'دیہی سڑکیں' ایک ریاستی موضوع ہے اور پردھان منتری گرام سڑک یوجنا (پی ایم جی ایس وائی) کے پروگرام کے رہنما خطوط کے مطابق، پروگرام کے تحت تعمیر کی گئی سڑکوں کی دیکھ بھال ریاستی حکومتوں کی ذمہ داری ہے اور ابتدائی پانچ سال کے سڑکوں کے تمام کام دیکھ بھال کے معاہدے کے تحت آتے ہیں اور یہ بولی کے معیاری دستاویز کے مطابق سڑک بنانےوالے متعلقہ ٹھیکدار کی ذمہ داری ہوگی ۔ دیکھ بھال کے فنڈز ریاستی حکومت کے ذریعہ فراہم کیے جائیں گے۔ 5 سال کے بعد سڑکوں کی دیکھ بھال بھی ریاستی حکومت کو کرنی ہے۔

تمام ریاستوں نے اپنی دیہی سڑکوں کی دیکھ بھال کی پالیسیاں وزارت کے تیار کردہ پالیسی فریم ورک کی بنیاد پر بنائی ہیں۔ خرابی کی ذمہ داری کی مدت (سڑک کی تکمیل کی تاریخ سے پانچ سال) کے دوران سڑکوں کی دیکھ بھال پر توجہ کو بڑھانے اور پی ایم جی ایس وائی سڑکوں کی معمول کی دیکھ بھال سے متعلق خدمات کی فراہمی کو ہموار کرنے کے اقدام کے طور پرپی ایم جی ایس وائی سڑکوں کی الیکٹرانک دیکھ بھال (ای -مارگ) ، یعنی ویب ایپلی کیشن کو تمام ریاستوں میں لاگو کیا گیا ہے۔

پی ایم جی ایس وائی کے کاموں کے نفاذ میں پیش رفت کا بھی وزارت کی طرف سے علاقائی جائزہ میٹنگ (آر آر ایم)، کارکردگی کا جائزہ لینے والی کمیٹی (پی آر سی) میٹنگز، اور ریاستوں کے ساتھ بااختیارکمیٹی سے پہلے/ بااختیار کمیٹی کی میٹنگوں کے ذریعے باقاعدگی سے جائزہ لیا جاتا ہے۔ مذکورہ بالا کے علاوہ، سکریٹری/ ایڈیشنل سکریٹری/ جوائنٹ سکریٹری، دیہی ترقی کی وزارت کے ذریعہ ریاستوں کے چیف سکریٹریوں/ پرنسپل سکریٹریوں کے ساتھ خصوصی جائزہ میٹنگیں/ ماہانہ جائزہ میٹنگیں بھی منعقد کی جاتی ہیں تاکہ دیکھ بھال کے پہلوؤں سمیت اسکیم کی پیش رفت کا جائزہ لیا جاسکے۔

وزارت نے پی ایم جی ایس وائی سڑکوں کی تعمیر میں آلودگی سے پاک/نئی ٹیکنالوجی کو فروغ دینے کے لیے 2022 میں ایک نیا ٹیکنالوجی وژن دستاویز تیار کیا ہے۔ ان ٹیکنالوجیز کا نفاذ انڈین روڈ کانگریس (آئی آر سی) کے رہنما خطوط اور ملک کے بڑے تکنیکی اداروں کے ذریعہ کئے گئے جائزوں پر مبنی ہے۔ نیشنل رورل انفراسٹرکچر ڈیولپمنٹ ایجنسی (این آر آئی ڈی اے) ریاستوں / مرکز کے زیر انتظام علاقوں کے لیے ورکشاپس، ٹریننگ،  عملی مشقوں کا اہتمام کرتی ہے تاکہ قدرتی وسائل کو بچانے، تعمیر کی رفتار کو بڑھانے اور مقامی کچرے کے استعمال کے لیے ان ٹیکنالوجیز کو سیکھنے اور اپنانے کی حوصلہ افزائی کی جا سکے۔

پی ایم جی ایس وائی –آئی وی کے سروے اور منصوبہ بندی کے لیے ایک منظم، صارف دوست اور سائنسی طریقے سے، دیہی ترقی کی وزارت نے حال ہی میں پی ایم جی ایس وائی – آئی وی کے لیے غیر منسلک بستیوں کی ڈیجیٹل میپنگ کی خاطر پی ایم جی ایس وائی گرام سڑک سروے ایپ کے نام سے ایک موبائل ایپ شروع کی ہے۔ نیز پی ایم گتی شکتی پورٹل کے ذریعے  پی ایم جی ایس وائی – آئی وی روڈ الائنمنٹ پلاننگ کی جائے گی۔ سروے سے حاصل کردہ ڈیٹا کے تفصیلی تجزیہ کے لیے وسیع ڈیٹا بیس کے ساتھ پی ایم گتی شکتی پورٹل دستیاب ہے اور ابتدائی تفصیلی پروجیکٹ رپورٹ (ڈی پی آر) تیار کرنے میں سہولت فراہم کرے گا۔ ٹیکنالوجیوں کے لیے مشقوں کا انعقاد کیا گیا ہے اور یہ ایپس حاصل کردہ نتائج کی بنیاد پر متعارف کرائی گئی ہیں۔

دیہی وزیر مملکت جناب کملیش پاسوان نے آج راجیہ سبھا میں ایک تحریری جواب میں یہ معلومات دیں ۔

*****

ش ح۔م د۔ ش ت

U-No. 3665

(Release ID: 2082291) Visitor Counter : 20