#IFFIWood, 25 नोव्‍हेंबर 2024

शेजारच्या सर्कसीत रिंगमास्टर जावपाची आस्त  ते हॉलीवूडाच्या ग्लिट्ज आनी ग्लॅमरस पूण आव्हानात्मक संवसारांत दिग्दर्शक जावपा मेरेन, दिग्गज फिल्म निर्मातो फिलीप नॉयसाचो प्रवास ही एक प्रोत्साहक कथा आनी जिद्द.

अंदूंच्या सत्यजीत रे लायफटायम अचीवमेंट पुरस्कारान भोवमान जाल्लो नामनेचो फिल्म निर्मातो फिलीप नॉयसान गोंयच्या कला अकादेमींत जाल्ल्या भारताच्या 55व्या आंतरराष्ट्रीय चित्रपट महोत्सवांत “नव्या हॉलीवूडांत कसो येसस्वी जावप” ह्या विशयाचेर मास्टरक्लास घेतलो. 

देशभरांतल्या उमेदी तरणाट्या फिल्म निर्मात्यांनी भरिल्ल्या प्रेक्षकांक संबोधीत करतना नोयसान नवोदित फिल्म निर्मात्यांक जायत्यो सूचोवण्यो  दिल्यो. नोयसान म्हणलें, "हॉलीवूडांत आपली छाप सोडपाक कांय आडमेळीं पयस करचीं पडटात." "ह्या वसाां नी हॉलीवूडांत जियेवंक कांय वेपारी गुपीत म्हाका कळ्ळां. एक महत्वाची गजाल म्हळ्यार एकामेकां वयलो विस्वास." एक सिनेमा सुरू जावचे आदीं ताणें आपल्या सिनेमा निर्मात्याच्या दरेका वांगड्या वांगडा खेळिल्ल्या खेळाचें उदाहरण दिवन ताणें सांगलें, "तुमकां तुमचो  संकोच आनी भंय सोडून दिवचो पडटलो, आनी एक यशस्वी चित्रपट करपाक एकामेकांचेर आदारून रावचें पडटलें." पुरायपणान विस्वास आसप. योग्य क्रू आनी योग्य कल्पना मेळ्ळी जाल्यार एक व्हडलो सिनेमा तयार करूं येता अशें ह्या तेजस्वी  फिल्म निर्मात्यान सांगलें. ऑस्ट्रेलियेचो एक व्हिजनरी फिल्म निर्मातो फिलीप हाणें ल्हान पिरायेचेर आपलो प्रवास सुरू केलो. "बऱ्याच वेळार, हांव शेजारच्या सर्कसीत  तें बारीकसाणेन पळोवपाक वतालो. त्या पिरायेचेर रिंगमास्टराचें काम म्हाका चड आकर्शक दिसतालें कारण ताका जनावरां पासून ते सगळ्या मेरेन सगळें नियंत्रीत करपाक कळटालें. म्हणून, हांवूय रिंगमास्टर जालो." . उपरांत नॉयसान सांगलें की ताका कळ्ळें की ताका सगळ्यां परस चड प्रेक्षकांचो  हांसो  आयकुपाक जाय, ताका लागून शो बिझनेसांत एक कारकिर्द केली आनी दशकभर प्रेक्षकांचें मनरिजवण केले.

नोयसान 1975 वर्सा दिग्दर्शक म्हणून पदार्पण केलें; पूण उपरांत 1978 वर्सा न्यूजफ्रंट ह्या चित्रपटांतल्यान ताणें विमर्शीक आनी वेपारी नदरेन यश मेळयलें.

“एक दिग्दर्शक म्हणून तुमी फकत तुमच्या पटकथे इतलेच बरे” अशें सांगून नोयसान खंयच्याय सिनेमाचो फाटीचो कणो लेखक आसता हाचेर भर दिलो. “तुमच्या लेखका कडेन दयाळू जावंक जाय. सुसंगत आनी बरी पटकथा तुमच्या चित्रपटाक नव्या उंचायेर व्हरूंक शकता. खंयच्याय चित्रपटांत दिग्दर्शक आनी लेखक हांचे मदलो संबंद म्हत्वाचो घटक आसता.”

54वर्सांच्या कारकिर्दींत फिलीप नॉयसान विंगड विंगड आनी विचार करपासारक्या चित्रपटांतल्यान नाव आनी यश मेळयलां.

फिल्मांतल्या बजेटाच्या विशयाचेर उलयतना नोयसान म्हणलें, "चड येणावळ मेळोवपा खातीर उण्या बजेटांत सिनेमा करपाक शिकचें पडटलें. तुमच्या संसाधनांत बदल करप म्हत्वाचें; बजेट आनी खर्च हाचो मेळ घालप गरजेचे आसता. " जोखीम." उणी करपाक आधुनीक तंत्रगिन्यानाचो वापर करपाची गरज ताणी उक्तायली."

निर्मिती पयलींची प्रक्रिया, नियोजन, कथा हे सगळे चित्रपट निर्मितींतले म्हत्वाचे घटक. "एक सिनेमा निमाणे प्रोडक्शन हावस, कलाकार आनी फिल्म तयार करपाचे प्रक्रियेंत वांटो घेवपी हेर म्हत्वाच्या व्यक्तींनी मान्यताय दिवचे पयलीं जायते फावटीं तयार करचें पडटा." नोयसान म्हणलें

हें सत्र ह्या व्हड फिल्म निर्मात्याच्या प्रतिभाशालीपणाची गवाय आशिल्लें; प्रभावी पद्दतीन ताणें ह्या हंगामांत जायत्या आशादायक चित्रपट निर्मात्यांक प्रेरणा दिली.

* * *

PIB IFFI CAST AND CREW | Subhash/Manali/Darshana | IFFI 55