0 6

#IFFIWood, 24 नोव्‍हेंबर 2024

“म्हजो बापूय एक स्वातंत्र्य झुजारी आशिल्लो आनी ताच्या विनंतीचेर ९० च्या दशकाच्या पिळगे खातीर वंदे मातरम गीत चड आकर्शक करपा खातीर हांवें आनी ए.आर. रहमानान ‘वंदे मातरम्’ हो लोकप्रिय आल्बम तयार केलो अशें नामनेचो चित्रपट दिग्दर्शक आनी पटकथा लेखक भरत बाला हांणी सांगलें. गोंयांतल्या 55व्या इफफींत ‘सिनेमा कथाकथनाचो संदर्भ म्हूण संस्कृताय’ ह्या विशयाचेर जाल्ले पॅनल डिस्कशनांत ते उलयताले. पॅनलांतले हेर वक्ते म्हळ्यार नामनेचे लेखक डॉ.सच्चिदानंद जोशी आनी अमीश त्रिपाठी.

जायरात म्हणल्यार एका उत्पादनाची उमेद  निर्माण करप अशें श्री बाला हांणी सांगलें. तेच प्रमाण ताका नवे पिळगे खातीर ‘वंदे मातरम’ मस्त करपाची इत्सा आशिल्ली आनी ‘वंदे मातरम’ हें आल्बम गीत ह्याच विचारांचें परिणाम जालें.

श्री बाला हांणी सांगलें की, आपूण व्हर्च्युअल इंडिया नांवाच्या नव्या प्रकल्पाचेर काम करता, जो देशांतल्या वेगवेगळ्या वाठारांतल्यान येवपी 1000 कथां वरवीं भारताचो इतिहास सांगता. श्री बालान निमाणें म्हणलें, “फिल्मां खातीर क्राउड फंडिंगाक लागून सामान्य लोकांक तांच्या आवडीच्यो कथा वेंचून काडपाक शक्त मेळूं येता, जाल्यार सद्याचे पद्दतींत निर्मातो वा दिग्दर्शक फिल्म करपाक खंयची कथा वेंचची तें थारायता.”

‘शिव त्रयी’ आनी ‘रामचंद्र मालिका’ ह्या पुस्तकांचो लोकप्रिय लेखक अमीश त्रिपाठीन सांगले की, चित्रपटांनी समाजांतल्या वास्तवाचें चित्रण जायत्या दशकां सावन चलता. कथाकाराक आपल्या सांस्कृतीक वातावरणाची जाणविकाय जाता तेन्ना चड प्रामाणीक कथा उदेतात अशें तांणी सांगलें.

इंदिरा गांधी नॅशनल सेंटर फॉर द आर्ट्स (आयजीएनसीए) हे संस्थेचे वांगडी सचीव आनी नामनेचे लेखक सच्चिदानंद जोशी हांणी सांगलें, मोबायल फोन ल्हवू ल्हवू आमच्या घरांतल्या जाण्ट्यां वरवीं जावपी पारंपारीक कथा-कथनाचो नाश करतात. आमच्या जाण्ट्यां वरवीं आतां प्रसारीत जावंक नाशिल्लीं सामान्य लोकांचीं असामान्य काणयो सिनेमांतल्यान उखलून चित्रपटांतल्यान आमकां पावयतात अशें तांणी सांगलें. श्री जोशीन निमाणें म्हणलें, "क्लासिक साहित्याचेर आदारिल्ली पटकथा संशोधनाच्या उणावाची भरपाय अभिजात साहित्याच्या वेगवेगळ्या आवृत्त्यांचे घटक एकठांय करून जाता." 

नामनेचो लेखक श्री मकरंद परांजपे हांणी चर्चेचें संचालन केलें.

* * *

PIB IFFI CAST AND CREW | Subhash/Utkarsha/Darshana | IFFI 55