ইন্দিয়ন কোস্ত গার্দকী নেস্নেল মেরিতাইম সর্চ এন্দ রেস্ক্যু এক্সরসাইজ অমসুং ৱার্কশোপ (SAREX-24) গী 11শুবা ইদিসন অসি নবেম্বর 28-29, 2024দা কেরলাগী কোচিদা নেস্নেল মেরিতাইম সর্চ এন্দ রেস্ক্যু বোর্দকী মীৎয়েং মখাদা পাংথোক্কনি। থৌরম অদু দিফেন্স সেক্রেতরী শ্রী রাজেশ কুমার সিংহনা হৌদোক্কনি। ইন্দিয়ন কোস্ত গার্দ (ICG)গী দাইরেক্তর জেনরেল এস পরমেশ, নেস্নেল মেরিতাইম সর্চ এন্দ রেস্ক্যু কোওর্দিনেতিং ওথোরিতীসু ওইরিবা অসিনা থৌরম অসিদা শরুক য়াগদৌরিবা।

থিম অসি "রিজনেল কোলাবোরেসনগী খুত্থাংদা সর্চ অমসুং রেস্ক্যু কেপাসিতী হেনগৎহনবা" হায়বসিনি। মসিনা ইন্দিয়ন সর্চ এন্দ রেস্ক্যু রিজন অমসুং মসিগী ৱাংমদা লৈবা মফম, নেস্নেলিতি নত্ত্রগা ফীভমগী খেন্নবা থমদনা অচৌবা কন্তিজেন্সীগী মতমদা মতেং পাংনবা ICGগী অচেৎপা ফিরেপ অদু উৎলি।

থৌরম অসিগী অহানবা নুমিত্তা সরকারগী এজেন্সীশিং, মন্ত্রালয়শিং অমসুং আর্মদ ফোর্সেসকী মকোক থোংবা ওফিসিএলশিং, তোঙান তোঙানবা স্তেকহোল্দরশিং অমসুং মপান লমগী দেলিগেৎশিং য়াওনা তেবল-তোপ এক্সর্সাইজ, ৱার্কশোপ অমসুং সেমিনারশিং য়াওনা তোঙান তোঙানবা প্রোগ্রামশিং পাংথোক্কনি। অনিশুবা নুমিত্তা, অচৌবা কন্তিঞ্জেন্সী অনি য়াওবা সমুদ্রগী এক্সর্সাইজ অসি কোচিগী সমুদ্র মনাক্তা ICG, নেভী, ইন্দিয়ন এয়র ফোর্স, কোচিন পোর্ত ওথোরিতীগী পেসেঞ্জর ভেসেল অমসুং তগ অমসুং কস্তমগী বোতশিং য়াওনা পাংথোক্কনি।

অহানবা কন্তিনজেন্সীনা পেসেঞ্জর 500 য়াওবা পেসেঞ্জরগী জহাজ অমদা দিস্ত্রেস সিম্যুলেত তৌগনি, অদুগা অনিশুবা সিনেরিয়ানা পেসেঞ্জর 200 য়াওবা সিভিল এয়রক্রাফতগী দিৎচিং তৌগনি। সমুদ্রদা চত্থগদবা থৌরম অসিদা রেস্পোন্স মেত্রিক্সতা অৱাবা তারবা পেসেঞ্জরশিং লৌথোক্নবা তোঙান-তোঙানবা পাম্বৈশিং য়াওগনি। মসিগী মনুংদা সেতলাইত এদেদ দিস্ত্রেস বেকনশিং, লাইফ বোয় অমা থম্নবা দ্রোনশিং, এয়র দ্রোপ তৌবা য়াবা লাইফ বোয়শিং, রিমোৎ কন্ত্রোল তৌরবা লাইফ বোয়শিং শিজিন্নদুনা অনৌবা মতমগী তেক্নোলোজী লাকপা অদু উৎকনি। এক্সর্সাইস অসি ওপরেসনশিং অমসুং নেস্নেল স্তেকহোল্দরশিংগা লোয়ননা কোওর্দিনেসন তৌবগী ইফেক্তিবিতী য়েংশিন্নবা খক্তা নত্তনা লিত্তোরেলশিং অমসুং মরুপ ওইরিবা লৈবাকশিংগা লোয়ননা কোওপরেতিব এঙ্গেজমেন্তশিংদা মওং চুম্না মীৎয়েং চংনবা থৌরাং তৌরি।

চহি কয়াগী মমাংদা, ICGনা মরুওইবা মেরিতাইম এজেন্সী অমা ওইরকখি অমসুং স্তেবল অমসুং ইফেক্তিব ওইবা মেরিতাইম সর্চ অমসুং রেসক্যু কন্সত্রক্ত অমগী মায়কৈদা সরকারনা হোৎনরিবশিং অদু চুম্না লমজিংলি। ইন্দিয়ন ওসিন রিম এসোসিএসনগী মেম্বর স্তেৎশিংগা ইন্দিয়ন ওসিন রিজনদা SARগা কোওর্দিনেৎ তৌনবা MoU অমা খুৎয়েক পীনখি অমসুং ICGনা ইমপ্লিমেন্তিং এজেন্সীনি। মখা তানা, ICGবু ইন্দো-পেসিফিক রিজনদা SAR গী থব থৌরমশিংগী নোদেল এজেন্সী ওইনা নোমিনেৎ তৌখ্রে। মেরিতাইম সেফতী এস্পেক্ততা ICG না অহেনবা মীৎয়েং চংবা অসিনা সেক্যুরিতী এন্দ গ্রোথ ফোর ওল ইন দি রিজন (SAGAR)গী ভিজনগা লোয়ননা ভারতকী মালেমগী ওইবা থৌদাংবু মপাঙ্গল কনখৎহনবদা চাউনা মতেং পাংগনি।

****