حکومت ایتھنول بلینڈڈ پٹرول (ای بی  پی) پروگرام کے تحت پٹرول میں ایتھنول ملانے کے کام کی حوصلہ افزائی کررہی ہے جہاں سرکاری زمرے کی تیل مارکیٹنگ کمپنیاں (او ایم سی) ایتھنول ملاہوا پٹرول فروخت کرتی ہیں۔ ای بی پی پروگرام کے تحت، ایتھنول سپلائی ایئر(ای ایس وائی)  19-2018 میں پٹرول میں ایتھنول ملانے کی شرح  188.6 کروڑ لیٹر سے بڑھ کر24-2023    میں 700  کروڑ لیٹر سے زیادہ ہو گئی ہے۔جہاں تک فیصد کا تعلق ہے تو پٹرول میں ایتھنول ملانے کی شرح ای ایس وائی 19-2018  کے پانچ فی صد سے بڑھ کر ای ایس وائی 24-2023 میں 14.6 فی صد ہوگئی۔

 2019 کے بعد سے، یہاں پر ملاوٹ والا پٹرول بیچنے والے خردہ  دوکانوں کی تعداد میں مسلسل اضافہ ہوا ہے۔ سال 2019 میں عوامی شعبے کی تیل مارکیٹنگ کمپنیوں نے 43168 خردرہ  دوکانوں سے تیل کی مصنوعات کی فروخت کی، جو سال 2024 میں اور بھی زیادہ ہوگئی ہے۔

ای بی پی پروگرام کے تحت، ای ایس وائی19-2018   سے ای ایس وائی24-2023  تک تخمینی بیرونی کرنسی بچت حسب ذیل ہے:

 

 

ماخذ: پٹرولیم پلاننگ اینڈ اینالیسس سیل(پی پی اے سی)

 

حکومت نے پٹرول میں ایتھنول کی ملاوٹ کو فروغ دینے کے لیے کئی اقدامات کیے ہیں، جن میں ایتھنول کی پیداوار کے لیے فیڈ اسٹاک کی توسیع، ای بی پی پروگرام کے تحت گنے کی بنیاد پر ایتھنول کی خریداری کے لیے انتظامی قیمت کا طریقہ کار، گڑ کے ساتھ  ساتھ اناج سے ایتھنول کے پروڈکشن کے لیے ایتھنول انٹریسٹ سب وینشن اسکیمس (ای آئی ایس ایس) ، ڈیڈیکیٹ ایتھنول پلانٹس (ڈی ای پیز)  وغیرہ کے ساتھ او ایم سیز کے ذریعہ پیداوار اور طویل مدتی آف ٹیک ایگریمنٹس(ایل ٹی او اے)   شامل ہیں۔ پچھلے تین سالوں کے دوران، 30 نومبر 2024 تک، ای بی پی پروگرام کے نتیجے میں کسانوں کو تقریباً 57552 کروڑ روپے کی فوری ادائیگی، 75,000 کروڑ روپے سے زیادہ کے غیر ملکی زرمبادلہ کی تخمینہ بچت، تقریباً 110 لاکھ میٹرک ٹن خام تیل کی تبدیلی اور تقریباً 332 لاکھ میٹرک ٹن  خالص کاربن ڈائی آکسائڈ کمی عمل میں آئی ہے۔

یہ جانکاری پٹرولیم اور قدرتی گیس کی وزارت میں وزیر مملکت جناب سریش گوپی نے آج راجیہ سبھا میں ایک تحریری جواب میں دی۔

 

************

 

 

ش ح۔م م ۔ ج ا

 (U: 3287) 

(Release ID: 2079762) Visitor Counter : 24