہماری مسلسل کوششوں کے لیے ایک بنیاد کے طور پر کام کرتا ہے، جو ہمیں یاد دلاتا ہے کہ ایک صاف، صحت مند، اور باوقار ہندوستان کے وژن کو صرف مسلسل عمل اور ایک پائیدارعوامی تحریک  کے ذریعے ہی حاصل کیا جا سکتا ہے۔ ہم مل کر اس خواہش کو حقیقت میں بدل سکتے ہیں، صفائی کو اپنی قوم کی ترقی کا سنگ بنیاد بنا سکتے ہیں۔

۔۔۔۔۔۔۔۔۔۔۔

ش ح۔ م ح ۔رض

U-3717