حکومت ہند نے اکتوبر 2017 میں پردھان منتری سہج بجلی ہر گھر یوجنا (سوبھاگیہ) کا آغاز کیا تھا، جس کا مقصد ملک کے دیہی علاقوں میں تمام خواہشمند غیر برقی گھرانوں اور شہری علاقوں میں تمام خواہشمند غریب گھرانوں کو بجلی کے کنکشن فراہم کرنے کے لیے یونیورسل گھریلو بجلی کاری حاصل کرنا ہے۔

جیسا کہ ریاستوں کی طرف سے اطلاع دی گئی ہے، سوبھاگیہ کے آغاز سے لے کر31 مارچ  2022  تک تقریباً 2.86 کروڑ گھرانوں کو بجلی فراہم کی گئی ہے۔ ریاست مہاراشٹر کے لیے کل 5,89,242 گھرانوں کو بجلی فراہم کی گئی، جن میں دیہی اور شہری علاقوں میں گرڈ کے ذریعے بالترتیب 5,42,914 اور 15,790 گھرانوں کی تعداد اور دیہی علاقوں میں 30,538 گھرانوں کو آف گرڈ موڈ کے ذریعے بجلی فراہم  کرانے کی تعداد  شامل  ہے۔ سوبھاگیہ کے تحت تمام منظور شدہ کام مکمل ہو چکے ہیں اور یہ اسکیم 31 مارچ  2022 تک بند ہے۔ مزید برآں، ری ویمپڈ ڈسٹری بیوشن سیکٹر اسکیم (آر ڈی ایس ایس) کے تحت،پی ایم- جن من (پردھان منتری جنجاتی آدیواسی نیائےمہا ابھیان) اور ڈی اے – جے جی یو اے  (دھرتی آبا جنجاتیہ گرام  اُترکش ابھیان) کے تحت ریاست مہاراشٹر کے لیے 9036 گھرانوں کے لیے برق کاری کے کاموں کو منظوری دی گئی ہے۔

آر ڈی ایس ایس کو حکومت ہند نے جولائی 2021 میں شروع کیا تھا۔ اس اسکیم کا بنیادی مقصد تقسیم کی افادیت یعنی ڈسکومز / پاور دپارٹمنٹس  (پی ڈیز)  کی مدد کرنا ہے، تاکہ تقسیم کے شعبے کی آپریشنل افادیت اور مالی  استحکام کو بہتر کیا جا سکے  اور معیاری  اور قابل بھروسہ بجلی کی فراہم کی جا سکے۔  اس اسکیم میں پورے ہندوستانی سطح پر مجموعی تکنیکی اور تجارتی (اے ٹی اینڈ سی) کے نقصانات کو 12-15فیصد  تک اور سپلائی کی اوسط لاگت اور حاصل شدہ اوسط آمدنی (اے سی ایس – اے آر آر گیپ) کے درمیان فرق کو 2024-25 تک صفر تک کم کرنے کا تصور کیا گیا ہے۔

آر ڈی ایس ایس کا کل تخمینہ جاتی اخراجات 3,03,758 کروڑ روپے ہے، جس میں 97,631 کروڑ  روپے  کا  مجموعی بجٹ سپورٹ (جی بی ایس) بھی شامل ہے۔ اس اسکیم کی مدت 5 سال ہے  (یعنی مالی سال 2021-22 سے مالی سال 2025-26 تک)۔  30 ریاستوں/ مرکز کے زیر انتظام علاقوں میں 48 ڈسکام نے آر ڈی ایس ایس کے تحت حصہ لیا ہے۔

ایک افادیت کے لیے اے ٹی اینڈ سی نقصانات اور  اے سی ایس – اے آر آر گیپ اس کی کارکردگی کے اہم مالیاتی اور آپریشنل اشارے ہیں۔ نقصانات براہ راست نقدی کے بہاؤ  اور ان کی مالی حالت کو متاثر کرتے ہیں،اس طرح وہ صارفین کو مہنگی بجلی فراہم کرنے پر مجبور کرتے ہیں۔ اے ٹی اینڈ سی کے نقصانات اور اے سی ایس – اے آر آر گیپ میں کمی ان یوٹیلٹیز کے مالی معاملات کو بہتر بناتی ہے، جس سے وہ انہیں  نظام کو بہتر طریقے سے برقرار رکھنے اور ضروریات کے مطابق بجلی خریدنے کے قابل بنائے گی اور صارفین کو فائدہ پہنچائے گی۔

ان نقصانات کو پورا کرنے کے لیے، اس اسکیم کے تحت لازمی پری کوالیفائنگ معیار مقرر کیے گئے ہیں، جس میں آڈٹ شدہ سالانہ اکاؤنٹس اور سہ ماہی اکاؤنٹس کی بروقت اشاعت، ریاستوں / مرکز کے زیر انتظام علاقوں کے ذریعہ سبسڈی اور سرکاری محکمے کے واجبات کا بروقت اجرا، ریگولیٹری اثاثوں کی کوئی نئی تخلیق، پہلے سے سرکاری اداروں میں میٹرنگ کی ادائیگی، جنکو کے واجبات کی بروقت ادائیگی اور ٹیرف کی بروقت اشاعت اور آرڈرز درست کرنا شامل ہیں۔  رزلٹ ایویلیویشن میٹرکس کے تحت بیان کردہ پیرامیٹرز کے خلاف یوٹیلیٹی کی کارکردگی کی بنیاد پر، جس میں بڑے مالیاتی اور آپریشنل پیرامیٹرز کے خلاف کامیابی شامل ہے، ان کا جائزہ لیا جاتا ہے۔ اس طرح، امداد کو کارکردگی سے جوڑ دیا گیا ہے۔

اس کے علاوہ ، 2.77 لاکھ کروڑ روپے کے منصوبے نقصان میں کمی اور اسمارٹ میٹرنگ کے کاموں کے لیے آر ڈی ایس ایس کے تحت منظور کئے گئے  ہیں (ریاست وار تفصیلات ضمیمہ میں دی گئی ہیں)۔  منظور شدہ بنیادی ڈھانچے کے کام نفاذ کے مختلف مراحل میں ہیں اور آج تک 17 فیصد کی فزیکل پیش رفت حاصل کی گئی ہے۔

مجوزہ کاموں کے لیے ڈی پی آرز یوٹیلیٹیز کے ذریعے پیش کیے جاتے ہیں، ان کو درپیش مخصوص مسائل کو مدنظر رکھتے ہوئے، ریاستی کابینہ کی منظوری کے ساتھ تقسیم اصلاحات کمیٹی (ڈی آر سی) کی سفارش کے بعد، جو بعد میں منظور کیے جاتے ہیں، اسکیم کے رہنما خطوط کے مطابق، آر ڈی ایس ایس کے تحت مانیٹرنگ کمیٹی تشکیل دی گئی۔ یوٹیلیٹی کو دی جانے والی نقصان میں کمی کے کاموں کے لیے زیادہ سے زیادہ مالی امداد منظور شدہ پروجیکٹ لاگت کا 60 فیصد ہے، جب کہ خصوصی زمرے والی ریاستوں کے لیے یہ 90فیصد  تک محدود ہے۔ اس کے علاوہ، اسمارٹ میٹرنگ کے کاموں کے لیے بھی اسکیم کے رہنما خطوط کے مطابق، فیڈرز، ڈسٹری بیوشن ٹرانسفارمرز اور میٹر کیے جانے کی تجویز کردہ صارفین کی تعداد کی بنیاد پرگرانٹ فراہم کی جاتی ہے۔

مندرجہ بالا کے علاوہ، بجلی کی تقسیم کے شعبے کو بہتر بنانے کے لیے، کیے گئے دیگر اقدامات میں بجلی (دیر سے ادائیگی سرچارج اور متعلقہ معاملات) رولز 2022، ایندھن اور بجلی کی خریداری لاگت ایڈجسٹمنٹ (ایف پی پی سی اے) اور لاگت کے عکاس ٹیرف کے نفاذ کے قواعد شامل ہیں،  تاکہ اس بات کو یقینی بنایا جا سکے کہ بجلی کی سپلائی کے لئے تمام محتاط لاگت  روبعمل  آئے ۔  پاور سیکٹر اصلاحات سے منسلک ریاستوں کو جی ایس ڈی پی  کا 0.5 فیصد  اضافی قرض لینے کی جگہ ، پاور فائنانس کارپوریشن (پی ایف سی) لمیٹڈ اور آر ای سی لمیٹڈ کے ذریعے قرض دینے کے لیے اضافی پروڈنشل اصول یوٹیلیٹیز وغیرہ کی کارکردگی کی بنیاد پر مہیا ہے۔

کئے گئے اصلاحاتی اقدامات کے نتیجے میں، قومی سطح پر ڈسٹری بیوشن یوٹیلٹیز کا اے ٹی اینڈ سی نقصان مالی سال 2013 میں 25.5 فیصد سے کم ہو کر مالی سال 2023 میں 15.37 فیصد ہو گیا ہے اور اے سی ایس – اے آر آر کا گیپ  مالی سال 2013 میں روپے  0.84 / کے ڈبلیو ایچ  سے  مالی سال 2023 میں روپے 0.45 / کے ڈبلیو ایچ تک کم ہوگیا۔ مزیدبرآں، دیہی علاقوں کے لیے سپلائی کے اوقات مالی سال 2014 میں 12.5 گھنٹے سے بڑھ کر مالی سال 2024 میں 21.9 گھنٹے ہو گئے ہیں۔ اسی طرح شہری علاقوں  میں مالی سال 2014 میں 22.8 گھنٹے  سے مالی سال 2024 میں 23.4 گھنٹے کی بہتر ی آئی ہے۔

یہ جواب آج لوک سبھا میں بجلی کے مرکزی وزیر جناب منوہر لال نے دیا۔

***********

U.No:3130

ش ح۔اک۔ق ر

(Release ID: 2078647) Visitor Counter : 8