ভারতকী সাইবর সেক্যুরিতীগী লমদা মরু ওইবা থৌরম অমা ওইরিবা ভারত নেস্নেল সাইবর এক্সর্সাইজ (NCX) 2024 অসি মায়পাক্না লোইশিনখ্রে। মসিনা সাইবর রেসিলিয়েন্স, কোলাবোরেসন অমসুং ইন্নোভেসনদা অনৌবা বেঞ্চমার্কশিং শেমখ্রে। ত্রেনিং ফংলবা শরুক য়ারিবা ৬০০ হেনবগা লোয়ননা, মসিগী থৌরাং অসিনা সাইবর সেক্যুরিতী প্রোফেস্নেলশিং, পোলিসী মেকরশিং, দিফেন্স পর্সনেলশিং, একাদেমিয়া অমসুং ইন্দস্ত্রীগী লুচিংবশিংবু ভারতকী সাইবর সেক্যুরিতীগী রেদিনেস অসি মপাঙ্গল কনখৎহন্নবা পুনশিনখি।

থৌরম অদুদা মরুওইবা মাইলস্তোন অনি য়াওখি: NCIIPCগী DGনা নেস্নেল সাইবর সেক্যুরিতী রিফরেন্স ফ্রেমৱার্ক হৌদোকপা অমসুং রাস্ত্রীয় রক্ষা য়ুনিভর্সিতী (RRU)না লমদম অসিদা শেমগৎপা ভারত নেস্নেল সাইবর রেঞ্জ 1.0 হৌদোকপা। খোঙথাংশিং অসিগা লোয়ননা, ভারত CISOশিংগী কনক্লেব অমসুং ভারত সাইবর সেক্যুরিতী স্তার্তঅপ একজিবিসন অসিনা স্ত্রেতেজিক ওইবা খন্ন-নৈনবা অমসুং সাইবর সেক্যুরিতীদা খ্বাইদগী নৌবা ইন্নোভেসনশিং উৎনবা প্লেৎফোর্মশিং ফংহনখি।

লোইশিনবগী থৌরম মনুংদা ইন্তিগ্রেতেদ দিফেন্স স্তাফকী চীফ, লেফতনেন্ত জেনরেল জোন্সন পি. মেথ্যুনা ভারত NCX 2024অসি ভারতকী দিজিতেল ফ্রন্তিয়রশিং ঙাকথোকপদা মরুওইবা খোঙথাং অমনি হায়না ফোংদোকখি। মহাক্না থৌরম অসি মায় পাক্না পাংথোকহনখিবা কোলাবোরেতিব স্পিরিত অদু থাগৎপা ফোংদোকখি অমসুং সাইবর সেক্যুরিতীগী লমদা ইন্নোভেসন অমসুং ফোর্সাইদ লেপ্তনা তৌবগী মরুওইবা অদু পনখি।

রাস্ত্রীয় রক্ষা য়ুনিভর্সিতীগী প্রো ভাইস-চেঞ্চেল্লর প্রোফেসর কালপেস ৱান্দ্রানা নেস্নেল সাইবর সেক্যুরিতীদা একাদেমিয়াগী মরুওইবা থৌদাং অদুগী মতাংদা খন্নখি। মহাক্না ভারত নেস্নেল সাইবর রেঞ্জ 1.0 শেমগৎপদা উৎখিবা ইন্নোভেসন অমসুং কোলাবোরেসন হেনগৎহন্নবা RRUগী অচেৎপা ফিরেপ অদু পনখি।

নেস্নেল সাইবর সেক্যুরিতী কোওর্দিনেতর, লেফতনেন্ত জেনরেল এম.য়ু. নায়রনা ভারত NCX 2024গী ফলশিংগী মপুং ফাবা ওভরভ্যু অমা পীরদুনা লোইশিন ৱারোল পীখি। মহাক্না তমশিনখিবা লৌশিং, হৌদোকখিবা থৌরাংশিংগী স্ত্রেতেজিক ভেল্যু অমসুং নেস্নেল সাইবর প্রিপ্রিয়র্দনেসবু মপাঙ্গল কনখৎহনবদা অসিগুম্বা এক্সর‌সাইজশিংগী থৌদাং অদু পনখি।

নেস্নেল সেক্যুরিতী কাউন্সিল সেক্রেতরিয়েৎকী জোইন্ত সেক্রেতরী (সাইবর) মেজর জেনরেল মঞ্জিৎ সিংহনা থৌরম অদুদা তমখিবা লৌশিং অদুগী অকুপ্পা ৱারোল পীখি। মহাক্না সাইবর রেসিলিয়েন্সকী মপাঙ্গল কনখৎহন্নবা থবক লৌখৎপা য়াবা ৱাখল্লোনশিং পনখি অমসুং অসিগুম্বা তুংলমচৎকী ওইবা খোঙথাংশিংগী খুত্থাংদা মখা তানা কেপাসিতী বিল্দিং তৌবগী মরুওইবা অদু পনখি।

থাগৎপা ফোঙদোকপগী ৱারোলদা রাস্ত্রীয় রক্ষা য়ুনিভর্সিতীগী কর্নেল নিধিশ ভাৎনগরনা অসিগুম্বা কান্নরবা খোঙথাং লৌখৎপা অমসুং থৌরাং লৌখৎপগীদমক নেস্নেল সেক্যুরিতী কাউন্সিল সেক্রেতরিয়েৎতা থাগৎপা ফোঙদোকখি। ভারত NCX 2024 অসি মপুং ফানা পাংথোকপা অমসুং মায়পাকহনবদা হোৎনরিবা অমসুং থৌদাং লৌরিবা রাস্ত্রীয় রক্ষা য়ুনিভর্সিতী, মরুওইনা ফেকল্তী, স্তাফ অমসুং মহৈরোইশিংদা মহাক্না থাগৎপা ফোংদোকখি।

ভারত NCX 2024গী মায় পাকপা, শরুক য়ারিবা 600 হেনবগী ত্রেনিং ফংহনবা, ভারত CISOশিংগী কনক্লেব, ভারত সাইবর সেক্যুরিতী স্তার্ত-অপ একজিবিসন, অমসুং নেস্নেল সাইবর সেক্যুরিতী রেফরেন্স ফ্রেমৱার্ক অমসুং ভারত নেস্নেল সাইবর রেঞ্জ 1.0গুম্বা মরুওইবা ইনিসিয়েতিবশিং হৌদোকপা অসিনা ভারতকী সাইবর সেক্যুরিতীগী খোঙচৎতা ত্রান্সফোর্মেতিব ইভেন্ত অমা ওইনা মাগী মফম অসি মপাঙ্গল কনখৎহল্লে।

ভারত NCX 2024 লোইশিল্লকপগা লোয়ননা, থৌরম অসিনা তেংবাং পীনবা, অনৌবা পুথোকপা অমসুং নেস্নেল প্রিপিয়র্দনেস মপাঙ্গল কনখৎহন্দুনা লিগেসী অমা থমলমখি। মসিনা শাফবা অমসুং মরোমদোম লেপচবা ঙম্বা দিজিতেল ইন্দিয়াগী লম্বী য়াৎলি।

***