ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা অহমেদবাদতা কার্য়কর সুর্বনা মহোৎসবতা ৱা ঙাংখ্রে। থৌরম অদুদা তিনখিবা মীয়াম তরাম্না ওক্লদুনা, মহাক্না পরাম পুজ্য গুরু হরি মহান্ত শ্বামী মহারাজ, সাধুশিং অমসুং সতশঙ্গা ইমুং-মনুংগী থৌমীশিং অমসুং অতোপ্পা শক্নাইরবশিং অমসুং দেলিগেতশিং তরাম্না ওকখি। কার্য়কর সুর্বনা মহোৎসবকী থৌরমদা প্রধান মন্ত্রী শ্রী মোদীনা ভগবান শ্বামী নারায়নগী খুয়াদা খুরুমখি অমসুং ঙসি অসি প্রামুখ শ্বামী মহারাজাগী ১০৩ শুবা মপোক কুমওন থৌরমশু থোক্লে।

প্রধান মন্ত্রীনা হায়খি মদুদি ভগবান শ্বামী নারায়নগী পাউতাকশিং, প্রামুখ শ্বামী মহারাজগী ৱাশকশিং অমসুং পরাম পুজ্য গুরু হরি মহান্ত শ্বামী মহারাজগী হোৎনবা কনবা অমসুং কৎথোকপগা লোয়ননা ঙসিদি মহৈ চারে। নহারোলশিং অমসুং অঙাংশিংগী নাতকী থৌরমশিংগা লোয়ননা থৌমী লাখ ১ রোম শরুক য়াদুনা অচৌবা থৌরম অমা পাংথোকপা উবদা প্রধান মন্ত্রীনা অপেনবা ফোঙদোকখি অমসুং থৌরম মফমদা মহাক মশা শরুক য়াবা ফংদ্রবসু, থৌরম অসিদা শরুক য়াবগুম মহাক ফাওরি হায়না ফোঙদোকখি। মহাক্না পরাম পুজ্য গুরু হরি মহান্ত শ্বামী মহারাজ, সাধুশিং ঈশ্বরগী থৌজাল ফংলবা অচৌবা থৌরম অসিগীদমক থাগৎপা ফোঙদোকখি।

প্রধান মন্ত্রীনা হায়খি কার্য়কর সুর্বনা মহোৎসব অসি মীয়ামগী থবক তৌরকপগী চহি ৫০ গী খোঙচৎ অসিদা মরুওইবা মাইপাকপা অমনি। চহি ৫০ গী মমাঙদা, থৌমীশিং মিং চনবা অমসুং মখোয়না মীয়ামগী থবক তৌবা হৌখি অমসুংমসি অফবা থবক অমনি। কৎথোকপগা লোয়ননা বাপস থৌমী লাখ কয়ানা মীয়ামগী থবক তৌবা উবদা অপেনবা ফাওই। মসি লুপ অসিগী অচৌবা মাইপাকপা অমনি। শ্রী মোদীনা বাপসতা মহাক্কী য়াইফ-পাউজেল পীখি অমসুং থাগৎপা ফোঙদোকখি।

কার্য়কর সুর্বনা মহোৎসব অসি ভগবান শ্বামী নারায়নগী পাউতাকশিংগী কুহ্মৈ অমনি। মসি চহি মীয়ামগী থবক তৌরকপদগী মীওই মিল্লিয়ন কয়াগী পুন্সিদা অহোংবা পুরকখিবগী হরাওবা ফোঙদোকপনি। বাপসকী থবকশিং মহাক্না য়াম্না নক্না উবা ফংবা অসি লাইবক য়াম্না ফবনি। ভুজতা য়ুহা হাবনা অমাং-অতা থোকহনখ্রবা মতুংদা, নারানারায়ন নগর খুঙ্গং অমুক শেমগৎপা, কেরলাগী ঈশিং ইচাউ, উত্তরখন্দগী চীং নিংখায়বা অমসুং হন্দক মালেমগী ওইনা কোরোনা লাইচৎ মনুংদা মহাক্না মখোয়গী পুনবগী খুদোংচাবা ফংখ্রে।

ইমুং অমগুম মীয়ামগীদমক লেপ্পা অমসুং মীনুংশিগা লোয়ননা মীওই খুদিংমক্কী থবক তৌবগীদমক কার্য়কারশিং থাগৎলদুনা, প্রধান মন্ত্রীনা হায়খি কোবিদ মনুংদা কমদৌনা বাপস লাইশঙশিং মীয়ামগী সেবা তৌনবা মফম অমা ওন্থোকখিবগে হায়বা মীওই খুদিংমক্না উখ্রে। য়ুক্রেনদা লাল কনখৎলকপদগী য়ু্ক্রেনদগী পোলেন্দা হোন্দোকরকপা মীওইশিং অমসুং সরকারগী মতেং বাপস থৌমীশিংনা পাংখি। অহিং  অমদা বাপস থৌমী লিশিং কয়া য়ুরোপ শীনবা থুংনা য়ৌহনখিবা অমসুং পোলেন্দ য়ৌরক্লবা ভারতমচা লিশিং কয়াগী মতেং পাংখিবা অদুগীদমক থাগৎপা ফোঙদোকচরি। মীওইবা খুন্নাইগী য়াইফনবা মালেমগী থাক্ত বাপসনা পাংথোক্লিবা থবকশিং অসি থাগৎনিঙাইনি। মহোৎসব অসিদা বাপসকী থৌমীশিং মহাক্না তৌবীমল খঙবা উৎচরি। মালেম শীনবা থুংনা মখোয়না চোকথবা নাইদনা থবক তৌবদগী ঙসিদি বাপস থৌমীশিংনা মীওই করোর কয়াগী পুন্সিদা অহোংবা পুরক্লে। মখোয়গী থবকশিংনা মীওই করোর কয়াগী থম্মোয় পেনহলখ্রে অমসুং খ্বাইদগী মনুং হুঞ্জিনবা মফমদা লৈবা ওইরবসু খুন্নাইগী মীওই খুদিংমক্কী ফিবম ফগৎহল্লে। মখোয় ইথিল অমনি অমসুং লাৎপা য়াবা অমসুং ইকায়খুম্নবা উৎপা য়াবনি।

প্রধান মন্ত্রীনা হায়খি বাপসকী থবকশিংনা মালেমদা ভারতকী তৌবা ঙম্বা অমসুং ইথিল হেনগৎহল্লে। মালেমগী লৈবাক ২৮ শীনবা থুংনা ভগবান শ্বামী নারায়নগী লাইশঙ ১৮০০ অমসুং মালেম শীনবা থুংনা ধ্যান কেন্দ্র লিশিং ২১ হেন্না লৈরি। মখোয়না কেন্দ্র শীনবা থুংনা তোঙান-তোঙানবা থবকশিং পাংথোক্লি অমসুং মসিদা ভারতকী অধ্যাতিক্কী লন অমসুং শক্তম অদু মালেমনা উবা ফংলে। বাপসকী লাইশঙশিং অসি ভারতকী নাত অমসুং চৎনবীশিংগী মমিনি অমসুং মখোয় মালেমদা খ্বাইদগী লিরবা হৌজিক ফাওবা হিংদুনা লৈরিবা নাত অমসুং চৎনবীশিংগী মফমশিংনি।

প্রধান মন্ত্রীনা হায়খি থা খরগী মমাঙদা অবু ধাবীদা ভগবান শ্বামী নারায়ন লাইশঙ শঙ্গাবগী থৌরম শরুক য়াবা ফংখিবা অসি মহাক্কী ওইনা লাইবক ফবনি। মালেম শীনবা থুংনা ভারতকী অধ্যাতিক্কী লন অমসুং নাত মখল কয়া উবা ফংখ্রে। অসিগুম্বা থবকশিং অসিদগী মালেমনা ভারতকী নাত অমসুং চৎনবীশিংগী ফজবা অমসুং মীনুংশি লৈবগী মরমদা খঙবা ঙমখি অমসুং মখোয়গী থবকশিংগীদমক বাপসকী থৌমীশিং থাগৎপা ফোঙদোকচরি।

শ্রী মোদীনা হায়খি ভগবান শ্বামী নারায়নগী লাইনিং চেৎপদগী থৌমীশিংগী ৱাশকশিং য়াম্না লাইনা ঙাকপদা মতেং পাংখি। ভগবান শ্বামী নারায়ন্না থৱায় পানবা খুদিংমক, অৱাবা তারবা মীওই খুদিংমক লুনা তৌখি অমসুং মীওইবগী য়াইফনবা মহাক্কী পুন্সিগী মিকুপ খুদিং কৎথোকখি। ভগবান শ্বামী নারায়নগী গুনশিং বাপসনা মালেম শীনবা থুংনা শন্দোক্লে। বাপসকী থবকশিং ফোঙদোক্নবা প্রধান মন্ত্রীনা শৈরেং অমগী মতেক খর পাথোকখি।

মহাক্না অঙাং ওইরিঙৈদগী ভগবান শ্বামী নারায়ন অমসুং বাপসকা লোয়নরকপা অসি মহাক্কী লাইবক ফবনি হায়না ফোঙদোক্লদুনা, প্রধান মন্ত্রীনা হায়খি মহাক্না প্রামুখ শ্বামী মহারাজদগী ফংখিবা নুংশিবা অমসুং থৌজাল অসি মহাক্কী পুন্সিগী লন্নি। প্রামুখ শ্বামীজিগা লোয়নখিবগী থৌদোক কয়া অদু মহাক্কী পুন্সিগী তৎন থানবা য়াদ্রবা শরুক অমা ওইরে। গুজরাতকী চীফ মিনিস্ত্রি ওইদ্রিঙৈ মমাং অমসুং ভারতকী প্রধান মন্ত্রী ওইরবা মতুংদা মহাক্কী পুন্সিগী খোঙচৎ খুদিংমক্ত প্রামুখ শ্বামীজি মহারাজনা মহাক লমজিংখি।

প্রধান মন্ত্রীনা হায়খি নরমাদাগী ঈশিং সবরমতি য়ৌরকপা পুৱারি ওইরবা থৌরম অদুদা পরাম পুজ্য প্রামুখ শ্বামী জি মশামক লাকখি। শ্বামী জিগী লমজিং মখাদা শ্বামীনারায়ন মহামন্ত্রী মহোৎসব অমসুং শ্বামী নারায়ন মন্ত্র লেখন মহোৎসব পাংথোকখিবা অদু কাউবা ঙম্লরোই। শ্বামীজিনা মহাক মহাক্কী মচানুপা অমগুম লোয়নখি। মীয়ামগী য়াইফনবা থবক তৌবদা মহাক মতম পুম্নমক্ত শ্বামীজিগী থৌজালশিং ফংখি।

সংস্কৃত শ্লোগ ‘সেবা পরাম ধর্ম’(মীয়ামগী থবক তৌবনা খ্বাইদগী অথোইবা ধর্মনি) থিরদুনা, প্রধান মন্ত্রীনা হায়খি মসি ৱাহৈশিং খক নত্তে, ঐখোয়গী চৎনবীদা, মীয়ামগী থবক তৌবা অসি অথোইবা ধর্মনি হায়না খন্নৈ, চঙজবা, থাজবা অমসুং নিংবদগী মীয়ামগী থবক তৌবনা হেন্না ৱাংবা মফম অমা পীরে। সরকারগী থবক অসি মীয়ামগী থবক তৌবগা মান্নৈ। মসিগী থবক অসি মশাগী খন্দবা অমসুং মসিনা কনাগুম্বা অমগী অধ্যাতিক্কী খোঙচৎকী মাইকৈ তাক্লি অমসুং মসি মতমগী মতুংন্না মপাঙ্গল কনখৎলকই। মীয়ামগী থবক অসি থৌমী লাখ কয়াগা লোয়ননা লুপ অমগী মওংদা থবক তৌরকপদা অঙকপা ফলশিং ফংবা ঙম্মী।

প্রধান মন্ত্রীনা হায়খি লুপ অমগী অসিগুম্বা থবক অসিনা খুন্নাইগী অমসুং লৈবাক্কী অচৌবা খুদোংচাদবশিং অমসুং ফত্তবশিং কোকহনবা ঙম্মী। পান্দম অমগীদমক থৌমী লাখ কয়া পুনবা মতমদা, মসিনা লৈবাক্কী অমসুং খুন্নাইগী অচৌবা মপাঙ্গল অমা ওইরক্কনি। ঙসি লৈবাক অসিনা বিকসিত ভারত অমগী পান্দমগা লোয়না মাঙলোমদা চঙশিনবা মতমদা, মশা মরোমদোম মীয়াম পুন্না থোক্লক্কনি অমসুং হিরম খুদিংমক্ত অচৌবা থবক খর পাংথোক্নবগী থৌনা লাক্কনি। শ্বাছ ভারত অভিয়ান, মহৌশাগী ওইবা লৌউ, মহৌশাগী অকোয়বগী মতাংদা ৱাখল তাহনবা, নুপীমচাশিং লাইরিক তমহনবা, ত্রাইবেলশিংগী য়াইফনবা থবকশিংদা লৈবাক অসিগী মীয়াম থোক্লকখি অমসুং লৈবাক শেমগৎনবগী খোঙচত্তা মাংজিল থাখি।

কার্য়করশিংনা ৱারেপ অমা লৌগদবনি অমসুং কৎথোকপগা লোয়ননা থবক তৌগদবনি। মহৌশাগী ওইবা লৌউ, খেন্নবশিংগী মরক্ত অপুনবগী শক্তম, নহারোলশিং দ্রগ লান্না শীজিন্নবা থেংননবা, তুরেলশিং অমুক হিঙ্গৎহন্নবা নত্ত্রগা মালেমগী তুংলমচৎ কন্নবা তুংকোইনা চৎনবা য়াবা পুন্সি মহিংশিংগী মতাংদা থবক তৌগদবনি। ভারতকী মিসন লাইফনা মালেম শীনবা থুংবদা পীরিবা পান্দম, মসিগী অচুম্বা, মসিগী কান্নবা অসি ঐখোয় খক্তনা থবক ওইনা উৎকদবনি। এক পের মা কে নাম, ফিত ইন্দিয়া, ভোকেল ফোর লোকেল, মিল্লেতশিংগী মতাংদা কেম্পেনশিং মখোয়না থৱায় য়াওনা শৌগৎকদবনি। জনুৱারি ২০২৫ দা পাংথোক্কদৌরিবা ‘বিকসিত ভারত য়ং লিদরস দাইলোগ’ মনুংদা চাউখৎলবা ভারত অমগী পান্দম ফংনবা ভারতকী নহারোলশিংনা মখোয়গী অনৌবা ৱাখলশিং পুথোক্কদবনি অমসুং মতেং পাংনবা থৌরাং তৌগদবনি। নহা ওইরিবা থৌমীশিং থৌরম অসিদা শরুক য়াগদবনি।

প্রধান মন্ত্রীনা হায়খি প্রামুখ শ্বামী মহারাজনা ভারতকী ইমুংগী চৎনবীদা অকনবা মীৎয়েং থমখি। ‘ঘর সভা’ গী খুৎথাংদা খুন্নাইদা অপুনবা ইমুংগী ৱাখল্লোন মহাক্না মপাঙ্গল কনখৎহনখি। থৌমীশিংনা হায়রিবা কেম্পেনশিং অসি মাঙলোমদা পুখৎকদবনি। ২০৪৭ ফাওবগী মনুংদা চাউখৎনবা পান্দম ফংনবা ঙসি ভারতনা থবক পায়খৎলি। মথং চহি ২৫ গীদমক লৈবাক অসি খোঙচৎ য়াম্না মরুওইবা অমনি অমসুং মসিগীদম বাপসকী থৌমীশিংনা থবক পাংথোক্কদবনি। ভগবান শ্বামী নারায়নগী থৌজালশিংগা লোয়ননা, বাপসকী থৌমীশিংগী থবক অপনবা লৈতবা খোঙথাংদা মখা তানা মাঙলোমদা চঙশিনগদবনি।

Addressing the Karyakar Suvarna Mahotsav being held in Ahmedabad. https://t.co/RDEcw84NRi

— Narendra Modi (@narendramodi) December 7, 2024

****