ভারতকী রাস্ত্রপতি শ্রীমতি শ্রী দ্রৌপদি মর্মুনা ঙসি (নবেম্বর 26, 2024) পার্লিয়ামেন্ত হাউসকী সেন্ত্রেল হোলদা সম্বিধান চৎনহনখিবগী চহি 75 মপুং ফারকপগী থৌরমদা শরুক য়াখি।

থৌরম অদুদা ৱা ঙাংলদুনা রাস্ত্রপতিনা হায়খি মদুদি চহি 75গী মমাংদা, ঙসিগী নুমিৎ অসিদা, "সম্বিধান সদন"গী সেন্ত্রেল হোল অসিদা, কন্সতিত্যুএন্ত এসেমব্লীনা অনৌবা নীংতম্লবা লৈবাক অমগী সম্বিধান শেমগৎপগী অচৌবা থবক অমা পাংথোকখি। নুমিৎ অদুদা, কন্সতিত্যুএন্ত এসেমব্লীগী খুত্থাংদা, ঐখোয়, ভারতকী প্রজাশিংনা, সম্বিধান অসিবু চৎনহনখি, ‌ইনেক্তখি অমসুং ঐখোয় ইশাদা মসিবু পীখি।         

ঐখোয়গী সম্বিধান অসি ঐখোয়গী দেমোক্রেসী রিপব্লিক্কী মপাঙ্গল কনবা য়ুম্ফম্নি হায়না রাস্ত্রপতিনা হায়খি। ঐখোয়গী সম্বিধান্না ঐখোয়গী অপুনবা অমসুং ইন্দিভিজুএল দিগ্নিতি ফংহল্লি।

নীংতম্বা চহি 75 মপুং ফারকপদা, প্রজা পুম্নমক্না 'আজাদী কা অমৃত মহোৎসব' পাংথোকখি হায়না রাস্ত্রপতিনা হায়খি। মথং চহিগী জনুৱারী 26তা, ঐখোয়না ঐখোয়গী রিপব্লিক্কী 75শুবা মপোক কুমওন পাংথোক্কনি। অসিগুম্বা কুহ্মৈশিং অসিনা ঐখোয়দা হৌজিক ফাওবদা চৎলিবা খোঙচৎ অদু য়েংশিন্নবা অমসুং মাংলোমদা চৎকদৌরিবা খোঙচৎ অদুগীদমক হেন্না ফবা থৌরাং তৌনবগী খুদোংচাবা পীরি। অসিগুম্বা কুহ্মৈশিং অসিনা ঐখোয়গী অমত্তা ওইবগী মপাঙ্গল কনখৎহল্লি অমসুং লৈবাক অসিগী পান্দমশিং ফংনবা হোৎনবদা ঐখোয় পুম্নমক পুন্না হোৎনমিন্নরি হায়বা উৎলি।

রাস্ত্রপতিনা হায়খি মদুদি ৱাখল্লোন অমদা, ভারতকী সম্বিধান অসি চহি অহুম চুপ্না মীওই খরনা খন্ন-নৈনবগী মহৈনি। অদুবু, অশেংবা ৱাখল্লোন্দা, মসি ঐখোয়গী অশাংবা নীংতম লানগী মহৈনি। লম্বা লৈত্রবা নেস্নেল মুভমেন্ত অসিগী ৱাখল্লোনশিং অদু সম্বিধানদা য়াওখি। মসিগী ৱাখল্লোনশিং অসি সম্বিধানগী প্রিএমবলদা শন্দোক্না তাক্লি। মখোয়শিং অদুদি অচুম্বা ৱায়েল, নীংতম্বা, থোং মান্নবা অমসুং ফ্রেতর্নিতীনি। হায়রিবা ৱাখল্লোনশিং অসিনা চহি কয়াদগী ভারতপু মশক তাক্লি। সম্বিধানগী ‌প্রিএমবলদা ফোংদোক্লিবা ৱাখল্লোনশিং অসি অমগা অমগা মপুং ফাহনরি। পুন্না, মখোয়না প্রজা খুদিংমক্না চাউখৎনবা, খুন্নাইদা মতেং পাংনবা, অমসুং মরূপ-মপাংশিংবু মতেং পাংনবা খুদোংচাবা অমা ফংবা অকোয়রোন অমা শেম্মি।

ঐখোয়গী সম্বিধানগী ৱাখল্লোনশিং অসি একজিক্যুতিব, লেজিসলেচর অমসুং জুদিসিয়রী অমসুং প্রজা পুম্নমক্কী থৌদাং লৌবদগী মপাঙ্গল কনখৎলি হায়না রাস্ত্রপতিনা হায়খি। প্রজা খুদিংমক্কী ফন্দামেন্তেল দ্যুতীশিং অসি ঐখোয়গী সম্বিধানদা ময়েক শেংনা পল্লি। ভারতকী অপুনবা অমসুং অপুনবা ঙাক শেন্নবা, খুন্নাইদা অপুনবা পুরকপা, নুপীশিংগী ইকাই খুম্নবা ফংহনবা, অকোয়বগী ফিভম ঙাক শেন্নবা, সাইন্তিফিক ওইবা ৱাখল্লোন অমা শেমগৎপা, পব্লিক প্রোপর্তী ঙাক শেন্নবা অমসুং লৈবাক অসিবু অৱাংবা থাক্তা পুখৎপা অসি প্রজাশিংগী মরুওইবা থৌদাংশিংগী মনুংদা য়াওরি।

সম্বিধানগী ৱাখল্লোনগী মতুং ইন্না, মীয়ামগী পুন্সি মহিং হেন্না ফগৎহন্নবা পুন্না থবক তৌমিন্নবা হায়বসি একজিক্যুতিব, লেজিসলেচর অমসুং জুদিসিয়ারীগী থৌদাংনি হায়না রাস্ত্রপতিনা হায়খি। মহাক্না হায়খি মদুদি পার্লিয়ামেন্তনা চৎনহল্লবা আইন কয়াদা মীয়ামগী অপাম্বা ফোঙদোক্লি। মহাক্না হায়খি মদুদি হৌখিবা চহি খরা অসিদা, সরকারনা খুন্নাইগী সেক্সন খুদিংমক্কী, মরুওইনা শোত্থরবা সেক্সনশিংগী চাউখৎ-থৌরাংগীদমক খোঙথাং কয়া অমা লৌখৎলে। অসিগুম্বা ৱারেপশিং অসিনা মীয়ামগী পুন্সি মহিং ফগৎহল্লে অমসুং মখোয়দা চাউখৎপগী অনৌবা খুদোংচাবশিং ফংহল্লি। সুপ্রিম কোর্তকী হোৎনবশিংগা লোয়ননা লৈবাক অসিগী জুদিসিয়রীনা ঐখোয়গী জুদিসিয়রী সিস্তেমবু হেন্না ইফেক্তিব ওইহন্নবা হোৎনরি হায়বা খঙবদা মহাক্না নুংঙাইবা ফোংদোকখি।

ঐখোয়গী সম্বিধান অসি অহিংবা অমসুং প্রোগ্রেসিব দোক্যুমেন্ত অমনি হায়না রাস্ত্রপতিনা হায়খি। মতমগী অহোংবা লাক্লিবা অসিগী মতুং ইন্না ঐখোয়গী কন্সতিত্যুসন শেম্বা মীওইশিংনা অনৌবা ৱাখল্লোনশিং লৌশিনবগী পথাপ অমা শেমখি। ঐখোয়না সম্বিধানগী খুত্থাংদা সোসিএল জস্তিস অমসুং ইনক্লুসিব দিবেলপমেন্তকা মরী লৈনবা অচৌবা পান্দম কয়া অমা ফংলে। অনৌবা ৱাখল্লোন অমগা লোয়ননা ঐখোয়না ভারতকীদমক লৈবাকশিংগী মরক্তা অনৌবা মশক অমা শেমগৎলি। ঐখোয়গী সম্বিধান শেম্লিবশিংনা ভারতনা মালেমগী শান্তি অমসুং ঙাকশেলগী থৌদাং লৌনবা দিরেক্তিব অমা পীখি। ঙসিদি, মকোক থোংবা ইকোনোমী অমা ওইবতা নত্তনা, ঐখোয়গী লৈবাক অসিনা "বিশ্ব-বন্ধু"গী থৌদাং অসি য়াম্না ফজনা লৌরি।

চাউরাক্না চহি চাগী ক্বাতর অহুমগী কন্সতিত্যুস্নল জর্নলদা লৈবাক অসিনা মসিগী কেপাসিতীশিং অদু উৎপদা অমসুং মসিগী কনভেন্সনশিং অসি চাউখৎপদা য়াম্না চাউনা মায় পাকখ্রে হায়না রাস্ত্রপতিনা হায়খি। ঐখোয়না তম্লক্লিবা মহৈশিং অসি তুংগী চারোন-শুরোনশিংদা য়ৌহনগদবনি হায়না মহাক্না অকনবা ৱাফম থমখি। মহাক্না হায়খি মদুদি 2015দগী চহি খুদিংগী পাংথোক্লিবা 'সম্বিধান দিবস' অসিনা ঐখোয়গী য়ুম্ফম ওইবা দোক্যুমেন্ত, সম্বিধানগী মতাংদা ঐখোয়গী নহাশিংগী মরক্তা এৱেরনেস হেনগৎহনবদা মতেং পাংলি। মহাক্না লৈবাক মীয়াম পুম্নমকপু মখোয়গী লমচৎ-শাজৎতা সম্বিধানগী ৱাখল্লোনশিং থম্বা, ফন্দামেন্তেল দ্যুতীশিং ঙাক্না চৎপা অমসুং 2047 ফাওবদা 'ভিক্সিৎ ভারত' অমা শেমগৎনবা লৈবাক্কী পান্দমগী মায়কৈদা অচেৎপা মীৎয়েং থমদুনা মাংলোমদা চংশিন্নবা তকশিনখি।

রাস্ত্রপতিনা হিংলিশতা থমখিবা ৱারোল য়েংনবা মসিদা নম্বীয়ু

রাস্ত্রপতিনা হিন্দীদা থমখিবা ৱারোল য়েংনবা মসিদা নম্বীয়ু

***