بیرون ملک پریشانیوں کا سامنا کرنے والی ہندوستانی خواتین کے لیے 9 ون اسٹاپ سینٹرز (او ایس سیز) کے لیے وزارت خارجہ کی تجاویز کو خواتین اور بچوں کی ترقی کی وزارت کی بااختیار کمیٹی نے منظوری دے دی ہے۔ ان میں بحرین، کویت، عمان، قطر، متحدہ عرب امارات، سعودی عرب (جدہ اور ریاض) میں شیلٹر ہومز کی فراہمی کے ساتھ 7 او ایس سیز اور ٹورنٹو اور سنگاپور میں شیلٹر ہومز کے بغیر 2 او ایس سیز شامل ہیں۔ وزارت خارجہ نے اب مذکورہ 9 سفارت خانوں  کے لیے بجٹ لائن کھول دی ہے۔

انڈین کمیونٹی ویلفیئر فنڈ (آئی سی ڈبلیو ایف) بیرون ملک تمام ہندوستانی سفارت خانوں اور قونصل خانوں میں قائم کیا گیا ہے تاکہ ان کے ذریعہ بیرون ملک مقیم ہندوستانی شہریوں کے لئےجائے وقوع  پر مختلف فلاحی سرگرمیاں انجام دینے کے لئے کئے جانے والے ہنگامی اخراجات کو پورا کیا جاسکے۔ آئی سی ڈبلیو ایف کے رہنما خطوط پر مکمل طور پر نظر ثانی کی گئی ہے۔ یکم ستمبر 2017 نظرثانی شدہ رہنما خطوط نے پریشان حال ہندوستانی شہریوں بالخصوص خواتین کے فائدے کے لیے جائے وقوع  پر فلاحی سرگرمیوں کے دائرہ کار کو کافی حد تک بڑھا دیا ہے جنہیں فنڈ کے ذریعے بڑھایا جا سکتا ہے۔ رہنما خطوط میں تین اہم شعبوں کا احاطہ کیا گیا ہے یعنی مصیبت کے حالات میں بیرون ملک مقیم ہندوستانی شہریوں کی مدد کرنا (بورڈنگ اور لاجنگ، ہوائی گزرگاہ، قانونی مدد، ہنگامی طبی نگہداشت، جسد خاکی کا نقل و حمل)، کمیونٹی ویلفیئر کی سرگرمیاں اور قونصلر خدمات میں بہتری۔ اب ان میں بڑے پیمانے پر غیر مقیم ہندوستانیوں کی کثیر آبادی والے ممالک میں قانونی پینل قائم کرنے، قیدیوں کی رہائی کے لیے چھوٹے جرائم کے لیے جرمانے/جرمانے کی ادائیگی اور پریشان حال ہندوستانی خواتین کو بیرون ملک امداد کی دفعات بھی شامل ہیں۔ آئی سی ڈبلیو ایف کے تحت مدد ان ضرورت مند ہندوستانی خواتین کو بھی فراہم کی جاتی ہے جو مصیبت میں ہیں جنہیں ان کے بیرون ملک مقیم ہندوستانی/غیر ملکی شوہروں نےچھوڑ رکھا ہے ، انہیں  مشاورتی اور قانونی مدد فراہم کی جاتی ہے ۔

یہ معلومات خواتین اور بچوں کی ترقی کی وزیر مملکت محترمہ ساوتری ٹھاکر نے آج لوک سبھا میں ایک سوال کے جواب میں دیں۔

****

(ش ح۔ع و۔ش ت)

U:3204