অৱাং-নোংপোক লমদমগী চাউখৎ-থৌরাং মন্ত্রালয়না শিন্দুনা পাংথোকপা অস্তলক্ষ্মী মহোৎসবতা অৱাং-নোংপোক লমদমগী রাজ্যশিং অমসুং লৈবাক অসিগী তোঙান তোঙানবা মফমশিংদগী বায়রশিং পুনশিল্লিবা এক্সক্লুসিব বায়র সেল্লর মীত অমা পাংথোকখি। ন্যু দিল্লীগী ভারত মান্দপমদা পাংথোকখিবা থৌরম অসিনা অৱাং নোংপোক ভারতকী আর্তিসানশিং অমসুং বায়রশিংগী মরক্তা তুং কোইগদবা ললোন-ইতিক্কী মরীশিং ফগৎহন্নবা পান্দম থমখি।

বায়র সেল্লর মীত অসিনা অৱাং নোংপোক লমদমগী বায়র অমসুং সেল্লরশিংগী মরক্তা তেক্সতাইল্স, সেরিকলচর, হেন্দলুম অমসুং হেন্দিক্রাফ্স, জেমস, জ্বেলরী অমসুং মরী লৈনবা, লৌউ-শিংউ অমসুং হোর্তিকলচর অমসুং তুরিজম য়াওনা মরুওইবা সেক্তর মরিদা হকথেংননা ললোন-ইতিক তৌনবা খুদোংচাবা পীখি। হায়রিবা প্লেতফোর্ম অসিনা লমদম অসিগী শেন্মিৎলোন চাউখৎহনবদা মতেং পাংনবা অচৌবা ওর্দরশিং, মতম শাংনা চত্থগদবা ললোন-ইতিক্কী মরীশিং অমসুং খুদক্কী ওইবা ললোন-ইতিক্কী য়ানচেশিং পুক্নিং থৌগৎখি।

অৱাং-নোংপোক লমদমগী চাউখৎ থৌরাং মন্ত্রালয় (MDoNER), নোর্থ ইস্তর্ন হেন্দিক্রাফস এন্দ হেন্দলুম দিবেলপমেন্ত কোর্পোরেসন লিমিতেদ (NEHHDC); ওপন নেতৱার্ক ফোর দিজিতেল কম্মর্স (ONDC) কী মকোক থোংবা ওফিসিএলশিংনা থৌরম অসিদা শরুক য়াখি।

হৌদোকপগী মীফম অদুদা, NEHHDC গী এদভাইজরনা অৱাং নোংপোক লমদমগী কান্নবশিং অমসুং লমদম অসিদা শেল থাদনবগী খুদোংচাবশিং ফোংদোকখি। ONDCগী চীফ বিজিনেস ওফিসরনা হায়খি মদুদি ONDC অসি তেক্নোলোজীদা য়ুম্ফম ওইবা ইনিসিএতিব অমনি। মসিনা লৈবাক অসিদা ওপন সোর্স স্পেসিফিকেসনশিংদা য়ুম্ফম ওইবা ওপন প্রোতোকোল অমগী খুত্থাংদা ই-কম্মর্স তৌবা য়াহন্দুনা ই-কম্মর্স মথৌ তৌবগী মওং অসি শেমদোক্নবা হোৎনরি। খোঙথাং অসিনা ই-কম্মর্সপু খোংজেল য়াংনা শীজিন্নবদা মতেং পাংবতা নত্তনা ভারত্তা স্তার্ত-অপশিং চাউখৎহনগনি অমসুং মপাঙ্গল কনখৎহনগনি। ওপন প্রোতোকোলগী খুত্থাংদা চাউথোকহনবা য়াবা অমসুং শেল চংদবা ই-কম্মর্স অমা লায়থোকহন্দুনা, ONDCনা স্তার্ত-অপশিংবু পুন্না থবক তৌমিন্নদুনা চাউখৎপা ঙমহনগনি। মহাক্না হায়খি মদুদি ONDCনা NEHHDC গা খুৎশম্নদুনা অৱাং নোংপোক লমদমগী আর্তিসানশিং/ ৱিভরশিং/ সেলরশিংবু মখোয়গী মার্কেত লিঙ্কেজ হেনগৎহন্নবা মখোয়গী প্লেতফোর্মদা য়াওহল্লি। NEHHDC গী মেনেজিং দাইরেক্তরনা MDoNERনা লৌখৎলিবা খোঙথাংশিং অদু থাগৎপা ফোংদোকখি অমসুং হায়খি মদুদি অসিগুম্বা খোঙথাংশিং অসিনা অৱাং নোংপোক লমদমগী লমদমসিগী পোত্থোকশিং প্রমোৎ তৌবদা মতেং পাংবতা নত্তনা লমদম অসিগী লোকেল আর্তিসানশিং/ ৱিভরশিং/ সেলরশিংগী শেন্মিৎলোন চাউখৎহনবদসু মতেং পাংগনি।

MDoNERগী জোইন্ত সেক্রেতরীনা হায়খি মদুদি অৱাং নোংপোক লমদম অসি চাউখৎপগীদমক থাজবা লৈ, স্ত্রেতেজিক ইনভেস্তমেন্তশিং লৈ অমসুং তোঙান তোঙানবা সেক্তরশিংদা লুচিংবা অমা ওইনা থোরকপা য়াই। মহাক্না হায়খি মদুদি কেন্দ্র সরকার অমসুং রাজ্য সরকারনা মখোয়গী ইনিসিএতিবশিং/ স্কিমশিংগী খুত্থাংদা লমদম অসিদা ইনভেস্তমেন্তকীদমক নুংঙাইবা ফীভম অমা শেম্লে। মহাক্না হায়খি মদুদি রাজ্য 8 অসিনা লমদম অসিদা ইনভেস্তমেন্ত তৌনবগীদমক ইনভেস্তরশিংদা তোপ তোপ্পা খুদোংচাবশিং পীরি। MDoNER অমসুং অৱাং-নোংপোক্কী রাজ্য পুম্নমক্না লমদম অসিদা ইনভেস্তমেন্তকীদমক মথৌ তাবা মতেং পীনবা হোৎনরি।

থৌরম অসিদা লৈবাক অসিগী তোঙান তোঙানবা মফমশিংদগী বায়রশিংগা অৱাং নোংপোক রাজ্যশিংগী সেল্লরশিংগা ৱান ওন ৱান ‌ইন্তরেক্সন তৌখি।

*****