وزیراعظم کا دفتر
وزیر اعظم مودی چندی گڑھ میں تین نئے فوجداری قوانین کے کامیاب نفاذ کو ملک کے نام وقف کریں گے
پروگرام کا موضوع: ”محفوظ معاشرہ، ترقی یافتہ ہندوستان - سزا سے انصاف تک“
Posted On:
02 DEC 2024 6:53PM by PIB Delhi
وزیر اعظم نریندر مودی 3 دسمبر 2024 کو چندی گڑھ میں دوپہر 12 بجے تین تبدیلی لانے والے نئے فوجداری قوانین — بھارتیہ نیائے سنہتا، بھارتیہ ناگرک سرکشا سنہتا اور بھارتیہ ساکشیہ ادھینیم کے کامیاب نفاذ کو ملک کے نام وقف کریں گے۔
تینوں قوانین کا تصور وزیراعظم کے اس وژن سے لیا گیا تھا کہ نوآبادیاتی دور کے ان قوانین کو ہٹایا جائے جو آزادی کے بعد بھی موجود تھے، اور سزا سے انصاف کی طرف توجہ مرکوز کرکے عدالتی نظام کو تبدیل کیا جائے۔ اس بات کو ذہن میں رکھتے ہوئے، اس پروگرام کا موضوع ”محفوظ معاشرہ، ترقی یافتہ ہندوستان- سزا سے انصاف تک“ رکھا گیا ہے۔
نئے فوجداری قوانین، جو 1 جولائی 2024 کو ملک بھر میں نافذ کیے گئے تھے، ان کا مقصد ہندوستان کے قانونی نظام کو زیادہ شفاف، مؤثر، اور عصری معاشرے کی ضروریات کے مطابق ڈھالنے کے قابل بنانا ہے۔ یہ تاریخی اصلاحات ہندوستان کے فوجداری انصاف کے نظام کی ایک تاریخی تبدیلی کی نشاندہی کرتی ہیں، جو سائبر کرائم، منظم جرائم اور مختلف جرائم کے متاثرین کے لیے انصاف کو یقینی بنانے جیسے جدید دور کے چیلنجوں سے نمٹنے کے لیے نئے فریم ورک تشکیل دیتی ہیں۔
اس پروگرام میں ان قوانین کے عملی اطلاق کو ظاہر کیا جائے گا، جو یہ ظاہر کرے گا کہ وہ کس طرح پہلے سے ہی فوجداری انصاف کے منظر نامے کو نئی شکل دے رہے ہیں۔ ایک لائیو مظاہرہ بھی کیا جائے گا، جس میں کرائم سین کی تفتیش کی تقلید کی جائے گی جہاں نئے قوانین کو عملی جامہ پہنایا جائے گا۔
*************
ش ح۔ ف ش ع
U: 3313
(Release ID: 2079910)
Visitor Counter : 53
Read this release in:
Odia
,
English
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam