#IFFIWood, 27 नोव्‍हेंबर 2024

संगीतकार ए. आर. रहमानाक नागालँडांत वर्सुकी हॉर्नबिल सर्तींत सोयरो म्हणून वांटो घेवपाक आपयलो आनी थंयच्यान ताणें डॉक्युमेंटरी फिल्म निर्मातो म्हणून आपलो प्रवास सुरू केलो. 

ताचो परिणाम म्हळ्यार "हेडहंटिंग टू बीट बॉक्सिंग" हो डॉक्युमेंटरी! ह्या डॉक्युमेंटरींत ईशान्येक आशिल्ल्या नागालँड राज्यांतल्या नागा जमातीच्या संगीत प्रवासाची म्हायती दिल्या. एकदां हिंसाचार आनी रगत व्हांवपांत बुडून गेल्लो नागालँड संगीताच्या उपचारात्मक शक्तींतल्यान कसो उबो जालो, संगीत प्रबोधनांतल्यान परतून उदयाक आयलो तें ह्या डॉक्युमेंटरींत सांगलां. गोंयांत जाल्ल्या 55व्या भारतीय आंतरराष्ट्रीय चित्रपट महोत्सवांत ह्या डॉक्युमेंटरीचो प्रीमियर जालो.

“नागा लोक अत्यंत संगीतमय आसतात. ह्या राज्यांत संगीत आनी कला मंत्री लेगीत आसा गोंयांत.  इफ्फी २०२४ च्या फांटभुयेर  कला अकादेमी हांगा “लता मंगेशकर मेमोरीयल टॉक” :भारतांतली  संगीत रंगमाची ह्या इन कॉन्व्हर्सेशन सत्रांत ए.आर. रहमान उलयताले . 

“अस्तंती संवसार आपल्या संगीत रंगमाचये वरवीं व्हड प्रमाणांत पर्यटकांक आकर्शीत करता. हाचे खातीर जाय आशिल्ली सगळी कला क्षमताय आमचे कडेन आसा. पूण आमी मुळावी बांदावळ बांदपाची गरज आसा. तशेंच पर्यटकांक आकर्शीत करपा खातीर आनी हेर देशांतल्यान अर्थीक पालव मेळोवपा खातीर  तें चडांत चड आकर्शक करपाची गरज आसा” अशें रहमान  हांणी सांगलें.

वाडत वचपी शारीकरण आनी अरुंद सुवातेक लागून घरां चड करून बंदखणीं सारकीं दिसतात. हे फाटभुंयेर आमी लोकांक सकारात्मकताये खातीर एक भावपूर्ण कला अणभव दिवपाची गरज आसा. देशांतल्या जायत्या वाठारांनी संगीत रंगमाचयेचें गिरेस्त दायज आशिल्ल्यान तें एकवटीत करपी घटकूय जावंक शकता. संगीत आनी तंत्रगिन्यान हांचो मेळ घालून संगीत रंगमाचयेचो नवो आविश्कार करपाची गरज आसा, जाका लागून संगीत रंगमाचये खातीर अस्तंत देशांक भेट दिवपी पर्यटकांक आकर्शण जातले  अशें तांणी मत मांडलें.

आपल्या प्रेरणेविशींउलयतना रहमानान म्हणलें, लताजी ही परिपूर्णतायेची मूर्त रूप. मायकल जॅक्सन सारकिल्या कलाकारां वांगडा ती म्हजे खातीर एक प्रेरणा स्त्रोत”.

ए.आर.रहमान हालींच संयुक्त अरब अमीरातांतल्या आपल्या कार्यावळी विशीं उमेदीन उलयलें. थंयच्या प्रेक्षकां मुखार ताणें भारतीय संगीत प्रस्तुत केले. 
सत्रांत हाजीर आशिल्ल्या लोकांच्या संगीत रचनाच्या सर्वव्यापी मार्गदर्शक तत्वां विशीं प्रस्नांक जाप दितना रहमानान "मूळ कल्पना खूब काळ तिगून उरतात" असो सल्लो दिलो.

संगीत मळार आर्टिफिशियल इंटेलिजन्स (एआय) च्या परिणामा विशीं उलयतना रहमान हांणी सांगलें की, एआयचो वापर बरे आनी अर्थपूर्ण डब तयार करून लोकांक सशक्त करपा खातीर करचो. पूण हाचो लोकांच्या रोजगाराचेर परिणाम जावचो न्हय हाची जतनाय घेवपाक जाय अशें तांणी सांगलें.

क्लाउड- आदारीत संगीताचेरय रहमानान आपली भुमिका सादर केली. सगळें क्लाउड- आदारीत संगीत गेलें जाल्यार, एनालॉग प्रतीय आसपाक जाय अशें तांणी सांगलें."जेन्ना आमचे कडेन एका कलाकाराच्या संगीताची भौतिक प्रत आसता तेन्ना आमी ताका आमचो आदर दाखयतात" अशें रहमानाचें मत आसा.

ह्या अधिवेशनाचें संचालन नामनेचो पत्रकार श्री नमन रामचंद्रन हांणी केलें.

* * *

PIB IFFI CAST AND CREW | Subhash/Utkarsha/Darshana | IFFI 55