جوابدہی کو بڑھانے اور قومی شاہراہوں کی تعمیر اور دیکھ بھال کے معیار کا جائزہ لینے کے لیے، این ایچ اے آئی  نے قومی شاہراہ کی ترقی اور دیکھ بھال میں مصروف مراعات یافتہ افراد کی کارکردگی کا جائزہ لینے کے لیے ایک جامع درجہ بندی کا نظام متعارف کرایا ہے۔

این ایچ اے آئی کی طرف سے رعایت یافتگان کی درجہ بندی کے لیے ایک تفصیلی طریقہ کار وضع کیا گیا ہے جس کے تحت رعایت یافتگان کا ہر چھ ماہ بعد جائزہ لیا جائے گا اور درجہ بندی این ایچ اے آئی کی ویب سائٹ اور اس کے سوشل میڈیا ہینڈلز پر اپ لوڈ کی جائے گی۔

تشخیص کا طریقہ کار پیومنٹ کنڈیشن انڈیکس (پی سی آئی) کے ساتھ ساتھ این ایچ اے آئی ون ایپ پر ڈیفیکٹ رییکٹیفکیشن کمپلائنس پر مبنی ہوگا جہاں 95 سے زیادہ نقائص کو نوٹیفائی کیا جا سکتا ہے اور ڈیجیٹل طور پر ان کی نگرانی بھی درجہ بندی کی تشخیص کا ایک حصہ بنے گی۔ پی سی آئی کو اسی فیصد ویٹیج دیا جائے گا اور این ایچ اے آئی ون ایپ کی تعمیل کو بیس فیصد ویٹیج دیا جائے گا۔

پی سی آئی، آئی آر سی  82:2023 کے رہنما خطوط کے مطابق، 0 سے 100 تک کا ایک سائنسی میٹرک، 'بہترین' سے 'ناکام' تک پیومنٹ کے حالات کی عکاسی کرتا ہے۔ پی سی آئی کا حساب چھ فنکشنل پیرامیٹرز کی بنیاد پر کیا جائے گا جس میں کھردرا پن، گڑھے، کریکنگ، ریولنگ، رٹ ڈیپتھ اور پیچ ورک شامل ہیں۔ پی سی آئی ویلیو کے ڈیٹا کا شمار جدید ترین ٹیکنالوجی جیسے لیزر کریک میجرمنٹ سسٹمز کے ذریعے نیٹ ورک سروے وہیکلز (این ایس وی) کے ذریعے کیا جائے گا اور این ایچ اے آئی کی طرف سے ایک کلی طور پر وقف  ٹیم کی نگرانی میں مرکزی طور پر تعینات ایجنسیوں کے ذریعے سروے اور کارروائی کی جائے گی۔

تشخیص شدہ ‘رعایت یافتگان کی درجہ بندی  کی قدر’ کے مطابق، رعایت یافتگان کو مختلف زمروں میں تقسیم کیا جائے گا۔ 100 میں سے 70 سے کم ریٹنگ حاصل کرنے والے ٹھیکیداروں کو 'نان پرفارمر' قرار دیا جائے گا، اس طرح ان کی ریٹنگ میں بہتری تک نیشنل ہائی وے کے نئے پروجیکٹس کو حاصل کرنے  کے لیے  وہ نااہل ہو جائیں گے۔

مراعات یافتگان کی تشخیص دو سطحوں پر کی جائے گی، پہلا انفرادی پروجیکٹ کی سطح پر اور دوسرا  رعایت یافتہ کی سطح پر۔ پروجیکٹ کی سطح پر درجہ بندی کی قدر کے ساتھ ساتھ مشترکہ رعایت یافتہ  درجہ بندی کی قدر کا ہر 6 ماہ بعد این ایس وی سروے کے ہر دور میں جائزہ لیا جائے گا۔ این ایچ اے آئی ون ایپ پر نقائص کی اصلاح کے تعمیل سے متعلق ڈیٹا بھی درجہ بندی کی قدر کا حساب لگانے کے لیے استعمال کیا جائے گا۔

رعایت یافتہ  کے جائزے کے   لیے ایک شفاف فریم ورک قائم کر کے، این ایچ اے آئی کا مقصد قومی شاہراہوں کی معیاری تعمیر اور انتظام میں نئے معیارات قائم کرنا اور قومی شاہراہ کے استعمال کرنے والوں   کو ایک محفوظ، ہموار، اور رکاوٹ سے پاک  سفر کا تجربہ فراہم کرنا ہے۔

********

ش ح۔ا ک۔ رب

U-3587