آیوش کی وزارت کے مرکزی وزیر مملکت (آزادانہ چارج) جناب پرتاپ راؤ جادھو نے آج نئی دہلی کے پرگتی میدان میں واقع بھارت منڈپم کمپلیکس میں 43ویں انڈیا انٹرنیشنل ٹریڈ فیئر (آئی آئی ٹی ایف ) میں آیوش پویلین کا دورہ کیا۔ پویلین، جس کی تھیم ‘आयुष के साथ स्वस्थ भारत, विकसित भारत’ یعنی آیوش کے ساتھ صحت مند ہندوستان ، ترقی یافتہ  ہندوستان  ہے۔ وزارت کے تازہ ترین اقدامات اور اختراعات کو اجاگر کرتے ہوئے صحت اور تندرستی کے روایتی نظاموں کے ہندوستان کے بھرپور ورثے کی نمائش کرتا ہے۔

اپنے دورے کے دوران، جناب جادھو نے نمائش کنندگان اور شرکاء کے ساتھ بات چیت کی، ادویات اور طرز زندگی کے حل کے آیوش نظام کو فروغ دینے میں ان کی کوششوں کی تعریف کی۔ انہوں نے مجموعی فلاح و بہبود اور پائیدار صحت کی دیکھ بھال کے حصول کے لیے روایتی علم کو جدید ایجادات کے ساتھ مربوط کرنے کی اہمیت پر زور دیا۔

پویلین کے اہم پرکشش مقامات میں ’آیوش ویزا‘ نمائشیں ہیں، جو ایک تاریخی اقدام ہے جس کا مقصد عالمی شراکت داروں  کو ہندوستان کے فروغ پزیر صحت اور تندرستی کے شعبے کی طرف راغب کرنا ہے۔ حال ہی میں وزارت داخلہ کی طرف سے مطلع کیا گیا، آیوش ویزا آیوش نظام کے تحت علاج کے لیے بین الاقوامی طبی سیاحت کی سہولت فراہم کرتا ہے، جس سے ہندوستان کو صحت مندانہ سیاحت کے لیے ایک عالمی مرکز کے طور پر پوزیشن میں لایا گیا ہے۔

پویلین میں 'آیوش آہار' بھی شامل ہے، جو روایتی علم میں جڑے اختراعی غذائی طریقوں کی نمائش کرتا ہے۔ لائیو مظاہرے، ماہرین کی مشاورت، اور ترکیب کی نمائشیں صحت مند طرز زندگی کے حصول میں آیوش پر مبنی غذائیت کی افادیت کو اجاگر کرتی ہیں۔

آیوش پویلین کی دیگر جھلکیوں میں بچوں کو متوازن غذا اور آیوروید سے متاثر صحت مند عادات کے بارے میں خاص طور پر ڈیزائن کیا گیا ’اسنیکس  اینڈ لیڈرز' گیم، مورارجی دیسائی نیشنل انسٹی ٹیوٹ آف یوگا (ایم ڈی این آئی وائی ) کے زیر اہتمام یوگا کے مظاہرے، یوگا تھیراپی سیشنز ، روایتی صحت سے متعلق مشورے اور انٹرایکٹو کیوسک جیسے پراکرتی پریکشن اور میزاج پرکشن اور کام کی جگہ پر یوگا کے مظاہرے شامل ہیں۔

جناب پرتاپ راؤ جادھو نے صحت اور تندرستی کے اختراعی طریقوں کی طرف کلیدی اقدامات کو اجاگر کرنے میں پویلین کی کوششوں کی ستائش کی، ’’آئی آئی ٹی ایف میں آیوش پویلین عالمی سطح پر مجموعی صحت کے حل کو فروغ دینے کے ہمارے عزم کی عکاسی کرتا ہے۔ آیوش ویزا، آیوش آہار، اور انٹرایکٹو سیکھنے کی سرگرمیاں جیسے اقدامات پائیدار فلاح و بہبود کے طریقوں میں ہندوستان کی قیادت کی نشاندہی کرتے ہیں۔‘‘

پویلین متنوع سامعین کو اپنی طرف متوجہ کرنا جاری رکھے ہوئے ہے، زائرین کو آیوش کی دنیا میں ایک حیرت انگیز تجربہ پیش کرتا ہے اور ہندوستان کے صحت کی دیکھ بھال کے نقطہ نظر کی  بنیاد کے طور پر اس کی اہمیت کو مزید تقویت دیتا ہے۔ آئی آئی ٹی ایف ، جو 14-27 نومبر تک جاری رہے گا، ہرسال ہندوستان کی متنوع ثقافت، تجارت اور اختراع کا جشن منانا جاری رکھے ہوئے ہے۔

**********

) ش ح –    ا م      - ا ک م )

U.No. 2999

(Release ID: 2077582) Visitor Counter : 10