حکومت ہند اور ایشیائی ترقیاتی بینک  نے آج باغبانی کی فصل کے کسانوں کی تصدیق شدہ بیماریوں سے پاک پودے لگانے کے مواد تک رسائی کو بہتر بنانے کے لیے 98 ملین ڈالرکے قرض پر دستخط کیے، جس سے ان کی فصلوں کی پیداوار، معیار اور موسمیاتی اثرات سے نمٹنے كی صلاحیت میں اضافہ ہوگا۔

بلڈنگ انڈیا کے کلین پلانٹ پروگرام کے لیے قرض کے معاہدے پر دستخط کنندگان میں محترمہ جوہی مکھرجی، جوائنٹ سکریٹری، محکمہ اقتصادی امور، وزارت خزانہ، اور ایشیائی ترقیاتی بینک کے لیے بینك  کے انڈیا ریذیڈنٹ مشن کے انچارج کائی وی ییو  شامل تھے۔

معاہدے پر دستخط کرنے کے بعد محترمہ مکھرجی نے کہا کہ بینك کی فنڈنگ ​​پودوں کی صحت کو فروغ دے گی جو کسانوں کی پیداواری صلاحیت کو بہتر بنانے کے لیے ضروری ہے۔

مسٹر ییو نے کہا كہ"یہ پروجیکٹ حکومت ہند کے آتم نربھر کلین پلانٹ پروگرام  کی حمایت کرتا ہے جو پودوں کی صحت کے نظم کو بڑھاتا ہے۔اس سے ہندوستان میں باغبانی کے لیے سی پی پی کو مؤثر طریقے سے نافذ کرنے کے لیے ریگولیٹری فریم ورک اور ادارہ جاتی نظام تیار کرنے میں مدد ملے گی۔ اس منصوبے میں نجی نرسریوں، محققین، ریاستی حکومتوں اور کاشتکاروں کی انجمنوں کے ساتھ قریبی مشاورت شامل ہوگی تاکہ اس کی کامیابی اور پائیداری کو یقینی بنایا جا سکے" ۔

پروجیکٹ کے ذریعے فروغ پانے والے پلانٹ ہیلتھ مینجمنٹ سے کسانوں کو موسمیاتی تبدیلیوں کے مطابق ڈھالنے میں بھی مدد ملے گی، کیونکہ بڑھتا ہوا درجہ حرارت نہ صرف انتہائی موسمی واقعات کا باعث بنتا ہے بلکہ کیڑوں اور بیماریوں کے رویے کو بھی متاثر کرتا ہے۔

یہ مقصد  بیماری سے پاک فاؤنڈیشن میٹریل کو برقرار رکھنے کے لیے مخصوص پلانٹ مراکز کے قیام کے ذریعے حاصل کیا جائے گا۔ ان مراکز میں جدید ترین تشخیصی جانچ کے طریقوں سے لیس لیبارٹریز ہوں گی اور ان میں ایسے ماہرین شامل ہوں گے جو کلین پلانٹ سنٹر آپریٹنگ طریقہ کار اور تشخیصی جانچ کے پروٹوکول میں تربیت یافتہ ہوں گے۔

یہ پروجیکٹ کلین پلانٹ سرٹیفیکیشن سکیم، پرائیویٹ نرسریوں کی منظوری اور ان کے پودے لگانے کے مواد کی جانچ اور تصدیق کرے گا۔ اسے نیشنل ہارٹیکلچر بورڈ اور انڈین کونسل آف ایگریکلچرل ریسرچ کے ذریعے زراعت اور کسانوں کی بہبود کی وزارت كی طرف سے  نافذ كیا جائے گا۔

*****

U.No:3225

ش ح۔ع س۔س ا

(Release ID: 2079233) Visitor Counter : 32