تعارف

2011 کی مردم شماری کے مطابق، بھارت میں مجموعی طور پر 2.68 کروڑ افراد کو معذوری کا شکار قرار دیا گیا، جن میں سے 19 فیصد افراد سماعت سے محروم ہیں ۔  2023 میں، عالمی ادارہ صحت (ڈبلیو ایچ او) کا اندازہ ہے کہ بھارت میں تقریباً 6.3 کروڑ افراد اہم سماعتی معذوری کا سامنا کر رہے ہیں ۔

سماعت سے محروم شہریوں کی ضروریات کو پورا کرنے کے لیے حکومتی اقدام 6 دسمبر 2024 کو، حکومتِ ہند نے ڈی ٹی ایچ پر چینل 31 کا آغاز کیا، جو سماعت سے محروم طلبہ، خصوصی اساتذہ، مترجمین اور متعلقہ تنظیموں کے لیے بھارتی اشاروں کی زبان (آئی ایس ایل) کی تربیت کے لیے پوری طرح وقف ہے ۔  اس چینل کا افتتاح وزیرِ تعلیم جناب دھرمیندر پردھان اور ہنرمندی کے فروغ اور تعلیم کے وزیر مملکت جناب جینت چودھری نے کیا ۔  یہ اقدام قومی تعلیمی پالیسی (این ای پی) 2020 کے مطابق ہے، جو بھارت بھر میں اشاروں کی زبان  (آئی ایس ایل) کو فروغ دینے اور معیاری بنانے کی حمایت کرتا ہے، تاکہ تعلیمی ماحول کو زیادہ جامع بنایا جا سکے ۔   (این ای پی) 2020 مقامی اشاروں کی زبانوں کے احترام اور ان کے انضمام پر بھی زور دیتا ہے ۔

بھارتی اشاروں کی زبان (آئی ایس ایل ) کو تعلیمی نظام میں شامل کرنا

بھارتی اشاروں کی زبان (آئی ایس ایل ) ایک مکمل اور منظم زبان ہے جو سماعت سے محروم افراد کے لیے بنیادی ذریعہ اظہار ہے ۔  2020 میں، انڈین سائن لینگویج ریسرچ اینڈ ٹریننگ سینٹر (آئی ایس ایل) آر ٹی سی نے نیشنل کونسل آف ایجوکیشنل ریسرچ اینڈ ٹریننگ (این سی ای آر ٹی) کے ساتھ ایک معاہدہ کیا، جس کا مقصد پہلی جماعت تا بارہویں جماعت کے نصابی کتابوں اور دیگر تدریسی مواد کو آئی ایس ایل  میں ترجمہ کرنا ہے ۔  یہ عمل 2026 تک مکمل ہونے کی توقع ہے ۔  طلبہ اور اساتذہ کے لیے آن ایئر ٹیلی ویژن ٹریننگ ماڈیولز کے ساتھ، حکومت آئی ایس ایل  کو بھارتی تعلیمی نظام میں شامل کرنے کے لیے کام کر رہی ہے، تاکہ جامعیت کو فروغ دیا جا سکے ۔

پی ایم ای-ودیا: ایک جامع ڈیجیٹل تعلیمی اقدام

پی ایم ای-ودیا کو وزارتِ تعلیم کی جانب سے 17 مئی 2020 کو آتم نربھر بھارت ابھیان کے تحت شروع کیا گیا تھا ۔  اس اقدام کا مقصد ڈیجیٹل، آن لائن اور آن ایئر پلیٹ فارمز کے ذریعے تعلیم تک رسائی فراہم کرنا ہے تاکہ خاص طور پر کووڈ-19 وبا کے دوران تعلیمی نقصان کو کم کیا جا سکے ۔  یہ قومی تعلیمی پالیسی  (این ای پی) 2020 کے وژن کی حمایت کرتا ہے، جو ملک بھر میں مساوی اور معیاری تعلیم کو یقینی بنانے پر زور دیتا ہے ۔  یہ پروگرام ٹیکنالوجی کو استعمال کرتے ہوئے تمام طلبہ، بشمول دیہی اور دور دراز علاقوں میں مقیم طلبہ، کو معیاری تعلیمی وسائل، کورسز اور مکالماتی مواد فراہم کرتا ہے ۔

پی ایم ای-ودیا کے اہم اجزاء:

 

پی ایم ای-ودیا کا مقصد ڈیجیٹل تقسیم کو ختم کرنا اور ملک بھر کے تمام طلبہ کے لیے جامع اور معیاری تعلیم کو یقینی بنانا ہے ۔  اس کے مختلف اجزاء طلبہ اور اساتذہ دونوں کو ڈیجیٹل لرننگ ماحول میں ڈھلنے کے لیے ضروری آلات فراہم کرتے ہیں ۔

پی ایم ای-ودیا کو یونیسکو کی جانب سے تسلیم کیا گیا

پی ایم ای-ودیا، جو وزارت تعلیم کے محکمہ برائے اسکولی تعلیم کے تحت آئی سی ٹی کا استعمال کرتے ہوئے ایک اقدام ہے، کو 2022 میں یونیسکو کی جانب سے کووڈ-19 کی وبا کے دوران اس کے اثرات کے حوالے سے تسلیم کیا گیا ۔  قومی کونسل پرائے تعلیمی تحقیق و ترقی (این سی ای آر ٹی) کا حصہ، سینٹرل انسٹی ٹیوٹ آف ایجوکیشنل ٹیکنالوجی (سی آئی ای ٹی) کو 2021 کے لیے یونیسکو کنگ حمد بن عیسیٰ آل خلیفہ پرائز فار دی یوز آف آئی سی ٹی ان ایجوکیشن سے نوازا گیا ۔  یہ معزز ایوارڈ تعلیمی مواقع کو بڑھانے کے لیے جدید ٹیکنالوجی کے استعمال کو تسلیم کرتا ہے، جو کہ 2030 کے پائیدار ترقی کے ایجنڈے کے ساتھ ہم آہنگ ہے، خاص طور پر تعلیم کے متعلق مقصد 4 کے تحت ۔

نتیجہ

آخرکار، پی ایم ای-ودیا ڈی ٹی ایچ چینل 31 کا آغاز، جو بھارتی اشارتی زبان (آئی ایس ایل ) کے لیے وقف ہے، بھارت میں سماعت سے محروم طلبہ کے لیے ایک جامع اور قابل رسائی تعلیمی نظام کی طرف ایک اہم قدم ہے ۔  اس کی وسیع رسائی اور پی ایم ای-ودیا کے فریم ورک میں انضمام کے ساتھ، آئی ایس ایل  ڈی ٹی ایچ چینل ایک زیادہ منصفانہ تعلیمی ماحول پیدا کرنے کی صلاحیت رکھتا ہے، جہاں ہر طالب علم، چاہے ان کی سماعت کی صلاحیتیں کیا ہوں، معیاری تعلیم حاصل کر سکے ۔  بالآخر، یہ اقدام ایک زیادہ جامع مستقبل کی راہ ہموار کرتا ہے، جہاں تعلیم رکاوٹوں کو عبور کرتی ہے اور سب کے لیے مواقع فراہم کرتی ہے ۔

حوالہ جات

https://dsel.education.gov.in/sites/default/files/update/PIB1945057.pdf

https://dsel.education.gov.in/sites/default/files/update/PIB1945057.pdf

https://pib.gov.in/PressReleaseIframePage.aspx?PRID=2080565

https://pib.gov.in/PressReleaseIframePage.aspx?PRID=1982424

https://pib.gov.in/PressReleaseIframePage.aspx?PRID=1835296

https://pmevidya.education.gov.in/index.html

https://sansad.in/getFile/loksabhaquestions/annex/175/AU4460.pdf?source=pqals

https://www.who.int/india/campaigns/world-hearing-day-2023

 

پی ڈی ایف میں دیکھنے کے لیے یہاں کلک کریں ۔

********

ش ح  ۔   م ع   ۔   م ت

U - 3597

(Release ID: 2081678) Visitor Counter : 35