বিজনানা ভারতীগী নেস্নেল ওর্গানাইজিং সেক্রেতরী শ্রী শিব কুমার শর্মানা CSIR-NISCAIRগী হান্নগী দিরেক্তর দা. মনোজ কুমার পাতারিয়া অমসুং CSIR-CECRIগী দিরেক্তর দা. কে রামেশ য়াওদুনা সাইন্স এন্দ তেক্নোলোজী অমসুং কম্ম্যুনিকেতর্স কনক্লেব হৌদোকখ্রে। ইন্দিয়া ইন্তর্নেস্নেল সাইন্স ফেস্তিবেল 2024গী থৌরম অমা ওইরিবা S&T মীদিয়া কনক্লেবতা মীথুংলেনশিং অসিনা ইমপ্লোয়মেন্ত ন্যুজ পেরিওদিক অমসুং সাইন্স ইন্দিয়া মেগাজিনগী ইশুশিং ফোংখি। ভারতকী খ্বাইদগী চাউবা সাইন্স ফেস্তিবেল অসি 2024গী নবেম্বর 30দগী দিসেম্বর 3 ফাওবা IIT গুৱাহাতিদা পাংথোক্কনি।

মীদিয়া কনক্লেবকী হৌদোকপগী ৱারোল অসি দেবোব্রত ঘোসনা পীখি অমসুং নুমিৎ 2গী থৌরম অসিগী শমলপ্পা ৱারোল দা. রাজীব সিংহনা পীখি।

CSIR - সেন্ত্রেল ইলেক্ত্রো-কেমিকেল রিসর্চ ইন্সতিত্যুৎকী দিরেক্তর দা. কে. রামেশনা মহাক্কী ৱারোলদা হায়খি মদুদি “IISF অসি লৈবাক অসিগী মীয়ামগা লোয়ননা পাংথোকপা সাইন্স ফেস্তিবেল অমনি। মীদিয়ানা মীয়ামদা রিসর্চ তৌবদা মতেং পাংই। সাইন্তিস্তশিংনা পাংথোকপা রিসর্চশিং অসি রিসর্চ তৌবা মীওইশিংনা অয়াম্বনা খঙই। IISFনা মীদিয়াদা রিসর্চ অসি মীয়ামদা ওইথোকপা য়াবা মওংদা লৌশিন্নবা হায়রি। মসিনা মীয়াম্না রিসর্চ অদু খঙবা ঙমহনগনি। মীদিয়ানা মীয়ামদা রিসর্চ অসি পাউ ফাওনবগী মরুওইবা পাম্বীনি। ঐনা মীদিয়াগী মীপুম খুদিংমক্তা হায়জরি মদুদি মসিগী ৱাফমশিং অসি মীয়ামদা য়ৌহনবীয়ু।

CSIR-NISCAIRগী হান্নগী দিরেক্তর দা. মনোজ কুমার পতাইরিয়ানা হায়খি, "সাইন্সনা ক্যুরিওসিতি, এনালাইসিস, এক্সপরিমেন্তেসন অমসুং ভেরিফিকেসন য়াওরিবা মেথদ অমা ওইনা থবক তৌই। মসি মীদিয়াদসু চপ মান্নৈ, অমসুং মওং অসিদা মীদিয়া অমসুং সাইন্সকী থৌওং অসি মান্নৈ।

বিজনানা ভারতীগী নেস্নেল ওর্গানাইজিং সেক্রেতরী, দোক্তর শ্রী শিবকুমার শর্মানা হায়খি, "সাইন্স অমসুং তেক্নোলোজীগী ৱাখল্লোনশিং খঙবা অমসুং শন্দোক্না তাকপদা য়াম্না চাউবা অৱাৎপা অমা লৈ হায়বা ঐহাক্না খঙলে। মসিগী অৱাৎপা অসি কোকহন্নবগীদমক্তা, ঐখোয়না কমপ্লেক্স ওইবা ৱাখল্লোনশিংবু মীপুম খুদিংমক্না খংবা য়াবা মওংদা পাউ ফাওনহনগদবনি। মসিদা ঐখোয়না করি হায়গদগে অমসুং মসি মতৌ করম্না নীংথিনা পাংথোক্কদগে হায়বদু খনবা মথৌ তাই। সাইন্স অমসুং তেক্নোলোজীবু মীয়ামদা শন্দোক্নবগী পথাপ নাইবা পাম্বৈশিং শেমগৎতুনা অমসুং মীদিয়াগী শক্তি শীজিন্নদুনা ঐখোয়না S&Tগী মতাংদা খঙহনবা অমসুং খঙবা হেনগৎহনবদা চাউনা খুমাং চাউশিনবা ঙমগনি।"

কনক্লেব অসিদা অৱাং-নোংপোক্কী মীদিয়াদা S&T শন্দোকপগী মতাংদা পেনেল দিস্কসন অমা য়াওখি, মসিদা অরুপ মিশ্র, চেয়রমেন, পোলুসন কন্ত্রোল বোর্দ, অসাম, দোক্তর. মিনাকতান সিংহ, দিরেক্তর, মনিপুর S&T কাউন্সিল,  আসাম সাইন্স অমসুং তেক্নোলোজী, এনভাইরনমেন্ত কাউন্সিলগী দিরেক্তর, দা. জয়দীপ বরুয়া অমসুং মিজোরম সাইন্স কাউন্সিলগী সেনিয়র সাইন্তিফিক ওফিসর দাভি অমসুং সাইন্স জর্নেলিস্ত শ্রীমতী গীতালি সাইকিয়াগুম্বা এক্সপর্তশিং য়াওখি।

আহারক্রান্তিগী মতাংদা দা. য়েল্লোজী রাও মিরাজকারনা লেকচর পীখি:

ভারতকী মীৎয়েং অসি চীঞ্জাক পুথোকপা অমসুং শীজিন্নবদা ক্বান্তিতীদগী ক্বালিতীদা হোংদোকপা মথৌ তাই, মসিনা লৈবাক অসিগী মালন্যুত্রিসন অমসুং হকশেলগী ইসুশিং কোকহন্নবগীদমক্তা চান্নবা অমসুং হকচাং ফবা দাইৎ অমা লৈহনগনি। চারাকা আয়ুর্বেদিক দাইতগুম্বা ত্রেদিস্নেল দাইতরী প্রাক্তিসশিং লৌশিনবা অমসুং দাইজেসন অমসুং ন্যুত্রিসনগী মরুওইবশিং খঙবা অসিনা ভারত মচাশিংদা চানবা চীঞ্জাক খনবদা অমসুং হকচাং ফনা হিংবদা মতেং পাংগনি। আন্না অমসুং অহারাগী মরক্তা খেন্নরিবদি, আন্না অসি ঐখোয়না ঐখোয়গী য়াগী খুত্থাংদা চাবনি অমরোমদা অহারা অসি ঐখোয়না ঐখোয়গী সেন্সকী খুত্থাংদা নুংঙাইবা ফংবা অদুনি।

কনক্লেব অসি সাইন্তিস্তশিং, মীদিয়া প্রোফেস্নেলশিং, অমসুং মীয়ামগী মরক্তা ৱারী শানদুনা, মীদিয়াদা S&Tগী কভরেজগী সেসন অমগা লোয়ননা লোইশিনখি। IIMCগী হান্নগী DG, দা. কে.জি. সুরেজ,  শ্রী মনোজ পতাইরিয়া, শ্রী দেকেন্দ্র মেৱারী, দা. কে এন পান্দে, শ্রী পল্লব বাগলা, শ্রী সমীর গাঙ্গুলী, শ্রী মারুফ অলাম অমসুং দা. ভামসি কৃষ্ণনা মীদিয়াগী খুত্থাংদা সাইন্স অমসুং তেক্নোলোজী প্রমোৎ তৌবগী মতাংদা মখোয়গী ৱাখল্লোনশিং ফোংদোকখি।

ঙসি মীদিয়া কনক্লেবকী মনুংদা সাইন্স বেজ ফিচর ফিল্মগী সেসন অমসু শীনখি।

সাইন্স কম্ম্যুনিকেতর অমসুং মহৈরোয় কয়ানা এক্সপর্তশিংগা ৱারী শানখি, মসিনা S&T মীদিয়া কনক্লেবকী পান্দমশিংবু কান্নরবা ৱাহং অমসুং পাউখুমগী মীফম অমা ওইহনখি।

***

(Release ID: 2079675) Visitor Counter : 39