نوئیڈا بین الاقوامی ہوائی اڈے (این آئی اے) پر آج پہلی ویلیڈیشن فلائٹ کامیابی کے ساتھ لینڈ کر گئی، جو ایئرپورٹ کی عملی تیاریوں کی جانب ایک اہم سنگ میل کی نشاندہی کرتی ہے ۔  اس یادگاری موقع پر شہری ہوابازی کے وزیر جناب رام موہن نائیڈو، رکن پارلیمنٹ گوتم بدھ نگر ڈاکٹر مہیش شرما اور جیور کے ایم ایل اے جناب دھیریندر سنگھ موجود تھے ۔  انڈیگو کے زریعے چلائی گئی یہ فلائٹ دوپہر کے وقت لینڈ ہوئی، جس کا استقبال روایتی واٹر کینن سلامی اور زبردست تالیاں بجا کر کیا گیا، خاص طور پر ان سائٹ ورکروں کی جانب سے جنہوں نے اس منصوبے کی ترقی میں کلیدی کردار ادا کیا ہے ۔  اس موقع پر شہری ہوابازی کی وزارت کے سکریٹری وملنمگ وولنم، بھارت کی ایئرپورٹ اتھارٹی کے چیئرمین ویپن کمار اور اتر پردیش کے ایڈیشنل چیف سکریٹری جناب ایس پی گوئل سمیت دیگر سینئر حکام بھی موجود تھے ۔

ویلیڈیشن فلائٹ نے ایئرپورٹ کے طریقہ کار اور روانگی کے طریقہ کار کی تصدیق کی، سفری تعاون اور ایئر ٹریفک کنٹرول سسٹمز کی درستگی کو یقینی بنایا ۔  شہری ہوابازی کے وزیر جناب رام موہن نائیڈو نے پوری ٹیم کی کوششوں کو سراہا اور کہا کہ جیور ہوائی اڈہ بھارت میں فضائی سفر اور علاقائی کنیکٹیویٹی کو تبدیل کرنے کے لیے تیار ہے ۔  انہوں نے زور دے کر کہا کہ یہ ہوائی اڈہ، جو 2025 میں ایک فعال رن وے اور ایک ٹرمینل کے ساتھ کھلے گا جو سالانہ 12 ملین مسافروں کو سنبھالنے کی صلاحیت رکھتا ہے، عالمی معیار کی سہولت کے طور پر کام کرے گا ۔  اس کے ڈیزائن، کاریگری اور مسافروں کی خدمات کے ذریعے اتر پردیش کے ثقافتی ورثے اور شناخت کی عکاسی بھی کرے گا ۔

وزیر موصوف جناب رام موہن نائیڈو نے جیور کے کسانوں کا شکریہ ادا کیا، جن کی حمایت اس ایئرپورٹ کو حقیقت بنانے میں اہم کردار ادا کر رہی تھی اور اتر پردیش کو اس کا 17واں فعال ایئرپورٹ فراہم کرنے کے قابل بنایا ۔

اپنے دورے کے دوران، وزیر موصوف نے ایئرپورٹ آپریٹر کے ساتھ جائزہ اجلاس منعقد کیا اور انہیں منصوبے کی آخری تاریخوں پر سختی سے عمل کرنے کی ہدایت دی تاکہ ایئرپورٹ اپریل 2025 تک کام کرنے لگ جائے ۔  انہوں نے جیور ایئرپورٹ کی خدمات کو نئے معیار مقرر کرنے، عالمی معیار کے انفراسٹرکچر فراہم کرنے، اور مقامی ثقافت اور کاریگری کے عناصر کو شامل کرنے کی ضرورت پر زور دیا ۔  وزیر موصوف نے رابطے کے منصوبوں، جن میں سڑک، ریل، اور میٹرو لنکس شامل ہیں، کی پیش رفت کا بھی جائزہ لیا اور مستقبل کی ہائی اسپیڈ ریل کنیکٹیویٹی پر تبادلہ خیال کیا، جو ایئرپورٹ کو وسیع تر علاقائی اور قومی ٹرانسپورٹ نیٹ ورک سے جوڑ سکتی ہے ۔

وزیر موصوف نے پائیداری کے اقدامات پر خصوصی توجہ دی، جیسے ایئرپورٹ کو شمسی توانائی کے ذریعے چلانے کا استعمال اور ماحول دوست انفراسٹرکچر کی ترقی کے لیے حکومت کے عزم کا اعادہ کیا ۔

انہوں نے اس منصوبے کی بے پناہ اقتصادی صلاحیت کو اجاگر کیا، جو ہزاروں ملازمت پید کرنے، سیاحت کے فروغ اور مغربی اتر پردیش میں علاقائی ترقی کو فروغ دینے کا امکان رکھتی ہے ۔  وزیر موصوف نے سائٹ ورکروں کی محنت اور لگن کو تسلیم کرتے ہوئے ان کا شکریہ ادا کیا، جنہوں نے ایشیا کے سب سے بڑے ایئرپورٹ کو حقیقت میں تبدیل کرنے میں کردار ادا کیا ۔  جناب رام موہن نائیڈو نے اس منصوبے کی کامیابی کو سراہا ۔

وزیر موصوف نے وزیر اعظم جناب نریندر مودی کے وژن کو خراج تحسین پیش کیا، جن کی قیادت میں بھارت بے مثال بنیادی ڈھانچے کی ترقی کا تجربہ کر رہا ہے اور وزیر اعلی یوگی آدتیہ ناتھ کی رہنمائی کو بھی سراہا، جن کی کوششوں نے اس تاریخی منصوبے کی تیز رفتار تکمیل کو یقینی بنایا ۔  وزیر موصوف نے نوئیڈا انٹرنیشنل ایئرپورٹ کی ٹیم کے لیے نیک خواہشات کا اظہار کیا اور انڈیگو کا شکریہ ادا کیا، جس نے ویلیڈیشن فلائٹ آپریٹ کی، جو 2025 میں این آئی اے کے آپریشنل آغاز کے لیے بنیاد فراہم کرتی ہے ۔

*******

ش ح  ۔   م ع   ۔   م ت                                        

U - 3688

(Release ID: 2082445) Visitor Counter : 20