Ka Central Bureau of Communication (CBC) hapoh ka tnad Information and Broadcasting jong ka Sorkar India ka dang pynlong ia ka Safarnama - ka Multimedia Exhibition bad ka jingpyni ia ka jingiar ka India ha kaba iadei bad ka deiriti lyngba ki barikor jong ka hapoh ka Song & Drama division jong ka, ha ka Kala Academy, Panaji, Goa. La pynlong ia kane ka prokram kum shi bynta ka ‘IFFiesta’ ha ka jaka ba pynlong ia ka IFFI 2024.

U Secretary ka tnad Information and Broadcasting, Sanjay Jaju ha ryngkat u nongak bad nongpynmih phlim ba pawnam Akkineni Nagarjuna Rao ki la plié paidbah ia kane ka multimedia exhibition kaba tip kum ka ‘Safarnama: Evolution of Indian Cinema’ ha ka International Film Festival of India (IFFI) 2024 kaba dang long mynta.

Ka Safarnama jong ka CBC: Ka jingpyni ia ka deiriti ha ka IFFI 55

Kum shi bynta ka jingrakhe, ka IFFI 24 ka dang ai burom ia ki riewkhraw ha ka kam shna phlim jong ka India - Raj Kapoor, Mohammed Rafi, Tapan Sinha, bad Akkineni Nageswara Rao. Ka CBC ka don ka bynta kaba heh ha ka jingpynlong ia kane ka exhibition ha ka jaka kaba don kumba 3000 square phut kaba la pynkhreh kyrpang ha kaba ki briew ki lah ban iohi ia ka kam shna phlim lyngba ki virtual reality panel ruh. Ka multimedia exhibition ka dei kaba la pynlong da ka jingthmu ban ai jingtip ia ki briew shaphang ka nongrim kaba khlain jong ka kam shna phlim ha India bad ka histori kaba iadei bad kane ka kam.

Lyngba ki prokram pyni deiriti kiba bun, ki jingshad tynrai na ki bynta bapher bapher ki dei kiba dang pyni ha ki jaka bapher bapher jong ka IFFI 2024, khnang ban rakhe ia ki rukom tynrai bad ka kam saindur ba iar jong ka India. Man ka jingshad tynrai ka don la ka khana ba kyrpang bad ka dei ka dak jong ki jingngeit, ki rukom bad jong ka thain, bad kane ka ailad ia ki briew ba ieid ia ki phlim ba kin iohi lut ia kine ha ka IFFI.

Palat 110 ngut ki barikor ba don sap na kylleng ka ri ki dei kiba iashim bynta ha kane ka prokram kum ki nongpyni ia ki jingshad tynrai bapher bapher.

Ia kine la pynkhreh da ki regional office jong ka CBC, ba kynthup ia kito na Guwahati, Hyderabad, Bhubaneswar, Jammu, Chennai, Himachal Pradesh, Bengaluru, Pune, bad Delhi.

Kine ki dei ki jait jingshad ba pyni:

• Jingshad Sattriya, Bhortaal, Deodhani, bad Bihu na Assam – Ba la pynkhreh da ka CBC Guwahati
• Jingshad Gussadi na Telangana – Ba la pynkhreh da ka CBC Hyderabad
• Jingshad Odissi na Odisha – Ba la pynkhreh da ka CBC Bhuvneshwar
• Jingshad Rouf na Kashmir – Ba la pynkhreh da ka CBC Jammu Region
• Jingshad Karakattam na Tamil Nadu – Ba la pynkhreh da ka CBC Chennai
• Jingshad Mohiniyattam na Kerala – Ba la pynkhreh da ka CBC Kerala
• Jingshad Shirmor Nati, Dagyyali, bad Deep na Himachal Pradesh – Ba la pynkhreh da ka CBC Himachal
• Jingshad Jogathi bad Deepam na Karnataka – Ba la pynkhreh da ka CBC Bengaluru
• Jingshad Lavni bad Mujra na Maharashtra – Ba la pynkhreh da ka CBC Pune
• Jingshad Cheri bad Kalbeliya na Rajasthan bad Jingshad Jhijhiya na Bihar – Ba la pynkhreh da ka CBC Delhi

Ngi la pynbiang ia ki dur na ka ‘Safarnama’. Kine harum ki dei ki jingpyni ia ka deiriti ba la pynkhreh da ki regional office bapher bapher jong ka CBC ha ki jaka ba pynlong ia ka IFFI 2024.

Jingshad Rouf na Kashmir – Ba la pynkhreh da ka CBC Jammu Region

Jingshad Odissi na Odisha – Ba la pynkhreh da ka CBC Bhubaneswar

Jingsdhad Shirmor Nati, Dagyyali, bad Deep na Himachal Pradesh – Ba la pynkhreh da ka CBC Himachal

Jingshad Cheri bad Kalbeliya na Rajasthan bad jingshad Jhijhiya na Bihar, jingshad Haryanvi ba la pynkhreh da ka CBC Delhi

Jingshad Sattriya, Bhortaal, Deodhani bad Bihu na Assam – Ba la pynkhreh da ka CBC Guwahati

Jingshad Jogathi bad jingshad Deepam na Karnataka – Ba la pynkhreh da ka CBC Bengaluru

Jingshad Lavni bad Mujra na Maharashtra – Ba la pynkhreh da ka CBC Pune

Jingshad Gussadi na Telangana – Ba la pynkhreh da ka CBC Hyderabad

Jingshad Karakattam na Tamil Nadu – Ba la pynkhreh da ka CBC Chennai

Ki dur na ka ‘Safarnama’

Shaphang ka IFFiesta:

Ka bynta kaba 55 jong ka International Film Festival of India (IFFI) 2024 ka la sdang ia ka IFFIESTA, ka jingpynbyrnia ba itynnad naduh ka 21 haduh 28 tarik u Naiwieng ha ka Kala Academy in Panjim, Goa. La saindur ia kane ban rakhe ia ki phlim , ka put ka tem, ka jingsaindur bad ka bam ka dih bad kane ka tamasa ka la wanrah lang ia ki jaitbynriew bapher bapher ha ka jingpyniasoh ia ka deiriti bad ka jingpynbyrnia.

Ka jaka pynbyrnia ha ka Kala Academy bad hajan kane ka jaka ka dei na ka bynta ki samla. La pynlong ruh ia ka Carnival Parade shaphang ka ‘Jingiaid lynti ka kam shna phlim ha India’ kum shi bynta ka IFFiesta ha ka 22 tarik u Naiwieng.

* * *