लोकसभा सचिवालय
लोकसभा अध्यक्ष आणि खासदारांनी रवी रे यांना अर्पण केली आदरांजली
Posted On:
26 NOV 2024 5:39PM by PIB Mumbai
नवी दिल्ली, 26 नोव्हेंबर 2024
लोकसभा अध्यक्ष ओम बिर्ला यांनी लोकसभेचे माजी अध्यक्ष रवी रे यांना त्यांच्या जयंतीनिमित्त आज संविधान सदनमध्ये पुष्पांजली अर्पण केली
लोकसभेचे अध्यक्ष ओम बिर्ला यांनी, लोकसभेचे माजी अध्यक्ष रवी रे यांच्या जयंतीनिमित्त त्यांना आज 26 नोव्हेंबर 2024 रोजी संविधान सदनमध्ये पुष्पांजली अर्पण केली.
लोकसभा अध्यक्ष ओम बिर्ला; संसदीय कामकाज आणि अल्पसंख्याक कार्य मंत्री, किरेन रिजिजू; राज्यसभेचे उप सभापती हरिवंश आणि लोकसभा आणि राज्यसभेचे महासचिव अनुक्रमे उत्पल कुमार सिंह आणि पी.सी. मोदी यांनी आज 26 नोव्हेंबर 2024 रोजी लोकसभेचे माजी अध्यक्ष रवि रे यांना त्यांच्या जयंतीनिमित्त संविधान सदनमध्ये पुष्पांजली अर्पण केली.
संसदीय कामकाज आणि अल्पसंख्याक कार्य मंत्री किरेन रिजिजू;राज्यसभेचे उप सभापती हरिवंश; यावेळी उपस्थित खासदार आणि माजी सदस्यांनी रे यांना आदरांजली वाहिली.
लोकसभेचे महासचिव उत्पल कुमार सिंह आणि राज्यसभेचे महासचिव पी.सी.मोदी यांनीही रवी रे यांच्या प्रतिमेला पुष्पहार अर्पण केला.
रवी रे यांचा जन्म 26 नोव्हेंबर 1926 रोजी ओरिसातील पुरी जिल्ह्यातील भानारागढ गावात झाला. ते 1967 मध्ये पहिल्यांदा लोकसभेवर निवडून आले (4थी लोकसभा). सरकारमध्‍ये रे यांनी केंद्रीय आरोग्य आणि कुटुंब कल्याण मंत्री म्हणूनही काम केले. यानंतर रवी रे यांनी नवव्या लोकसभेचे अध्यक्ष म्हणून काम केले. त्यांनी 19 डिसेंबर 1989 ते 09 जुलै 1991 पर्यंत या पदावर काम केले.
रवी रे यांचे छायाचित्र संविधान सदनमध्ये बाह्य लॉबीमध्‍ये ठेवण्यात आले आहे. 10 फेब्रुवारी 2014 रोजी भारताचे तत्कालीन राष्ट्रपती प्रणव मुखर्जी यांच्या हस्ते या प्रतिमेचे अनावरण करण्यात आले होते.
N.Chitale/S.Bedekar/P.Malandkar
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2077575)
Visitor Counter : 10