கோவாவில் நடைபெற்ற சர்வதேச திரைப்பட விழாவில்  மராத்தி திரைப்படமான 'கரத் கணபதி'  திரைப்படத்திற்காக நவ்ஜோத் பந்திவடேகர் இந்திய திரைப்படத்தின் சிறந்த அறிமுக இயக்குனருக்கான விருதை வென்றுள்ளார். இந்த விருது அவரின் திரையுலகப் பயணத்திற்கு உத்வேகமளிப்பதாக உள்ளது.

இந்திய சினிமாவின் பரிணாம வளர்ச்சியில் மத்திய தகவல் ஒலிபரப்பு அமைச்சகத்தின் கீழ் இயங்கும் தேசிய திரைப்பட வளர்ச்சிக் கழகம், இந்திய திரைப்பட தயாரிப்பாளர்களின் பங்களிப்பை அங்கீகரிக்கும் வகையில், இந்திய திரைப்பட விழாவின் இந்த பதிப்பில் சிறந்த கதைப்பட அறிமுக இயக்குனருக்கான விருது என்பது புதிதாக ஏற்படுத்தப்பட்டுள்ளது.

சர்வதேச திரைப்பட விழாவின் நிறைவுநாள் நிகழ்ச்சியில், நவ்ஜோத் பந்திவடேகருக்கு 5 லட்சம் ரூபாய்  ரொக்கப் பரிசும், சான்றிதழும் வழங்கப்பட்டது.

ஒரு இயக்குனராக தனது திறமையை வெளிப்படுத்தி, பாரம்பரியத்திற்கும் நவீன உணர்வுகளுக்கும் பாலமாக உருவாக்கப்பட்டுள்ள இந்த கதையை திரைப்படமாக எடுத்ததற்கு நடுவர் குழு அவருக்குப் பாராட்டு தெரிவித்துள்ளது. "குடும்ப உறவுகளின் சிக்கல்களை நேர்த்தியாகவும், வாழ்க்கையின் நுணுக்கங்களை வெளிக்கொணரும் வகையிலும் இந்த திரைப்படம் எடுக்கப்பட்டுள்ளதாக நடுவர் குழு தனது பாராட்டுதலில் தெரிவித்துள்ளது.

***

(Release ID: 2078681)
TS/SV/RR/KR