Ka Sorkar India ka la pyntreikam ia ki skhim bapher bapher ban kyntiew ia ka jingbei tyngka ha ka thain shatei lammihngi. Ka North East Industrial and Investment Promotion Policy (NEIIPP), 2007 ka dei kaba la pynbna naduh ka 01.04.2007 haduh ka 31.03.2017 da ka jingthmu ban kyntiew ia ka jingseng karkhana ha ka thain shatei lammihngi. Khnang ban pynduna ia ki jingtlot namar ka jaka bad plie lad ia ka jingplie ia ki karkhana ha kane ka thain rilum kaba bun ki jaka kiba jynjar ban poi, ha kaba ai subsidy ia ki karkhana haba ki pynkit ia ki mar jong ki, la wanrah ia ka Freight Subsidy Scheme (FSS) ha u snem 2013 kaba la wan bujli ha ka jaka jong ka Transport Subsidy Scheme, 1971. Ka North East Industrial Development Scheme (NEIDS), 2017 ka dei kaba la wanrah ban peit ia ki kam shna tiar bad ki jingai jingshakri. Hadien kane, ka skhim Industrial Development Scheme, Uttar Poorva Transformative Industrialization Scheme (UNNATI), 2024, kaba thymmai kaba dei ka skhim Sorkar Pdeng, ka dei kaba la sdang ha ka 09.03.2024 na ka bynta ka jingkyntiew ia ki karkhana bad ka jingplie lad ioh kam ha ka thain shatei lammihngi.

Ka Sorkar India ka dang pyntreikam ia ki skhim kyrpang bapher bapher na ka bynta ka roi ka par jong ka thain shatei lammihngi. Katkum ka polisi jong ka Sorkar India, sanphew san tylli ki tnad Sorkar Pdeng ki hap ban pynlut kumno kumno 10% ka Gross Budgetary Support (GBS) jong ki na ka bynta ki kam Sorkar Pdeng bad ki skhim ba bei tyngka da ka Sorkar Pdeng ha ka thain shatei lammihngi na ka bynta ka jingkyntiew ia ka thain. Shuh shuh, ka tnad Development of North Eastern Region ruh ka dang pyntreikam ia ki skhim bapher bapher kum ka North East Special Infrastructure Development Scheme (NESIDS), Prime Minister’s Development Initiative for North East Region (PM-DevINE) bad ki skhim jong ka North Eastern Council, ban kyntiew ia ki lad ka leit ka wan bad ka jingkyntiew ia ki jingdon jingem ha ka thain shatei lammihngi.

Kane ka dei ka jingbatai ba la ai da u Myntri Khynnah ba dei khmih ia ka tnad Development of North Eastern Region Dr. Sukanta Majumdar ha ka jubab ba shu thoh ia ka jingkylli kaba la wanrah ha ka Lok Sabha mynta ka sngi.

*****