#IFFIWood, 26 नोव्‍हेंबर 2024

55व्या भारतीय आंतरराष्ट्रीय चित्रपट महोत्सवांत कन्नड फिल्म, ‘वेंक्या’, बंगाली फिल्म, ‘भूतपुरी’ आनी हिंदी फिल्म ‘आर्टिकल 370’ ही तीन सिनेमॅटिक रत्ना ‘भारतीय पॅनोरमा-फीचर फिल्म्स’ विभागांत दाखयली. दूरदर्शी चित्रपट निर्मात्यांनी जिवीत केल्ले हे चित्रपट कथाकथनाच्या फुडें वचुन, आत्म- सोद, मुक्तताय, देशभक्ती, त्याग आनी मोग, जिवीत आनी परलोक हांच्या गुंतागुंतीच्या भावनिक यात्रेक दाखयता.

55व्या इफ्फींत प्रेस इन्फॉर्मेशन ब्युरोन आयोजीत केल्ल्या मिडिया संवादांत ‘वेंक्या’चे दिग्दर्शक सागर पुराणीक हांणी फिल्माच्या निर्मिती वेळार आयिल्ल्या आव्हानां विशीं भासाभास केली. वेंक्या ह्या  पात्राचे वर्णन ताणें  काळखांतल्यान उजवाडाकडेन  वचपी अशें करून भुमिकेची गुंतागुंत उजवाडाक हाडली. लॉजिस्टीक अडचणीं विशीं विचारलें तेन्ना पुराणीक हांणी हो  चित्रपट धोक्याच्या सुवातेर चित्रित जालो  आनी  तांतुत हुंवाराचें आव्हानाची  आनीक  भर पडली. मात अशा स्थितीत थळाव्या सरकाराच्या आदाराची ताणें तोखणाय केली. थळ वेंचणुकेचेर ताणें स्पश्ट केलें की जैविक दृष्टीकोण वापरून वेंक्याचो सोद विंगड विंगड सुवाती निवडपाक मार्गदर्शन करतालो. भारतांच्या गिरेस्त संस्कृतीक विविधतायेत  व्यक्तींक, गुन्यांवकारांक लेगीत सुधारपाची  तांक आसा हाचेर ताणें  भर दिलो.

‘वेंक्या’ चो निर्मातो पवन वाडेयार हांणी सांगले  की ह्या सिनेमाचें शुटींग 12 राज्यांनी केलां, तातूंत भारताची जिवंत सांस्कृतीक विविधताय दाखयल्या. तांणी स्पश्ट केलें की थळां तांच्या जिवंत, रंगीत स्वभावाक लागून आनी चित्रपटाच्या साराक जुळपी गिरेस्त सांस्कृतीक दायजा खातीर वेंचून काडल्यात.

‘भूतपुरी’, दिग्दर्शक सौकर्य घोशालन हो सिनेमा एक सादारण हॉरर कथा परस चड आसा अशें उक्तायलें. मनशाच्या कर्तुबांचो खोलायेन परिणाम जाल्ल्या भूताची आत्मकथा हो चित्रपट दाखयता. तो परलोकाचे संकल्पनेचेर आदारिल्लो आसा. घोशाल हाणें जायत्या भारतीय हॉरर चित्रपटांचेर हॉलीवूडाचो प्रभाव पडटा, पूण ताचो हेत एक अस्सल भारतीय भूत काणी तयार करपाचो आशिल्लो अशें नमूद केले.

‘भूतपुरी’ फिल्माची वेशभूषा रचनाकार, पूजा चॅटर्जी हांणी आपली रचणूक प्रेरणा बंगाली साहित्यांत मेळपी वेशभूशेच्या सविस्तर वर्णनांतल्यान मेळ्ळी अशें सांगलें. ह्या संदर्भांचो वापर करून तिणें पडद्याचेर वास्तववादी पात्रां तयार केलीं.

‘आर्टिकल 370’ चो दिग्दर्शक आदित्य सुहास जांभळे हांणी आपल्या सिनेमाच्या राजकीय घडणुकेवेल्या कथना विशीं म्हायती दिली. ह्या विशयाचेर सामकें विस्तृत संशोधन केल्याउपरांतूच हो चित्रपट तयार केला. प्रेक्षकांक राजकी वेवस्थे कडेन गुंतवप आनी फुडले पिळगेक प्रेरणा दिवप हो ह्या सिनेमाचो हेत आसा अशें तांणी सांगलें. तशेंच ताणें ह्या सिनेमाच्या विशयाचेर संबोधन केलें, तातूंत जबरदस्तीन राश्ट्रवादाक चालना मेळना, पूण पात्रांचें वास्तववादी चित्रण केलां अशें ताणें  नमूद केलें. जांभळे हाणी  भारतांतल्या सगळ्या प्रदेशांनी फिल्म संस्कृताय वाडोवपाचें म्हत्व सांगलें, जाका लागून तरणाटे फिल्म निर्माते आपली छाप घालूंक शकतात.

‘कलम 370’ चो लेखक मोनाल ठाकुर हांणी संशोधन प्रक्रिये विशीं अंतर्दृष्टी सांगून तांणी म्हायती एकठांय करपा खातीर तपास पत्रकारांचो सल्लो घेतिल्ल्याचें उक्तें केलें. ह्या सिनेमांतले राजकी आनी संसदीय घटक कशे तरेन माहितीपूर्ण आनी मनरिजवणेचे, अशे दोनूय प्रकार तयार केल्यात हाचें वर्णन तांणी केलें. ठाकुर, काश्मीरांतल्या चित्रीकरणाच्या आव्हानां विशींय उलयलो, थळाव्या पुलिसांच्या  मेळील्ल्या आदाराचो  अणभव खऱ्या अर्थान जादूचो अशें वर्णन ताणें केलें.

फिल्मां विशीं: 

‘वेंक्या’: हुब्बल्ली ह्या अराजक शारांत संघर्श करपी गुंड ‘वेंक्या’ मालमत्तेचे हक्क मेळोवपा खातीर आनी अर्थीक विनाशांतल्यान सुटपा खातीर आपलो अलिप्त रावपी  भाव गण्याक सोदपाचो यत्न करता. सोशल मिडियाचो वापर करून वेंक्या भारतभर भोंवपाक लागता, ताचीं विंगड विंगड संस्कृताय, घोटाळे आनी दयाळू अनोळखी लोकांचो अणभव  तो घेता . ह्या प्रवासांत ताची वैयक्तीक विचार प्रक्रिया विकसीत जाता. ताका येता तो अणभव निमाणें ताचो कुटुंब आनी काळजांतल्या मनीसपणाचेर आशिल्लो मोग जागृत करता. 

भूतपुरी: ह्या हॉरर  चित्रपटांत मेल्ल्या बायलेचो अस्वस्थ जीव एका ल्हान भुरग्या वांगडा मेळून तिच्या मरणाचें गूढ उक्तें करता. मतभेद आसून लेगीत जिवीत, मरण आनी परलोक हांचो अभ्यास करून भावनीक प्रवासांत वतना तांचे मदीं एक संभाव्य बंधन तयार जाता. हृदयस्पर्शी खीण आनी रोमांचक ट्विस्ट्चो मेळ घालून हो चित्रपट जिवंत आनी मृत लोकांच्या अद्वितीय सोदभोंवडेन  मन भुलयता. 

कलम 370: “2016 वर्सा काश्मीर अशांतताये उपरांत, तरणाटो एजंट ज़ूनी हक्सर हाका राजेश्वरी स्वामीनाथन प्रधानमंत्री कार्यालयांतल्यान आतंकवादा आड लढो दिवपाच्या  गुप्त मिशन खातीर आनी कलम 370 रद्द करून वाठाराची संघर्श अर्थवेवस्था मोडून उडोवपा खातीर नियुक्त करता.  बुरहान वानी, हाका दिल्लींत सलाहुद्दीन जलालाची राखण करपाचें काम दिल्लें आसा. परवीना आंद्रबी कडल्यान टिका जाले उपरांत ज़ूनी परतून काश्मीराक वता आनी थंय ती  नेटवर्क फंडिंग फातर मारपाची घडणूक उक्ती करता. तिचें मिशन भ्रश्टाचार आनी आतंकवाद हांचे आड एक गुंतागुंतीचें झूज जावन विकसीत जाता.”

Watch the Press Conference here:

* * *

PIB IFFI CAST AND CREW | Subhash/Utkarsha/Darshana | IFFI 55