প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা, লৈবাক শীনবা থুংনা রিছার্স আর্তিকলশিং অমসুং চেফোঙশিং ফংহন্নবা কেন্দ্রগী অনৌবা স্কিম অমা, ৱান নেসন ৱান সবস্ক্রিপসন অয়াবা পীরে। স্কিম অসি অচম্বা, শীজিন্নবদা নুংঙাইবা অমসুং মপুংফানা দিজিতেল ওইরবা থবক অমগী মখাদা পাংথোক্কনি। মসি সরকারগী মহৈলোয়শঙশিংদা লৈরিবা মহৈরোয়শিং, ওজা অমসুং কেন্দ্র সরকারগী রিছার্স অমসুং দিবলপমেন্ত লেবোরেতোরিশিং খুদোংচাবা পীনবা “ৱান নেসন ৱান সবস্ক্রিপসন” অমা ওইগনি।

অনৌবা কেন্দ্রগী স্কিম অমা ওইনা চহি অহুম হায়বদি ২০২৫,২০২৬ অমসুং ২০২৭গীদমক ৱান নেসন ৱান সবস্ক্রিপসনগী অপুনবা লুপা করোর ৬,০০০ কাইথোক্লে। ভারতকী নহারোলশিংদা অৱাংবা থাক্কী মগুন লৈবা লাইরিক-লাইশু ফংবা হেনগৎহন্নবা, হৌখিবা চহি ১০দা লাইরিক-লাইশুগী লমদা ভারত সরকারনা পায়খৎলক্লিবা তোঙান-তোঙানবা থবকশিং ৱান নেসন ৱান সবস্ক্রিপসন্না শেমগৎকনি অমসুং মখা তানা ফগৎহনগনি। সরকারগী য়ুনিভর্সিতিশিং, কলেজশিং, রিছার্স ইন্সতিতুসনশিং অমসুং রিছার্স অমসুং দিবলপমেন্ত ইন্সতিতুসনশিংগী খুৎথাংদা থিজিনবা অমসুং অনৌবা থবক পায়খৎপগী চৎনবী অমা য়োকখৎপা অমসুং রিছার্স অমসুং দিবলপমেন্ত য়োকখৎনবা অনুসন্ধান রিছার্স ফাউন্দেসনগী মতেং স্কিম অসিনা পাংগনি।

ৱান নেসন ৱান সবস্ক্রিপসনগী কান্নবশিং কেন্দ্র নত্ত্রগা রাজ্য সরকারশিংগী মখাদা লৈবা অৱাংবা থাক্কী মহৈলোয়শঙশিং অমসুং কেন্দ্র সরকারগী রিছার্স অমসুং দিবলপমেন্ত ইন্সতিতুসনশিংদা, দিজিতেলগী থবক অমগী খুৎথাংদা য়ুনিভর্সিতি গ্রান্তস কম্মিসন (য়ু জি সি)গী ওতোনোমস ইন্তর-য়ুনিভর্সিতি সেন্তর অমা ওইরিবা, ইনফোর্মেসন এন্দ লাইব্রেরি নেতৱার্ক (ইনফ্লিবনেত)না নেসনেল সবস্ক্রিপসন অমগী খুৎথাংদা ফংহনগনি। মহৈলোয়শঙ ৬,৩০০ হেনবগী মহৈরোয় করোর ১.৮, ওজা অমসুং থিজিল্লোয়শিং ৱান নেসন ৱান সবস্ক্রিপসনগী কান্নবা ফংগনি।

স্কিম অসি Viksitbharat@2047, নেসনেল ইজুকেসন পোলিসি (এন ই পি) ২০২০ অমসুং অনুসন্ধান নেসনেল রিছার্স ফাউন্দেসন ( এ এন আর এফ) গী পান্দমশিংগা লোয়ননা পায়খৎপনি। মসিনা তয়র ২ অমসুং তয়র ৩ দা লৈরিবশিং য়াওনা হিরম খুদিংমক্কী মহৈরোয়, ওজা, থিজিল্লোয় অমসুং সাইন্তিস্ত করোর ১.৮ রোমদা অৱাংবা থাক্কী মগুন লৈবা চেফোঙশিংগী লৌশিংগী সনাগী খনি অমা থবক অসিনা হাংদোক্লগনি অমসুং লৈবাক অসিদা মরুওইবা অমসুং ইন্তরদিসপ্লিনারি রিছার্স পুক্নিং থৌগৎকনি।  অনুসন্ধান নেসনেল রিছার্স ফাউন্দেসন্না চাংনাইনা ৱান নেসন ৱান সবস্ক্রিপসন শীজিন্নবা অমসুং হায়রিবা ইন্সতিতুসনশিং অসিগী ভারতকী অইবশিংগী চেফোঙশিং য়েংশিনগনি।

ইন্সতিতুসনশিংনা চেফোঙশিং পাবা ঙম্নবা হয়র ইজুকেসন দিপার্তমেন্তনা “ৱান নেসন ৱান সবস্ক্রিপসন”গী অপুনবা পোর্তেল অমা লিংখৎকনি। অনুসন্ধান নেসনেল রিছার্স ফাউন্দেসন্না চাংনাইনা ৱান নেসন ৱান সবস্ক্রিপসন শীজিন্নবা অমসুং হায়রিবা ইন্সতিতুসনশিং অসিগী ভারতকী অইবশিংগী চেফোঙশিং য়েংশিনগনি।

মহৈরোয়শিং, ওজা অমসুং থিজিল্লোয়শিংদা ৱান নেসন ৱান সবস্ক্রিপসন ফংহন্নবা অমসুং মেথোদকী মতাংদা হয়র ইজুকেসন দিপার্তমেন্ত অমসুং মখোয়গী মখাদা লৈবা অৱাংবা থাক্কী মহৈলোয়শঙশিং অমসুং রিছার্স অমসুং দিবলপমেন্ত ইন্সতিতুসনশিং লৈবা অতোপ্পা মিনিস্ত্রিশিংনা ইনফোর্মেসন, ইজুকেসন এন্দ কম্মুনিকেসন (আই ই সি) কেম্পেনশিং পাংথোক্তুনা, লৈবাক শীনবা থুংনা খুদোংচাবা অসি শীজিন্নবা হেনগৎহনগনি। মহৈরোয়শিং, ওজা অমসুং সরকারগী ইন্সতিতুসনশিংগী থিজিল্লোয়শিংনা অঙকপা খুদোংচাবা অসি মপুংফানা শীজিন্নবা ঙম্নবা রাজ্য সরকারশিংনা মখোয়গী থাক্ত কেম্পেনশিং পাংথোক্কদবনি।

****